Уйге берилген тапсырмаларды тексеру

Үйге берілген тапсырмалардың тексеру әдістері.

Үйге тапсырма беру және оны кезінде тексеріп отыру жұмыстары оқушыларды ұқыптылыққа, еңбек сүйгіштікке, өзінің істеген жұмысының шыдамдылықпен, кездескен қиыншылықты өз бетімен жеңіп шығуға тәрбиелеуде маңызы зор. Үйге берілетін тапсырма және сол тапсырмаға сәйкес оқушылардың үйде орындайтын жұмыстары сыныпта өтілген сабақтың тікелей жалғасы және сол пәнді оқушының қаншалықты түсініп, меңгергендігін көрсетететін негізгі көрсеткіш болып табылады. Оқушылардың үйде орындайтын тапсырмаларының сапалы болуы олардың өз бетімен жұмыс істей біліуіне қаншалықты үйренгеніне байланысты болып келеді. Мұғалім оқушылардың өз бетімен оқу құралың, басқадай қосымша материалдарды дұрыс білушілігін,сыныпта алған теориялық білімдерін тәжірибеде дұрыс қолдана алушылығын қамтамасыз етуі қажет. Ол үшін күнделікті сабақа , үйге тапсырма беру кездеріндегі оқу құралы мен басқадай қосымша материалдарды, жалпы кітаппен қалай пайдалану керектігін айтып түсіндіріп отыру керек.

Үй жұмысын мынадай әдістермен тексеруге болады:

-бір оқушыны тақтаға шығарып берілген тақырып бойынша сұрау;

-орынында барлық оқушылардан сұрап шығу;

-ұқсас тапсырма орындату;

-жеке-дара үлестірмелі карточкаларды таратып беру;

-таңдаулы тапсырмалардан жазбаша жұмыс өткізу;

-өзін-өзі не болмаса бірін-бірі үй жұмысын тексеру;

Тақтаға шығып жаттап келген ережені жатқа айту, шығарып келген есебін тақтаға жазып беру – оқушыға қызықсыз, сондықтан оқушының үй тапсырмасын орындауға қызығушылығы болмайды.

Үй жұмысын тексеруде мұғалім әр түрлі әдістерді қолдана отырып, оқушылардың пәнге деген қызығушылықтарын арттыратын, тапсырманы өз бетімен істеп, әрі қарай істеуге өзіндік  жігерлігін қалыптастыруы тиісті.

Үй жұмысыны тексерудегі әдістер:

-Пікірталас

Сыныптағы оқушыларды топқа бөліп, әр топ өз ойын айтуға үйрету. Бір пікір оқулықтан алынса, келесісі бір оқушының ойы болады. Пікірталас кезінде оқушылар өз ойларын  ортаға сала отырып, ортақ ойды айтады.

-Интервью ретінде авторға сұрақ

Оқушылар сұрақ қояды, ортаға біреуі шығып жауап береді.

-Тақырыптық сөзжұмбақ

Көп оқушылар сөзжұмбақтар шешекенді ұнатады, сол себептен өтілген тақырып бойынша сөзжұмбақ құрасырып келуге тапсырмалар беріледі. Оқушыларға интерактивті сөзжұмбақтар шешу ұнайды, себебі бүкіл сынып оқушылары қатысады.

-Құпия сұрақтар

Мұғалім өткен тақырыпқа сұрақ ерекшелетіп қояды, егер оқушы тиянақты дайындалса, жауабын тез анықтайды.

-Ауызша жауапқа пікір айту.

Оқушының жауабын тыңдап болғаннан кейін, пікір айтып, толықтырулар еңгізіп, берген жауапқа баға береді.

-Бірін-бірі тексеру

Оқушылар көршілес отырған баламен дәптерлерімен ауысып, тапсырмаларды тексеріп, жіберген қателер бойынша өз ескертулерін айтады, бағалайды.

-Қысқа түрдегі жазбаша жұмыстары

Оқып келгене тақырып бойынша мұғалім оқушыларға жазбаша түрде жауап беруге тапсырма береді. Мұндай тапсырмалар теориялық білімдерін жетілдіруге көмектеседі.

-Дұрыс жауабын тақтадан қарап тексеру.

Үй жұмысының дұрыс жауабы тақтада беріліп, оқушылар өздерінің қателерін анықтайды.

Ауызша тексеру жұмысын ұйымдастыру кеңестері:

Тапсырманың бұл түрі бойынша көпшілігінде,сыныпта өкен сабақты оқушылардың үйде ауызша қайталап оқып келуі, немесе белгілі бір ережені жатап келуі, сол ережеге байланысты ауызша мысалдар ойлап келуі тапсырылады. Тапсырманың бұл түрін оқушылар орындап келуі үшін, алдымен сыныпта тақырыпты мұғалім дұрыс түсіндіріп, меңгертуі тиіс. Ауызша орындап келуге берілген тапсырмаалрды орындауда, оқушыларға үйде дауыстап оқып келуге ұсынылады.

-Бағдаршам-тексеру әдісі

Бұл жағдайда бағдаршам ретінде бір жағы қызыл түсті, екінші жағы жасыл түсті қатты қағаз қолданылады. Егер оқушы білсе жасыл жағы, ал білмесе қызыл жағын көрсетеді. Егер базалық деңгейдегі сұрақтарға оқушы қызыл жағын көрсетсе, мұғалімге алаңдауға болады, себебі оқушы жаупы бермейді.

-Татулық сұрау

Тақта алдындағы жауапы білмесе , көмекті сыныптан сұрайды.  Кім көмектеседі? Көмек бергісі келген оқушылар арасынан мұғалім ең жақсы жауап бере алатын оқушыны таңдап , оған досына сыбырлап жауабын айтқызады, Оқушы өзі жауабын айтып береді.

-Өздері тексеру әдісі

Жақсы дайындалып келген 2-3 оқушы сұрақ қояды.

-Жоспарлау сұрағы

Мұғалімнің берген бірнеше жауаптарынан дұрыс жауапты анықтау.

-Тыныш сұрау әдісі

Сыныптағы оқушылар басқа тапсырмалар орындау кезінде, мұғалім бірнеше оқушыдан сұраққа жауаптар алады.

-Шынжыр-сұрақ әдісі

Бұл әдіс толық, логикалық жауап алуға қолданылады. Бір оқушы жауапты айта бастаса, екіншісі әрі қарай жалғастырады.

-«Қорғану» парағы

Үнемі бір орынға сабаққа дайындалмай келген оқушыларға қойылады. Оқушы сабаққа дайын болмаса, өз фамилиясын жауап парағына еңгізіп, өзіні сабақта сұралмайтынына сенімді болады. Мұғалімнің міндеті- оқушыны назарда ұстау,

Бастауыш сыныптарға арналған үй жұмысын тексеру әдістері

Бастауыш сыныптарда үй жұмысын өзгеше тексеру көп мұғалімдердің назарында. Өтілген тақырыпты ойын түрінде тексеру бастауыш сынып оқушыларына өте қызықты, бұл әдістер оқушылардың ойлау қабілеттерін дамытуға ықпал етеді.

-«Жауапты суреттейміз» ойыны

Өткен тақырып бойынша мұғалім сұрақтарды құрастырады, оқушылар жауабын сурет арқылы береді.

-«Қол соғу»ойыны

Үй жұмысын тексеру кезінде мұғалім бірнеше жауап береді, оқушылар дұрыс жауапы естігенде алақанадарымен қол соғады.

-Топтық ойын « Не және неге?

Топ құрылғаннан кейін топ басшысы сайланады. Өтілген тақырып бойынша топ мүшелері бір біріне сұрақ қойып жауап береді.Топтағы барлық оқушы қатысу керек.

-«Жеті жапырақ » ойыны

Қағаздан жеті жапырақ , әр топқа жеке дайындалады. Әр дұрыс жауапқа бір жапырақтан беріледі. Жеңімпаз болып барлық жеті жапырақты алған топ саналады.

-«Допты ұстап ал» ойыны

Ойын шеңберде өткізіледі. Мұғалім сұрақты қойып, допты лақтырады.Допты ұстаған оқушы сұраққа жауап береді.

Қорытындылай келе үй тапсырмасын орындаудағы жұмыс жүйесінің бұл түрлері өткен материалды оқушылардың саналы меңгеріп, естерінде берік сақтауына және теориялық білімдерін тәжірибеде дұрыс қолдана алатындығына зор әсерін тигізеді.

Жалтыр жалпы орта білім беретін мектеп

« Үйге берілген тапсырмаладың тексеру әдістері »

Ағылшын тілі пәнінің мұғалімі

Жексенова Айжамал Сагиденовна

                                      2015-16 оқу жылы