Разработка урока по родной литературе в 6 м классе, на тему: Багавутдин Астемиров

Дарсны темасы:Багьавутдин Астемиров «Арслан,бёрю.ва тюлкю»

Дарсны муратлары:яшланы шаирни яшав яратывчулугъу булан таныш этив.

Ёмакъны аслу маънасын ачып болмакъ. Ёмакъдагъы игитлени хасиятларын  ачмакъ.Чебер охувгъа къаст этив.

Охувчуланы оьзбашына герекли маълуматланы тапмагъа уьйретив.

Табиатгъа бакъгъан сюювюн артдырмакъ.

Къоллангъан къуралар:сёзлюк.шаирни сураты,ёмакъгъа  гёре суратлар.

                          Дарсны барышы.

 1.Дарсгъа гиришив.

   Саламлашыв.

Исси саламым булан мен сизин къаршылайман

яхшы ёравлар булан дарсыбызны башлайман,

бирден бир яхшы яшлар болма къарарсыз дарсда

билимге билим къошма къаст этерсиз айгьайда.

 2.Гечилген материалны такрарлав.

Н.Ханмурзаевни яшав яратывчулугъуну гьакъындан не билдигиз?

Шиъруну гёнгюнден айтыв.

Муаллимни соравлары:

Шиъруда шаир охувчу яшгъа нечик насигьатлар бере?

Охув сизин гележек яшавугъузда  тарыкъ болармы?

Соравлагъа яшлардан жаваплар.

3.Янгы теманы уьйренив.

Шаирни яшав яратывчулугъундан бир гесеги охула,дарсны темасы ачыкъ бола. Бугюнгю дарсда биз къайсы  шаир булан таныш  болабыз.

 Савлай шаирни яшав яратывчулугъу  ва ёмакъ охула.

 Багьавутдин Астемиров  къайсы юртда тувгъан?

 Шаирни къайсы асарлары булан танышсыз?

4Теманы уьстюнде ишлев.

 Шиъру къайдада язылгъан ёмакъ чебер  охула.

Англашылмайгъан сёзлени  маънасы ва язылышы  беклешдирилене.

Сёзлюк: гьав-охота,дурус-правильно,сокъмакъ –тропа.

5.Авуздан лакъырлашыв.

Ёмакъда къайсы къыр жанлар суратлангъан?

Булар бирче жыйылып къайда бара болгъан?

Ёмакъда тюлкю  пайлагъан кюйню нечик гёресиз?

Яшавда шолай тюзсюзлюклер  ёлугъамы?

Баш игитлени суратлавда шаир къайсы къурраланы къоллагъан?

(танглешдиривмю яда къопдурувму).

 Суратгъа гёре лакъырлашыв.

6.Ял алыв.

Къулакъ берилген бизге,

 Асил сёзге тынглама

Гёзлер берилген бизге 

Гёзелликге къарама.

Башыбыз да бар бизин

Тюз ойланы ойлама.

 Аякъларыбызда бар

Тюз ёлланы бойлама .

7.Янгы дарсны беклешдирив.

Ёмакъны бир бёлюгю  бетлеге гёре охула.

Гьар охувчу  оьзю бетге  охугъан жанны  суратлай.

Арсланны келпети  ёмакъда нечик суратлангъан?

Бёрюню обурлугъу неден билине?

Тюлкюню гьилласы неден билине?

7.Дарсны натижасын чыгъарыв.

Шаирни  яратывчулугъундан сизге шаирни къайсы асары  къужурлу тийди?.

(яшланы жаваплары)

Бу ёмакъ,адабиятда    нечик ёмакъ деп айтыла?

(яшланы жаваплары)

Ёмакъда къайсы хасиятлар сёгюле?

(яшланы жаваплары)

Бугюнгю дарсдан сиз оьзюгюзге не пайда алдыгъыз?

(яшланы жаваплары)

8.Уьйге иш.Ёмакъны хабарын айтма.

9.Къыйматлар. Яшлар, мен бугюн сизге бек разимен, сиз дарсда арив ортакъчылыкъ этдигиз, шо саялы да мен сизге тыйышлы яхшы къыйматлар саламан.