Otlarning kelishik qo`shimchalari bilan qo`llanishi

Dars mavzusi: Otlarning kelishik qo‘shimchalari bilan qo‘llanishi.

( 187-190- mashqlar)

Darsning maqsadi:

Ta’limiy:  Otlarning gapda kelishik qo‘shimchalari  bilan qo‘llanishi, uning nomlari, so‘roqlari va gapdagi vazifasi yuzasidan amaliy bilim berish,  gap tuzishda qo‘shimchalardan foydalanish, so‘zlarni ma’no jihatdan bog‘lanishlarini anglashga o‘rgatish; FK: otning  kelishik qo‘shimchalari bilan turlanishini bilish,

Tarbiyaviy: oʻquvchilarni tabiat in’om etgan narsalarga ehtiyotkorona munosabatda bo‘lishga o‘rgatish, komil inson qilib tarbiyalash: TK5 : o‘zi yashab turgan tarixiy obidalarni bilish va ularni bir-biridan farqlash;

Rivojlantiruvchi: oʻquvchilarda imloviy va husnixat koʻnikmalarini rivojlantirish. FK2: talaffuz me’yorlariga rioya qila oladi, mavzuga oid so‘zlarni og‘zaki va yozma nutqda qo‘llay oladi, o‘zlashtirilgan leksik birliklarni matnda qo‘llay oladi.  TK 2: darsda kitob bilan ishlay olish, o‘rganilayotgan mavzuni, kerakli qoidani, mashqni topish, mashq topshiriqlarini tartibi bilan bajarish

        Dars turi: bilim, koʻnikma, malakani  shakllantiruvchi dars.

Dars metodi: suhbat, kichik guruhlar bilan ishlash, “Blits so‘rov”,„Tahlil qolipi“ta’limiy o‘yini, “Lisoniy qolip” metodi .

Dars jihozi: tarqatma materiallar, rasmlar, didaktik materiallar, slaydlar.

Darsning borishi:

I. Tashkiliy qism.

Ø    Salomlashish.

Ø    Navbatchi axborotini tinglash.( Ingliz tilida olib boriladi)

Ø    O‘qituvchi:   Good morning pupils!  (Salom bolalar)

Ø    Whu is on duty today? ( Bugun sinfda kim navbatchi?)

Ø    O‘quvchi: I am on duty today. (Bugun sinfda men navbatchi)

Ø     My name is…….. Today is __ st of __________.

Ø    Today is Friday. The weather is cloudy today.

Ø    O‘quvchilarning darsga tayyorgarliklarini tekshirish.

Ø    Diqqatni jamlash mashqlarini bajarish.

Ø    O‘quvchilarni guruhlarga ajratish va guruh sardorlarini saylash.

Ø    O‘quvchilarga yaxshi kayfiyat tilash va darsning “Do‘stona kelishuv” qoidalarini eslatib o‘tish.

Ø    Dars davomida har bir to‘g‘ri javob uchun “Barakalla” deb yozilgan rag‘batlantiruvchi kartochkalar  berib boriladi. Dars davomida ko‘p rag‘bat kartochkasi to‘plagan juftlik e’lon qilinadi. 

II. O‘tilgan  mavzularni  mustahkamlash.

O‘quvchilar  bilimini  aniqlash uchun “Blits so‘rov” metodidan foydalanib o‘tilgan mavzu tekshiriladi.                                                                                                                                                                                        Buning  uchun  o‘quvchilarga quyidagi  tarqatma tarqatiladi. O‘quvchilar savol va javoblarni o‘qib, “O‘quvchining javobi” deb yozilgan ustunga  to‘g‘ri javob raqamini yozishlari kerak bo‘ladi.  Topshiriqni bajarishda  kichik  ya’ni ikki  o‘quvchi birgalikda  bajaradi.  Bu esa o‘quvchilarni hamjihatlikda ishlashga o‘rgatadi.

1-topshiriq bo‘yicha o‘quvchilar javoblari tinglanib xulosa qilinadi.

Shu tariqa o‘tilgan mavzular takrorlanadi va o‘quvchilar olgan bilimlari baholanadi.

1- topshiriq. “Blits so‘rov”

 “Rasmli  lug‘at diktanti”ni o‘tkaziladi. Buning uchun o‘qituvchi monitor orqali  rasm ko‘rsatadi, o‘quvchilar esa rasmda namoyish etilgan narsalar nomini husnixat asosida daftarlariga yozadilar. Vaqtni tejash maqsadida keyingi slaydda to‘g‘ri javoblar  ko‘rsatiladi, o‘quvchilar o‘zaro sheriklari bilan daftarlarini almashtirib tekshiradilar.  So‘ng narsalar nomini ingliz tilidagi nomlarini aytadilar.Topshiriqni to‘g‘ri va aniq bajargan o‘quvchilar aniqlanib, rag‘batlantiriladi.

III. Yangi mavzuni bayoni. 

Buning uchun mashq shartiga ko‘ra matn o‘qitiladi va sarlavha topiladi. So‘ng ajratilgan so‘zlar quyida keltirilgan jadvalga yozib, so‘zlarda ishtirok etgan  egalik va kelishik qo‘shimchalar nomi ostiga yozib chiqib tahlil qiladilar.  Topshiriqni  bajarishda juftlikda bajariladi.

2-topshiriq. „Tahlil qolipi“

Kichik jamoalar topshiriqni bajarib bo‘lgach, monitor orqali to‘g‘ri javoblar tekshiriladi. Xatolikka yo‘l qo‘ygan jamoalarning noto‘g‘i javoblari tahlil qilinadi.

IV. Yangi mavzuni mustahkamlash.

3-topshiriq. “Lisoniy qolip”

189-mashq. Berilgan so‘zlarga mazmunan mos bo‘lgan otlarni topib birikma tuziladi. Birikmada ishtirok etgan kelishik qo‘shimchalari odatdagiday belgilanadi.

Bahor keldi, daraxtning bargi, bargini to‘kdi, o‘lkaga ketdi, maktabda ishlaydi, ishdan qaytdi.

V. Darsga yakun yasash va baholash.

Darsda faol qatnashgan o‘quvchilar rag‘barlantiriladi va baholanadi.

VI. Uyga vazifa..Uyda 190- mashqni shartiga ko‘ra bajarib kelish aytiladi. O‘quvchilarga yaxshi tilaklar bildirilib darsga yakun yasaladi.