Сценарий праздника "Коми -пермяцкий фольклор"

Муниципальнöй автономнöй  общеобразовательнöй учрежденнё «Ошибскöй шöрöт общеобразовательнöй школа»  Коми –пермяцкöй фольклор Уджсö керис велöтісь  начальнöй школаись Брагина  Светлана Анатольевна 2016 Пояснительнöй гижöт. Поянительнöй гижöт. Öння кадö   чужан кыв велöтöмлöн доныс   öддьöн ыджыт. Сы отсöтöн челядь   пондöтчöны   тöдсасьны   асгöгöрся   оланöн,   велалöны   думайтны, пондöтчöны велöтчыны. Чужан кыв отсалö челядьлö   кокнитжыка велöтны роч кыв, а сёрöнжык – иностраннöй кыв.  Ōння кадö  мам кыв отсöтöн велöтiсь зорöтö  велöтчиссезлісь чужанiн да  кыв  дынö    радейтöм,  нiйö    донтöм,  отирлöн  вужжез  да  культура  дынö пыдын интерес. Чужан кыв отсалö зорамны велöтчисьлö  быд  ладорсянь.  Эта вежалуныс лоö актуальнöйöн сійöн, сідз кыдз челядь мам кыв вылын велöтасö кывбуррез ,сыласö коми  песняэз, тöдсасясö  играэзöн. Моггез :  1.Паськöтны челядьлісь знаннёэз коми­пермяцкöй фольклор йылісь, зорöтны чужанін дынö радейтöм. 2. Паськöтны знаннёэз чужанін йылісь, зорöтны пöрись отир дынö бур  отношеннё,важся олан дынö уваженнё. Оборудованнё: журналлезісь, пестер,нинкöммез,кушаккез  музыка   коми   кыв   вылын,   выставка   небöггезісь   да самовар,   коми­пермяцкöй   костюм,   половиккез, Класснöй час «Коми –пермяцкöй фольклор» Моггез: 1.Паськöтны челядьлісь знаннёэз коми –пермяцкöй фольклор  йылісь; 2.   Паськöтны   знаннёэз   чужанін   йылісь,   зорöтны   пöрись   отир   дынö   бур отношеннё,важся олан дынö уваженнё. Оборудованнё: Вежалунлöн мунöм. Пера  :        Талун миян школаын,                      Ыджыт вежалун.                      Гöссез миян школаö                      Локтасö пö тыр. Зарань : Бур часöн, бытшöм лунöн,                 Счастливöй  вежалунöн  тіянöс. Пера:  Свободнöй лоис миян вöр пыдöс,               И отир гажа чужöмбанöн,              Панталö  гажа вежалун! Зарань: Челядь ! Миян  вежалун вылö локтісö и том, и пöрись йöз, тöдсаöсь и тöдтöмöсь, айез и маммез,баббез и деддэз. Асланым гортісь и ылісь  деревняэзісь.    Пера:  Коми   –пермяккезлöн     эм   сэтшöм   обычай,     кöр     локтöны     гöссез медперво колö юктавны ырöшöн, а сыбöрын  баитны. Зарань :  Ноко, хозяйкаэз мыччö ырöшнытö! Юкталö  миянлісь дона гöссесö! Пера :  Ох и ырöш,              Чöскыт кöр,               Ю и лоа               Ме и пöт . Зарань   :  Дона   ёрттэз!   Талун   миян   вежалун   ,мийö   пондам   сьывны   важся песняэз да частушкаэз, кывазам  важся сказкаэз, лыддисянкаэз,видзöтам чож йöктіссезöс. Пера: Миян вежалун  вылö      öксисö уна йöз,кöда мыччалас ассис уменнёэз. Зарань:     Коми –пермяцкöй фольклорыс öддьöн миян богат и каждöй год сія богатсялö, сідз кыдз быд морт миян кужö аркмöтны виль  кывбуррез,песняэз да частушкаэз. Вот и мийö пондам кывзыны ,мый тійö вöсьöтіт миян вежалун вылö. Пера:   Коми отир и аслас шудтöм кадö ештöма кужöма лöсьöтны   öддьöн басöк да вына содераннёа сьыланкыввез, мый миянлö эшö öтпыр казьмöтö отирлöн ыджыт талант йылісь.  Зарань : Миянлісь вежалун пондöтас   группа  велöтчиссезöн 4 классісь. Нія сьыласö сьыланкыв «  Паськыт гажа улица». Пера :  Вежалуныс мунö одзлань. Мийö пондам кывзыны и шутитны . Ась  горалö миян деревняным гажа сьланкыввезöн и следующöй песня кывзам « Басöк нывка» Зарань : Кöркö отирлöн эзö вöлö орсаннэз и нія ,чтобы  сьыланкылыс петіс   басöкжык, то киэзаныс босьлісö паннез.Эна  шыэзöн нылöн аркмывлісö   йöктан сьыланкыввез. Туйис и йöктыны , и сьывны.  Тіян одзын выступитатсö   коми –пермяцкöй танецöн,  кöда  шусьö « Лёнок». Челядь йöктöны танец «Лёнок» Пера:  Коми   –   отирлöн   фольклорö   пырисö   уна   быдкодь   частушкаэз.   Зарань  :  Частушка   песнялöн   томжык   сой.  Сія   локтіс   миян   дынö,  натьтö, кольöм век конецö тшöтш роч частушкакöт да паськыт омöн  коми му пасьтас. Пера: Коми­ пермяцкöй частушкаэз прокод казялö да асмознас шыасьö быдöс сы вылö,мый керсьö коми му вылын ,странаын. Зарань : Кывзыштам гора частушкаэз челядь сьылöмöн.  Челядь  сьылöны частушкаэз коми­кыв вылын. 1.Ой,подруга,йöкты,йöкты,    Йöкты,мекöт эн лöгась.   А чаркиэтö  жалейтан,   Дак нинкöммезöн кöмась. 2.Йöкта пач, йöкта пач,    Орсö кö тальянка.   Ме мамöлöн  öтік ныв,  Чистöй  атаманка. 3.Ой,подружка менам,    Кытöн мöдан овны?    ­Чожа пыра институтö   Карын понда овны. 4. Гармонист, гармонист,    Ой, бура и орсö.    Гармонистсö кин любитö,    Ой, уна и горзö. 5. Одзжык мийö олімö­     Отопкиэз новйимö.      Öні мийö оламö­     Сапогиэз новйямö. 6. Гармонист, гармонист,     Нока рос горожанка,     Ась чуралась, ась клалась     Гостомысл перетыкав. 7. Ми частушкаэсö сьылім,    А ті бура кывзітö.     Если ми тіянлö глениччим,    То буражык хлопайтö. Пера:  Ох и богатöй миян коми отир быдкодь фольклорöн. Кужö коми ­  пермяк бура гажöтчыны. Но и кужö соревнуйтчыны. Орсыштам.  Зарань: Вниманнё, коми отир и дона гöссез. Пондам чулöтны вермасиссез  сьöрті соревнованнёэз.  Пера: Кин медуна раз лэбтас гири. Зарань:  Колöны кык верамсись,а остальнöйыс сувтöны кругö. Кин унажик  лэбтас гири. Пера: вермасьны – кин пöрöтас ки. Зарань: ректасьны – лэбтавны  öтамöдöс  спина вылын. Пера: öтік кок вылын  ­ зангавны  öтамöдöс  пельпоннэзöн .Кин петас  кругись или усяс,сія проиграет. Зарань: мыр шедтыны – 2 морт  пуклöны джодж вылын и видзöны öтамöдсö коккезнаныс. Кианыс  кушак. Кин кушаксö кыскас асланяс сія и победитас.  Пера: Миян челядь оз бы кольччö  баббез сьöрись. Нія сідз жö кужöны  сьывны  да йöктыны, быдкодь удж дорö велöтчöны. Кывзам сьыланкыв «Сьöд баранок» Зарань: Коми –пермяккезлöн  фольклорö пырöны уна лыддисянкаэз, кöдö  тійö  кужат тожö керны. Кывзыштам кынымкö лыддисянка  представителлезсянь  1 классісь. 1 велöтчись:  Киа,кока, Парус, Мока, Шовды,бовды, Жонь да мань,  Роч акань. 2 велöтчись : Öтік, кык, Öтік, кык,  Таня адзззис яг рыжик, Тэ­синявка, Ме –маслянка,  Вот и петіс лыддисянка. 3 велöтчись : Öтпыр,мöдпыр, Öтпыр,мöдпыр, Куимöтпыр,   И нёльöтпыр, И витöтпыр Ми лыддьöтам Да лыддисям Сійöн шусям: Велöтчиссез. 4 велöтчись : Öтiк, мöдiк, Кык, куим,  Чу, сибöтчö  Руд кöин, Нёль, вит, Квать , сизим, Пышшö, кöччез, Вот­ кöин! 5 велöтчись: Чики –чоки, чики –чок, Рыпкö туй кузя вöлок, Рыпкö туй кузя вöлок, И горалö сильканок: Динь –динь –динь, Дон –дон –дон! Динь –динь, дон –дон,  Динь –динь –дон! Пера: Быд вежалун кончайтам  мийö коми –пермяцкöй орсанöн. Зарань : Коми отирлöн уна быдкодь орсаннэз. Пера : Каждöй классісь петассö 2  желающöй,  мед орсны орсанöн «Кык  петух» Челядьлöн öтік кокыс  кöстöм,только колö чеччавны öтік кок вылын и  зангавны пельпоннэзöн öтамöдсö кругись . Кин петас кругсис, сія лоас  програвшöйöн,а кин кругас  сія победительöн. Зарань: Орасан « Ош нитш вылöт ветлöтö» Ыджытжык юасьö учöтжыклісь: ­Тöдан он ,кыдз ошыс ветлöтö? ­Ог. ­Мыччавны тэныт? ­Мыччав. ­То кыдз.. Мыччалісьыс сапырнитö кырымтырьяс мöдыслісь юрсисö да мыччалö  ошыслісь оськöввесö, зэлöтö –личöтö кырымсö. Учöтжык сералö, ежели не  зубыт,а ежели зубыт –горöтö. Пера : Ноко,ноко Зарань,тэ мый кера. Лучше орам мöдік орсанöн. «Сьылö петушок» Челядь ветлöтöны кытшöн да сьылöны. Круг пытшкас котрасьö «петушок» да  то шевкисьö киэзнас,то гуддисьö коккезнас. Орсіссезлöн сьыланкыв: Петушок –гöрд юрок Öтöрын котрасьö, Петушок –гöрд юрок Басöка кытсасьö: Кукурекку­у­у!Кукукул –лю –у­у! Куку –кукурекку­у! Куку ­кукурул лю –у! Сьыланкыв сьылсис ,кыттш сувтчис. Велöтісь :  ­Öтöрись «петушокыс» сьылö зэв басöка. А кыдз жö татісьыс горалö? Ноко сьылышт миянлö,кытшись «петушок»! «Петушок» кивöстö. Велöтісь:  ­ А сія миянöс оз кокав. «Петушок» пондö кокавны челядьöс,нія пышшалöны. Велöтісь:»Петушок» ­гöрд сорсок, тз эн повзьöтлы миянöс. На тэныт гöснеч,а  миянöс сэсся эн вöрöт. Зарань: Но и бура ми шоччисим,                Уна вильсö тöдімö.               Öні позьö и рознитчыны               Да сёянсö пешлыны. Пера :  Но вот и лöнис гажа шумыс,  И кад тэрмöтö мунны гортö, И сійöн ми тэрмасям шуны: Ыджыт аттьö,дона ёрттэз! Аттьö,кин гажöтіс йöзсö! Адззисьлытöдз жö, бытшöм гöссез! Эшö мöдігод сьылам –орсам, Вились гажöтам  Велва  дорсö! Литература : 1. Климов В.В. Шорок, г. Кудымкар 1991г.  2. Климов В.В. «Кытчö тійö мунатö?» Пермскöй книжнöй издательство ,г.  Кудымкар,1991г. 3. Коколева В.Н. Бичирок. Пермскöй книжнöй издательство ,г. Кудымкар  2006г. 4. Нечаевка Г. А. Кöвдöмок, г. Кудымкар 1991г. 5. Силькан № 3 ­2008г. 6. Школаын праздник. Кудымкар,1991г. Сьыланкыв