Мивдисаг фалхат канын

Ахуыргæнæджы куысты нысантæ

1.     Ног æрмæгыл бакусын.

2.     Ныхасы рæзтыл бакусын.

3.     Миддуне хъæздыг кæныныл куыст.

4.     Фæлтæрын скъоладзауты арæхстдзинад æрмæджы бындурыл хатдзæгтæ кæнын.

Урочы тип

Рацыд æрмæг фæлхат кæнын.

Пъланы ахуырадон фæстиуджытæ

Предметон: зонын мивдисæджы сæйраг æмбарынад куыд ныхасы хай,зонын мивдисæджы æвзæрст, зонын мивдисджытæй пайда кæнын дзургæ æмæ фысгæ ныхасы мидæг.

Метæпредметон:урочы ахуырадон хæс æмбарын æмæ йæ зæрдыл дарын, хатдзæгтæ кæнын, архайды пълан аразын, фæстиуджытæн рагацау прогноз кæнынмæ арæхсын, хи хъуыдыты бындурыл иумæйаг хатдзæгтæ кæнын, иннæты хатдзæгтимæ сæ барын.

Удгоймагæн: æмбарын мадæлон æвзаджы стыр ахадындзинад интеллектуалон æмæ сфæлдыстадон миниуджытæ рæзын кæныны мидæг, йæ нысаниуæг иумæйаг ахуырадон процессы, ныхасы аивдзинадыл кусын.

Ахуыры методтæ æмæ формæтæ

Индивидуалон, фронталон, къæйттæй куыст

Техникон фæрæзтæ

Компютер, мультимедион проектор

Цæстуынгæ æрмæг

Презентаци урокмæ, тест

Урочы сæйраг этаптæ æмæ нысантæ

Ахуыргæнæджы архайды мидис

Скъоладзауты архайды мидис

Универсалон ахуырадон архайд

1.Зонындзинæдтæ райсыныл архайды мотиваци

Разныхас: Сывæллæтæ, уæ бон хорз! Абон ацы урочы тынг куы бацархаиккат, уый мæ фæнды. Табуафси, райдайæм.

Урокмæ цæттæдзинад æвдисынц.

Нысан: зæрдæхæлар ахаст кæрæдзимæ

2. Зонындзинæдты актуализаци

Цæмæй сбæрæг кæнæм абон цæуыл дзурдзыстæм уый, уытыххæй баххæст кæнын хъæуы хæслæвæрд.

Рафыссут фæйнæгæй дзырдтæ, цухгонд дамгъæтæй сæ баххæст кæнут афтæмæй.

Ды.гæ, цъ.утæ, дзы.ылдар, кæр.æг, дид.нæг, малу.æг, .ртахтысты, .утон

-Цы дзырдтæ сарæзтат? Фæстаг дзырд цы уыд? Чи йын зоны йæ нысан?(бакæсын æй дзырдуаты)

-Цухгонд дамгъæтæ рафыссут ног рæнхъмæ æмæ сæ дзырд саразут.

-Уæдæ ма иухатт æркæсæм нæ дзырдтæм, цавæр ныхасы хаймæ хауынц? Кæцы хицæн кæны?

-Уæдæ мах абон нæ урочы цавæр ныхасы хайыл дзурдзыстæм? (мивдисæг)

-Цы зонæм мивдисæджы тыххæй, уый ма  мын зæгъут.

-Тынг хорз дзуаппытæ раттат, бæрæг у, кæй цæттæ кодтат уæхи урокмæ.

-Уæдæ ма иухатт бакæсæм фæйнæгыл дзырдтæ. Цавæр афæдзы афонмæ хауынц? Саразут ма семæ хъуыдыйæдтæ æмæ зæгъут, цавæр мивдисджытæ сæм бафтытат, йæ афон, йæ цæсгом.

Фыссынц дзырдтæ, аразынц ахуыргæнæгимæ диалог.

Кусынц тетрæдты

Урочы темæ дзурынц (мивдисæг), слайдмæ гæсгæ бæрæг кæнынц дзырдты растфысынад.

Рахицæн кæнынц дзырд æртахтысты.

-Ацы дзырд æвдисы архайд æмæ у мивдисæг, иннæ дзырдтæ сты номдартæ.

- Мивдисæг домы фарстатæ Цы ми кæны? Цы кæны æмæ æвдисы архайд.

-Мивдисæгæн ис æртæ афоны(суинаг, нырыккон, ивгъуыд)

-Афонтæм гæсгæ мивдисджытæн ивынц сæ кæрæттæ.

-Мивдисæг ивы цæсгæмттæм гæсгæ.

-Мивдисæгæн ис нымæцтæ (иууон, бирæуон)

-Хъуыдыйады мидæг мивдисæг вæййы сæйраг уæнг, зæгъинаг.

Скъоладзаутæ аразынц хъуыдыйæдтæ. Хуыздæр хъуыдыйад фыссынц тетрæдты. Иу скъоладзау та фæйнæгыл.

Зонынадон:æмбарынц ахуырадон-зонынадон хæс,архайдмæ цæтæдзинад, зонындзинæдтæ/нæ

зонындзинæдтæ бæрæг кæнын.

Регулятивон:пълан кæнынц хъæугæ архайдтытæн, хæдбарæй урочы темæ сбæрæг кæнын.

Коммуникативон: диалоджы мидæг архайыд, къордты, парæты æмæ хæдбар куысты архайд æвдисын

3. Урочы æрмæгыл бакусын.

2.Чиныгимæ куыст хибарæй.

-Рафæлдахут ма фарс 125, фæлтæрæны хæслæвæрд-рафыссын текст, ссарын мивдисджытæ, бацамонын сын сæ афон,цæсгом, нымæц.

-Уæдæ ма сбæрæг кæнæм куыд сыххæст кодтат хæслæвæрд.

Скъоладзаутæ хибарæй æххæст кæнынц фæлтæрæн.

Скъоладзаутæ иугай дзуапп дæттынц, кæрæдзийы куыстытæ бæрæг кæнынц.

Зонынадон:æмбарынц ахуырадон-зонынадон хæс,архайдмæ цæтæдзинад, зонындзинæдтæ/нæ

зонындзинæдтæ бæрæг кæнын.

Регулятивон:пълан кæнынц хъæугæ архайдтытæн, хæдбарæй урочы темæ сбæрæг кæнын.

Коммуникативон: диалоджы мидæг архайыд, къордты, парæты æмæ хæдбар куысты архайд æвдисын

4.Улæфты рæстæг.

5.Урочы æрмæгыл дарддæр куыст.

Къордтæй куыст.

-Ныртæккæ та акусдзыстæм къордтæй. Фæйнæгыл ис дзырдтæ (слайд).

- Фыццаг къорд сæ сæвæрдзæн 2-аг цæсгомы, бирæон нымæцы.

-Дыккаг къорд-3-аг цæсгомы, иууæн нымæцы.

-Æртыккаг къорд та- 1-аг цæсгомы, ивгъуыд афоны.

(фыссын, лидзын, кæсын, агурын, æвдисын)

-Хорз бакуыстат сабитæ. Уæдæ кæд афтæ хорз кусут, уæд ма уын иу хæслæвæрд.

-Алы къорд дæр нæ гуырылæй райсæд иц сыфтæр.

-Цавæр ныхасы хай фыст ис сыфыл? (номдар)

-Уыцы номдаримæ  саразут дзырдбæстытæ мивдисæгимæ. Кæцы къорд фылдæр сараздзæн.

Скъоладзаутæ кусынц къордты, стæй сæ куыст  фæйнæгмæ гæсгæ бæрæг кæнынц.

Скъоладзаутæ кæсынц дзырдбæстытæ

Зонынадон:æмбарынц ахуырадон-зонынадон хæс,архайдмæ цæтæдзинад, зонындзинæдтæ/нæ

зонындзинæдтæ бæрæг кæнын.

Регулятивон:пълан кæнынц хъæугæ архайдтытæн, хæдбарæй урочы темæ сбæрæг кæнын.

Коммуникативон: диалоджы мидæг архайыд, къордты, парæты æмæ хæдбар куысты архайд æвдисын

5.     Тестимæ куыст

-Хорз бакуыстат. Цæмæй  уæ зонындзинæдтæ мивдисæджы тыххæ фæфидардæр уæй, уый тыххæй ма баххæст кæндзыстæм иу чысыл тест. Алчидæр кусы хибарæй.

6.     Урочы хатдзæгтæ.

-Уæдæ ма скæнæм хатдзæг нæ куыстæн.

-Цавæр темæ фæлхат кодтам?

-Хорз æй чи бамбæрста уый ма равдисæт сырх картычкæ.

-Акусын ма кæй хъæуы ацы темæйыл, уый та цъæх.

-Цавæр бæрæггæнæнтæ сæвæрид алчи йæхицæн?

Сывæллæттæ хатдзæгтæ кæнынц:

-ахуырадон хæс куыд сæххæст кодтой;

-зындзинæдтæ цæй мидæг бафиппайдтой;

-къуылымпыдзинæдтæ аиуварс кæнынæн цы куыст бакодтой, стæй ма бакæнын хъæуы.

Регулятивон:скъоладзаутæ æрцæуынц хатдзæгмæ цы бамбæрстой æмæ сæ цæуыл хъæуы фылдæр бакусын.

Сæ зонындзинæдтæн сæхæдæг аргъ кæнынц.

7.     Хæдзармæ куыст

 Равзарын фæлтæрæн 252

Хæдзармæ куыст фыссынц боныджы.