Ұстаз-қай кезде де мектептің жүрегі, қоғамның тірегі.

Ұстаз­қай кезде де мектептің жүрегі, қоғамның тірегі.   Әр мемлекеттің өсіп­өркендеуінің, бәсекеге қабілетті болуының ең басты  ошағы­ұстаз берген білімі. Соңдықтан да дамудың ең биік көкжиегінен  көрінгісі келетін кез елген мемлекет, ең алдымен, білім беру саласын  дұрыс жолға қойып, сапасын көтеруді мақсат етеді.   Бәсекеге қабілетті, рухы биік ұрпақ тәрбиелеу жаңа формация мұғалімінің  еншісіне тиері хақ.    Жаңа формация мұғалімі дегеніміз кім? Ол­ізгілігі мол, әр іске жаңашылдықпен, үлкен ізденіспен зерттеуші ретінде  қарайтын, ақпараттық технологияны толық меңгерген, коммуникативті, бір  сөзбен айтқанда, толыққанды құзырлы адам. Тарих пәні мұғалімі ретінде мен де өз жұмыс тәжірибемде оқушылардың өзін­ өзі жетілдіруін дамытып, шығармашылық мүмкіндіктерін аша түсуді мақсат  тұтамын. Тарих­бүкіл адам баласының басынан өткізген жағдайын тарихи  тәжірибесін баяндайды, тарихи білімді адам ғана өзі өмір сүрген қоғамдағы  орнын, атқаратын қызметін дұрыс анықтай алады. Қазақстан  Республикасының Президенті Н.Ә.Назарбаев Қазақстан тарихын оқып  үйренудің қажеттігі туралы: «Бұл –тәуелсіз Қазақстанның азаматы ғасырлар  тоғысында өзінің арғы­бергі тарихи жолын ой елегінен өткізіп, «Кеше кім  едік? Бүгін кімбіз? Ертең кім боламыз?» деген төңіректе ойланасын деген сөз.  Бұл ­әрбір азамат туған елінің, туған халқының тарихы ешкімнен де олқы  еместігін түсінсін деген сөз. Жас ұрпақтың бойына патриоттық сезім мен  саяси сана, дүниетаным қалыптастыруда тарих пәні басты рөл атқарады.  Тарих пәні сабағында тұлғаны дамытуға бағытталған жаңашыл жобалар мен  технологияларды енгізе отырып, оқушылардың құндылықтары мен ұста­ нымдарын қалыптастыру қажет екені түсінікті. Соның бірі­білім сайысында,  оқушылардың ғылыми жоба жұмыстарында оқушыларды жан­жақты  ізденіспен әзірлеу.      Осы мақсатта «Зерттеушілік қызметке кіріспе» үйірмесі  2003 жылдан  бастап осы күнге дейін жалғасын табуда. Білім мен тәрбие әрқашан күн  тәртібіндегі басты өзекті мәселе болып келгендігі баршамызға белгілі. Қазір  заман өзгерді, талап өзгерді. Бүгінгі бала –ертеңгі ел болашағы. Олай болса,  білім деңгейімен шығармашылық қабілеті жоғары шәкірттерді тәрбиелеу  ұстаздардың басты міндеттері екендігін ұмытпауымыз қажет.       Әрбір оқушыны оқытып, тәрбиелеуге байланысты мәселелерді өздігімен  және шығармашылық ынтамен шешуге қабілетті жаңашыл мұғалім керек.  «Мұғалім­мектептің жүрегі»­ демекші  мұғалімнің жұмысының нәтижесі  оқушының білімі. Олай болса, оқушылардың шығармашылық қабілеттерін  ашу, оны алға қарай дамыту үшін ең бастысы ерінбей еңбек ету қажет деп  есептеймін.     Әрбір шәкіртімнің алған білімі мен жинақтаған тәжірибесі бәсекеге  қабілетті болса екен. Өйткені бұл­заман талабы. Мемлекетіміздің жарқын болашағы үшін жасалып жатқан қадамдар қарышты болып, ұстаздарымыз жаңа қоғам мұғалімі үдесінен шығып, еліміз де , жеріміз де, түлеп ұшқан  шәкірттеріміз де әлемге танылып, Қазақстан атын асқақтатар күні де алыс  емес шығар. Лайым солай болғай!                                                                         Серік Қылышбаев                                      Құмкешу жалпы білім беретін орта мектебінің мұғалімі