Стихотворение "Каляровы сон"

Каляровы сон

Пра нашу Беларусь у сне

Цікава фарбы расказалі мне.

На белы ліст яны ляглі –

Малюнкі раптам ажылі.

Жудаснай вайны хвіліны,

Боль і плач маёй краіны

Паказала відавоч

Фарба чорная, як ноч.

Палаюць вёскі, гарады…

Чырвоны колер – знак бяды.

Колькі гора, смутку, слёз

Вораг на зямлю прынёс!

Светам жоўта-залатым

Сонца разагнала дым.

Мірнае жыццё ідзе,

Усё красуе і цвіце!

Кроплі блакіту малююць узор:

Ззянне нябёсаў, хвалі азёр.

Зялёная фарба навокал упала,

Лясы Беларусі мне паказала.

Яркія колеры ў сон мой прыйшлі,

Месца падзеям шчаслівым знайшлі.

Зямля, прыгажэй з году ў год!

Вясёлка, вядзі за сабой карагод!

Як добра прачнуцца, самой маляваць,

Фарбай вясёлай карціны ствараць.

Чорную фарбу я не вазьму,

Памятаць толькі буду вайну.