План открытого урока на тему "Местные падежи в табасаранском языке"

МКОУ Ц.О."Юлдаш"

ПЛАН-КОНСПЕКТ

урока по табасаранскому языку в 4-ом классе

 на тему:

"ОЗНАКОМЛЕНИЕ С МЕСТНЫМИ                   ПАДЕЖАМИ"

                                                 Составитель:Магомедова Лейла Абдулгамидовна,

                                                                      учитель родного(табасаранского)языка

                                                                                                        и роднойлитературы

                                                                   МКОУ Ц.О."Юлдаш"

Хучни-2019

Дарснан кIул: Йишван падежар.

Дарснан метлеб: йишван падежарихъди  урхурайидар таниш апIуб; йишван падежар арайиз гъюбан гъаврикк ккауб; существительнйир  йишван падежариз дигиш апlуз улупуб; йишван падежар жара апlуз удукьувал.

Дарснан алатар: 4- пи классдин учебник, ноутбук, йишван падежар арайиз гъюбан слайдар, схемйир, карточкйир, словарь ва гь. ж.

Дарснан гидишат.

I.Класс гьязур апIуб.

-Саламалейкум аьзиз баяр-шубар, ва учухьна дуфнайи хялар.

-Гизаф вахтна гюзлемиш апIурайи зенг гъивну.

Ккебгъра дарс.

Духьну ккунду ихь къайдайиъ

Ручкйир , китабар ва тетрадар.

Мурад.

Учу тебрик апIурча хялар,

КIваз ккуни мялимар.

Вари танишдариз ,танишдарудариз,

Ижмидариз ва шадудариз.

Саид.

Дубгъай бабан чIал.

Фикриинди, юкIв хъади, аькьвлиинди.

Аьхю пешкеш учвуз ккилибгура.

Думу пешкеш дидиъ чаъ а.

Ихь девиз.

Умуд ктрабтIувал, умуд ктрабтIувал!

Вари кIули гъабхуб, вари дубгъуб.

-Гьамус лигай чиб-чпихьинди, аьлхъяй , сар-сариз ужувлар   ккун апIинай.

-Сарун ктучIвурхьа ихь дарснахьинди.

-БикIай гъирин число ва классдин ляхин.

                  II.Хулан ляхин ахтармиш апIуб.

-Читинвалар алахьнийин учвуз хулан ляхин апIруган?

(бицIидарин жавабар)

       III. Ккудушу дарс мюгькам апIуб.

1

а) ученик.Ригъ,  мялим -асул падежариз дигиш апIуб ва са-саб предложение ктабгъуб(доскайихь)

б) ученик. 5 къанажагълу ва 5 къанажагъсуз существительнйир дикIуб ва дурар актив падеждиъ дивуб.

в) ученик.5 хас  ва 5 жинс существительнйир дикIуб ва тевбан падеждиъ дивуб.

2.

4-ученикди чпихьна тувнайи карточкйир ишлетмиш апIури , чпиз улупнайи табшуругъар тамам апIуру.

а) Къанажагълу ва къанажагъсуз существительнйир жара апIуб.

б)  Бай, гату -ялгъуз ва гизаф кьадарнаъ асул падежариз дигиш апIуб.

в) Жара дапIнайи гафарин падеж ва кьадар  тяйин апIуб.

г)Скобкйириъ айи гафар тувбан падеждиъ диври, кибикIуб.

     3.

Орфографияйиан айи аьгъювалар ахтармиш апIуб.

Учители гафар ктухуру, хъа ученикари дурар дикIуру.

Месела:

               ЦIигь, сул,  гамуш, жанавар , швеъ,  фил, хюни, гьяят,  хулар , аба, гьавйир.

Сар-сарин ляхин ахтармиш апIуру ва чиб-чпиз кьиматар дивру.ГъалатIарин зиин ляхин апIуру.

4.

Теория текрар апIуб.

- Учв гъидикIу гафар фуну чIалнан пайнак кахьра?

(Сущ.)

-Фтиз кIуру  существительное?

-Фицдар шулу существительнйир?

-Къанажагълу ва къанажагъсуз сущ-йир фици жара апIуру?

-Хас ва жинс сущ-йир фици жара апIуру?

-Сущ-йир фици дигиш шулу?(падежариз ва кьадарариз)

-Табасаран чIалнаъ швнуб жюрейин падежар а?

         Физминутка.

Къанажагълу сущ-йир ктухруган ккарччлар йивуб.

(нир, аба, балугъ, доска,бажи, ими, укI марчч, парта, журнал, духтир,  шаир, сумка, Асли, Шамиль, стул ,газет, хюни, пеъ, бай , хала , ппази, бицIир, рякъ, аьхюр. )

               IV. ЦIийи дарс ктибтуб.

ЦIийи дарс аьгъю апiбан  бадали учители слайддик кайи текстнакан мянфяаьт ктабгъуру.

Дадайи сундхиъ вичар ахьу. Дугъу сундхик ачрар кахьну. Адашди сундхикк гакIвлин кьатIар ккивну. Сундхихь курси дивнайи. Замири сундхихъ китабар айи чанта хъипну. Сундхиин цIийи газет дипна. Сундхигъ бицIирин хил гъябхъну.

Текст урхбалан кьяляхъ ученикари суалариз жавабар тувру.

-Сундух кIуру гаф фици дигиш шулаш , фикир тувай.

Думу гафназ гьар предложениейиъ суалар тувдихьа.

........?

.......?

.......?

- Йишван падежари мутмйирин саб тмунубдиз дилигну ерлешмиш хьпан саягъ ва дурарин чип*ина гъюрайи ва гьудубчIвну гъябгъюрайи гьяракат жигьатнаан айи гьял улупуру.

Мялимди давам апIуру.

Табасаран чIалнаъ, иллагьки , йишван падежарин кьадар гизаф ву.

Табасаран чIалнан йишван падежариз 7(ургуб) жюре а.

Дурари:

1. айитI;

2. улихь;

3. гъвалак;

4. кьяляхъ;

5. кIанакк;

6. кьялягъ;

7. зиин ерлешмиш хьувал улупуру.

Йишван падежар арайиз гъюбан схемайин  учители слайддикан гъаврикк ккаъру.

Актив падеж---сикинвалин п.(-ъ,-гь(-хь),-к,-хъ,-кк,-гъ,-ин)

ГьучIвбан п.(-на), гьудучIвбан п.(-ан), сатIивалин п.(-ди).

Табасаран чIалнаъ айи йишван падежар  6 группайикан арайиз дуфна, 4-пи классдиъ урхурайидар анжагъ 1 группайихъди(сикинвалин) таниш шулу.

Учители ученикар гафар йишван падежариз  дигиш хьупан гъаврикк ккаъбан бадали, гьаму таблицайихъди гьарсаб рядназ саб гаф падежариз дигиш апIуз гъитру.

1. Вич, 2.доска, 3.китаб.

Йишван падежариъ айи гафар предложениейиъ обстоятельствйир вуди шулу, саспиган чап дополнениера шулу.

Балин жибдиъ хифар а.

БицIидари доскайик бикIурайи.

Риш чвуччвухъди гъюра.

     V. ЦIийи дарс мюгькам апIуб.

1. 161 -пи илчIихуб;

Предложенйир,гъидирчнайи гьярфар гъяъри , кибикIай.

2.Гьамус апIурхьа саб тамаши"Юкьубпиб лазим дару"

Доскайик дидикIна гафар. Гьарсаб дуниъ лазим дару гаф а.

столи          стулиъ               дадайин                    бицIидар

заву             уьлиъ                бабан                         газетдиин

Рубас          бай                     китабдиз                   жанаврар

гатди           атIниъ                кьабирин                    кьалмар

3. Дарснан натижа йивуб.

 VI. Хулан  ляхин.

 159-пи илчIихуб.