Шола мукъаза оазаш-алапаш

Тема: Шола мукъаза оазаш-алапаш.

Урока лоарх1амаш: шола мукъаза алапаш дешашта юкъе зе а уж юкъе дола дешаш дийкъа кердача муг1ар т1а сехьадаха а дешархой 1омабар, каллиграфически навык кхеяр, меттацара безам совбаккхар.

Урока никъ

I.Урока кийчо яр. Урока темахеи лоархIамахе лаьца алар.

II.Ц1аг1а бе бенна болх тахкар Упр. № 48

III.Ц1ена яздар

-                 Хьат1аязде доска т1ара алапаш:

Г1 г1г1

-                 Малаг 1а оаз белгалъю укх алапо?

-                 Мукъа е мукъаза? ( Мукъаза )

-                 Зовне е къора?(Зовне )

-                 Кхы фу хов шоана укх алапах? ( Шолха апап да. )

-                    Оаз (г1) хьалха хоза дешаш дагадохал. (Г1ала, гlapazlypa, г1амаг1а, г1ум.)

Бераша хьаоалача дешашцара 3-4 дош д1аязду, цхьан-шин дешаца предложенеш оттаю. 

IV. Керда тема хьехар

Доска т1а д1аяздаь да дешаш :

Оза - эзза, вада - ведда, хала — халла, кассета, лаьтта.

-                 1одеша уж дешаш.

-                   Фу зийра оаш уж дешача хана? (Цхьадолча дешашта юкъе мукъаза оазаш й1аьхха хоз.)

-                   Йазон т1а мишта белгалъяьй й1аьхха хоза мукъаза оазаш?

(Цхьатарра дола мукъаза алап в1ашъюххе яздаьд.)

- Царех шола мукъаза алапаш оал. (25- ча оаг1он т1ара бокъо ешийт берашка).

-                     Доска т1ара дешаш хьаязде, шола мукъазача алапашта к1ал така хьакха.

V.Физкультминутка

Малхбоалехьа д1ахьажал,

Малхбузехьа хьахьажал,

Малхага нийсса хьалхьажал,

Т1аккха лаьтта 1охьажал.

Бешара оасар даккха вай,

Хохаш мукъабаха вай,

Т1аккха нийсса ураэтге,

Парг1атта садаккха вай.

VI.1омадаьр ч1оаг1дар

1.   Бокъонаш еш бераша. ( 25 oaгl.)

2.    № 50 йола упражнени кхоачашъяр. (Ло1аме.)

- Шола мукъазача алапашта к1ал така хьакха.

-1оеша № 51 йолча упражнене текст.

б.Ловзар «Хьанна хов?»

1)    . Кога малаг1а г1ирс ба йоазон т1а кк яздеш? (Иккаш).

2). К1ира        юкъе малаг1а ди да йоазон т1а тт яздеш? (Шоатта).

3).Баьцаюкъе малаг1а зиза да йоазон т1а пп яздеш?(Баппа).

4). Сага маьженех кхыча тайпара йоаккха ц1и йоазон т1а тт яздеш? (Аьттиг).

5).Малаг1а     бежан да йоазон т1а тт яздеш?(Етт).

6).Хаьса т1ара малаг1а кхача ба йоазон т1а тт яздеш? (Беттадуарг).

7).Ч1агарго    б1ы бер йоазон т1а пп яздеш?(Топпар)

-Дош сехьадоаккхача хана шола мукъаза алапаш юкъе дола дешаш мишта декъ?

Упр.52. 1одеша. Т1ера хьаязде дешаш, сехьадаха йиш йолча тайпара декъа а декъаш.

VII.Урока кортабар

-                 Фу 1омадир вай шуца тахан?

-                 Малаг1а х1ама да оаша хьаийцара.

-                     Дош сехьадоаккхаш хилча, шола мукъаза алапаш дола дешаш мишта декъ?

Ц1аг1а.  Упр. 56, 59.