Статья: Я - учитель начальных классов.

89-г1а урок

Урокан  ц1е: «Мукъаза къора  аз (Ф), элп Фф».

1алашо: мукъаза  къора   аз (Ф)  довзийтар, элп Фф  довзийтар. Элп Фф  дешан  юьххьехь,  чаккхенгахь, юккъехь деша 1амор.

Кхочушдан лерина жам1аш:

1.Предметни:мукъаза  къора  аз (Ф) девзар ду берашна, элп Фф  девзар ду. Нийса а , кхеташ а  элп  Фф   юкъадог1у дешнаш деша  1емар ду.

2. Метапредметни:

·        Регулятивни: берашна  1емар ду  учебника  т1ехь  ялийначу   материалах   пайда а оьцуш  , шайн белхан план  х1отто. Планан рог1алла а  ларъеш  шайн болх  д1абахьа а 1емар ду берашна. Берашна хуур  ду  шайн кхиамаш ган , царех пайдаэца. 1емар ду  кхачамбацарш  ган   уьш  д1адаха.

·        Коммуникативни:  берашна  1емар ду  хьехархочун хаттаршна дуьззина жоьпаш дала. 1емар ду  вовшашца къамеле  бовла, ладог1а.

·        Познавательни: берашна  1емар ду элп Фф  юкъа а х1оттош  дешдакъош  кхолла , уьш деша.  Берашна хуур ду элп Фф  оьрсийн матера т1еэцначу дешнашкахь бен  ца хилар. Алсамдер ду  дешнаш довзар.1емар ду  дехий , доций  мукъа  аьзнийн тидам бан.

3. Личностни: берашна  евзар ю керла говзалла-тегархо. Берийн лаам хир бу  шайна оьшу говзал йовза, караерзо.

                Урок  д1аяхьар.

1.Маршалла  хаттар.

-Де  дика хуьлда  шун, бераш!

-Диканца дукха ехийла !

2.Дешаре  шовкъ  кхоллар.

·        Ловзар : «Х1етал-металш»

Х1етал-метал хаьийла хьуна:

Цкъа б1аьрг а та1абой,

Юьхь-сибат кехат т1е доккхург? (Фотоаппарат)

Тай яхъели, аьхка хьаьрчи? (Шарф)

Галеш чуьра 1енош санна,

Лайн чимаш а кхуьссуш,

Дарц а дохуш хьийза мох,

Ярташ лайнах юьзна.

Бусашело ч1аг1 а луш,

Дийнахь шаш а бешаш,

Де дахделла - и гуш ду,

Хаал шайна х1ун бутт бу? (Февраль)

-Х1ун ю уьш? (Февраль,шарф, фотоаппарат).

-Х1ун ду  церан  юкъара?

-Х1ун  1амор ду  вай тахана?

3 .   Урокан 1алашо  йовзийтар.

-Д1аелла  учебникан  119-г1а  аг1о.  Тидамбе вайна  1амо т1едиллинчу г1уллакхан. План  х1отта а шайн белхан.

·        Суна 1емар ду….

·        Суна  хуур ду…

·        Ас дийр ду….

-Вай  тахана  1амор ду  элп  Фф юкъадог1у дешнаш деша. Вайна  1емар ду  предложенеш еша. Дийцар х1оттор ду  вай. 

4. Мукъаза  къора  аз (Ф) , мукъаза   элп  Фф  довзийтар.

·        Суьрташца болх бар. Дешан  юьххьехь  , юккъехь  аз   (Ф)    довза  1амор.

-Х1ара х1ун ю? (Фонарь ).

-Ала   ФФОНАРЬ   . Муьлха аз  хеза  ФОНАРЬ   дешан  юьххьехь?  (Аз (Ф)  хеза).

-Ала  ФФ   . Аз (Щ)  мукъа  ду  я  мукъаза  ду? (Мукъаза ду).

-Х1унда  ду  и мукъаза? (Аз (Ф) ца  лакхало).

-Аз (Ф) зевне ду  я  къора   ду? ( Аз (Ф)  къора  ду).

-Тидам бе схемин . Х1ун  бос  бу  аз ( Ф) билгалдечу еък1овн? (Сийна)

-Маса дешдакъа ду  ФОНАРЬ      дешан? (Шиъ  ду)

-Муьлханиг  ду хьалхара  дешдакъа ? (ФО).

-Шолг1аниг? (НАРЬ).

-Х1ара х1ун ю? (ШАРФ).

-Маса дешдакъа ду  ШАРФ дешан? (Цхьаъ).

-Мича  меттехь  хеза  аз (Ф)?  (Дешан  чаккхенгахь).

·        Элп  Фф  довзийтар.

-Х1ара зорбанан  доккха  элп  Ф  ду , х1ара  зорбанан жима элп ф  ду. И ши элп цхьатера ду  я  тайп-тайпана  ду?

-Х1ун кхиамаш бехи аша?

·        Суна девзи мукъаза  къора   аз (Ф).  Мукъаза  шалха элп  Фф.

·        Фф  элпах лаьцна байт 1амор.

Фариза ю школе йоьдуш,

 Фартук цо ц1ахь йицйна.

Фатима, цуьнга хьоьжуш,йоьлу

—            Форма хьайн ахь хийцина?

-Муьлхачу дешнашкахь хеза  аз (Ф)?

5. Дешдакъош х1иттор , уьш дешар.

·        Фф  элпаца  дешдакъош кхоллар.

-Бераш  , вай  х1инца  1амор ду  дешдакъош деша.  Аса  хьала   ойбу   элп Фф  , аша   аз  а  ца  хадош  д1адеша  иза. (Хьехархочо   д1агойту  элп   , бераша  д1адоьшу.

-Фф.

-Аса  цунна  улло дуьллу  кхин  цхьа  элп  А.   (Ф)  олуш  долуш долу  аз  а  ца  хадош  д1адеша   дешдакъа. (Бераша  д1адоьшу)

-ФФАА.

-Д1адеша  аса гойтуш долу  элп  юха.

-ФФ.

-Аса  дуьллу  цунна  улло кхин элп О.  (Ф)  олуш долуш долу  аз  а  ца  хадош  ший  цхьана д1адеша.

-ФФОО.

-Юха  аса   дуьллу  элп  У. Аз  ца  ходуьйтуш  д1адеша.

-ФФУУУ,

-Юха  аса дуьллу  элп И. Д1адеша  аз а  ца  ходуьйтуш.

-ФФИИ.

-Юха  аса дуьллу  элп Е. Д1адеша  аз а  ца  ходуьйтуш.

-ФФЕЕ

·        Фф  элп юкъадог1у  дешдакъош  дешар.

(Хьехархочо уьн т1е  д1ах1иттадо дешдакъош ,бераша  д1адоьшу)

ФФАА                           ФФУУ                 ФФЕЕ        
ФФОО                          ФФИИ                   

(1аматан аг1он т1ера а д1адоьшу бераша  дешдакъош)

-Х1ун  кхиамаш  бехи  аша?

·        Суна  1еми дешдакъош деша.

(1аматан аг1он т1ера а д1адоьшу бераша  дешдакъош)

-Х1ун  кхиамаш  бехи  аша?

·        Суна  1еми дешдакъош деша.

6. Дешнаш  дешар.

·        Уьн т1ера  д1адоьшу дешнаш.

-Д1адеша  хьалхарчу б1ог1амалгера дешнаш.Х1ун ю  ФАБРИКА? (Х1умнаш тоьгу  меттиг ю).

-Маса дешдакъа ду  ФУТБОЛ    дешан? (Шиъ).

-Муьлханиг  ду хьалхара  дешдакъа? (ФУТ).

-Шолг1а?(БОЛ).

-Д1адеша шолг1ачу б1ог1амалгера  дешнаш.  Муха  кхета шу  ПАРЗ   бохучу дашах? 

Маса  деш дакъа  ду   ПАСТА   дешан ? (Шиъ ду).

-Муьлханиг  ду хьалхара  дешдакъа? (ПАС).

-Шолг1а? (ТА).

-Д1адеша  кхоалг1ачу б1ог1амалгера  дешнаш . Х1ун  ю  ФЕРМА? (Даьхни кхобу  меттиг ).  

- Абатан 119-г1а  аг1он  т1ера д1адоьшу  дешнаш.

-Х1ун  кхиамаш бехи аша?

·        Суна 1еми  дешнаш  деша.

·        Абатан 119-г1а  аг1он  т1ера д1адоьшу  дешнаш.

·        Элп Фф  оьрсийн матера  т1еэцначу дешнашкахь  бен  ца хилар хаийтар.

-Муьлхачу  дешнашкахь  ду  элп  Фф?  (Фабрика,  ферма, шарф,  кофта).

-Хьан  хаьа  шуна:  нохчийн  метан  дешнаш  дуй  уьш? (Берийн жоьпаш).

-Уьш  оьрсийн маттера  т1еэцна дешнаш  ду. Элп Фф  оьрсийн матера т1еэцначу  дешнашкахь  бен  ца  яздо.

·        Дехий , доций  мукъа  аьзнийн  тидам бар.

-Д1адеша дош. (Лама)

-Муха кхета шу  цунах? (К1иран  де ду  иза).

-ЛАМА  дашехь  аз (Э)  деха  ду  я доца ду?  (Доца).

6. Сада1аран миноташ.

1ам чохь баьццара ши пхьид

Дукха каде хьийзаш яра:

Юьхь-куьг цара дуьлура,

Дег1ах гата хьоькхура.

Когаш бетташ, т1араш детташ,

Аьрру, аьтту д1асасетташ.

Юха хьала а нислуш,

Багахь «къакъи» дора.

Цундела ю уьш могуш

Шу а хила лууш.

(Бераша байташйоыду дег1ан меженаш хьееш).

7. Барта  къамел кхиор.

·        Дийцар  х1оттор.

-Мила ю суьрта  т1ехь? Ц1е тилла цунна. Стенгахь  болх  беш  ю Фариза?  (Фариза  фабрикехь болх беш ю).

-Х1ун  йо  фабрикехь?  (Фабрикехь йо  кофтанаш, юбканаш).

-Мила  ю Фаризин  доттаг1?  (Фаризин доттаг1  ю Пет1амат).

-Х1ун  говзалла  ю Фаризин ,Пет1аматан?  (Фаризий , Пет1аматтий  тегархо ю).

-Тегархо говзалла оьшуш  юй?

-Хьанна  лаьа  тегархо  хила?

-Х1ун кхиамаш  бехи аша?

·        Суна  1еми дийцар х1отто.

8.   «Фабрикехь» дийцар   дешар .

·        Массара цхьана  ешар.

·        Шайн  дагахь ешар.

·        З1енаца ешар.

-Стенгахь болх   беш ю Фариза?  (Фариза  фабрикехь болх  беш ю).

-Х1ун  йо  фабрикехь? (Фабрикехь йо  кофтанаш, шарфаш, кхийолу бедарш).

-Мила  ю  цуьнца  болх  беш? (Цуьнца болх  беш ю Пет1амат).

-Муха  тегархо ю Фаризий, Пет1амттий? (Дика тегархо ю Фаризий , Пет1аматтий).

-Х1ун кхиамаш бехи аша?

·        Тхуна 1еми предложенеш  еша.

·        Кхоллараллин болх

-Массара  а  язде элп  Фф  , дилла  цунна дог1у  сурт.

9. Жам1 дар.

-Муьлха  аз девзира шуна? (Аз  (Ф) )

-Аз (Ф)  мукъа ду  я  мукъаза  ду? (Мукъаза)

-Зевне ду   я  къора  ду? (Къора)

-Муьлхачу элпаца билгалдо аз (Ф) ? (Фф элпаца)

10.  Рефлекси.

-Х1ун  кхиамаш  бехи аша?