«Сарыкөл ауданы әкімдігі білім бөлімінің Сарыкөл орта мектебі» КММ
«Өзін – өзі тану» пәнімен интеграцияланған
дүниетану сабағының жоспары.
Сабақтың тақырыбы: Ауа-Жердің қорғаны. Ауаны қорғау.
Автор: Кудабаева Ману Есенғалиқызы
Сарыкөл орта мектебі
Сарыкөл ауданы
Қостанай облысы.
«Өзін – өзі тану» пәнімен интеграцияланған
дүниетану сабағының жоспары.
Мектеп:Сарыкөл орта мектебі.
Мерзімі: 18.01.2017ж.
Мұғалім: Кудабаева Ману Есенғалиқызы.
Сынып: 2
Оқушы саны: 12
Тақырыбы: Ауа-Жердің қорғаны. Ауаны қорғау.
Құндылық: Сүйіспеншілік
Қасиеттер: мейірімділік, қамқорлық, риясыз жақсы көру.
|
Мақсаты: оқушыларда ауаның құрамы және қасиеттері туралы білім қалыптастыру. Байқампаз болуға үйрету, ұқыптылыққа тәрбиелеу. Міндеттері: Білімділік Оқушылардың ауа және оның қасиеттері туралы білімін бекіту. Ауаның бүкіл қасиеттерінің мәнін аша отырып, риясыз әрекет жасауға үйрету. Дамытушылық Бақылау қабілетін, талдау және қорытынды жасау білігін дамыту. Тәрбиелілік Табиғатқа қамқорлықпен қарауға, қоршаған ортаға қамқорлық жасауға, мейірімділікке тәрбиелеу. |
Ресурстар: (интерактивті тақта, ақ парақтар, жұмыс дәптері.) |
|
Ұйымдастыру кезеңі Баяу музыка қойылады Ыңғайланып отырыңыздар, денелеріңізді түзу ұстаңыздар.Аяқ–қолдарыңызды айқастырмаңыз.Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.Бәріміз жүрегіміздегі сиқырлы әлемге аттанамыз. Біздің жүрегімізде кішкентай адам өмір сүреді.Оның аты дәл сендердікіндей. Колдарыңды жүректеріңнің тұсына қойып, оның қалай соғып тұрғанын көріңдерші. Ол біздің жүрегіміздің ішіндегі «Мен осындамын», «Мен сенімен біргемін» ,- деп тұрған кішкентай адам ғой. Оған өздеріңнің күлкілеріңді сыйлаңдар. Жүрегіміздегі кішкентай адам әрқашанда бізбен бірге болады. Жүрегіміз бізге тек ақыл мен жақсы сөздер айтады. Оны тек өзіміз ғана ести аламыз. Жүректеріңе іштей рақмет айтыңдар. Ол сендердің ризашылық сөздеріңді естісін.Сезіндіңдерме ол одан бетер қатты соғып кетті. Ол естігенін білдіріп жатыр. Осы сәтті естеріңе сақтаңдар. Енді жаймен көздеріңізді ашуларыңызға болады. Рақмет. Сұрақтар: 1. Қандай күйде болдыңдар? 2. Жүректеріңмен тыныштықты сезе алдыңдар ма? Қорытынды: Олай болса, осы жақсылықтарыңды жүректеріңде орналастырып, тыныштық қалпымызды сақтайық. |
|
|
Сабақтың барысы: Сыртқы интеграция. Оқушыларды түстер бойынша топтастырып отырғызу. І-топ Қамқорлық ІІ-топ Сүйіспеншілік ІІІ-топ Мейірімділік Үй тапсырмасын тексеру: «Су қоймаларын қорғау» 51 – бет I-топ Қамқорлық .«Су» сөзіне топтастыру жасау.
Жаңбыр Сел Көл Өзен II-топ Сүйіспеншілік. Мәтінде берілген мағлұмат пен өздерінің алған білімдерін салыстыру, талдау, сызба құрастыру.
иісі жоқ дәмі
жоқ
«Су-өмір нәрі» деп халық бекер айтпаған болар. Сусыз тіршілік жоқ. Адам, өсімдік және жануарлардың бәрі сусыз тіршілік ете алмайды. Сол сияқты адамның ағзасы 80% судан тұрады. Сұрақтар: 1.Жер бетінің қанша бөлігін су алып жатыр?/4/3 немесе70,8%/ 2.Қалай ойлайсыңдар, суға не себепті сүйіспеншілікпен қарап, қорғауымыз керек? Қорытынды: Су–мөлдір, тап–таза. Біздің де ішкі жан – дүниеміз де су сияқты таза болуы керек. Ал, мөлдірлікке біз сезімімізді теңеп, сол мөлдір сезімімізбен ойымыз бен санамызды тазартып, барлық нәрсеге сүйіспеншілікпен қарайық. |
Сызбалар |
||||
|
Дәйексөз «Таза ауа — тіршілік кепілі» халық даналығы Түсіндіру: Адам әрекеті тек жер бетіндегі суды ғана емес ауаны да ластап келеді. Күн сайын өнеркәсіп орындары ауаға орасан зор улы газ және оларға қоса өте майда бөлшектерден тұратын қоспаларды шығарып жатады. Олар ауамен бірге адам мен жануарлардың денесіне сіңеді жене жер бетіне шөгеді. Кейде оларды жел алғашқы шыққан орнынан мыңдаған километр жерге айдап апарады. Міне сондықтан да газ немесе қатты зат түрінде бөлініп шығатын заттардан ауаны қорғау адам денсаулығы үшін де, тіршілік үшін де үлкен мән алады. Сұрақтар: 1.Дәйексөзде не туралы айтылған? 2.Ауаны не үшін қорғауымыз керек? Қорытынды: Сондықтан, ауаны, табиғатты қамқорлыққа алып, мейіріммен, сүйіспеншілікпен қарайық. |
|
||||
|
Ішкі интеграция Жаңа сабақ: «Көрінбейтін сиқыршы» әңгімесі Жер бетінде көрінбейтін сиқыршы бар. Онымен әркім әркез кездесіп отырады. Сен оны көрмейсің де, бірақ маңайда екенін сезесің. Міне, ол есікті тарс жапты, терезені ашты. Көшеде жүріп бара жатсаң, жапырақтың жұлынып түсіп, жоғарылай жөнелгенін көресің. Оны көрінбейтін сиқыршы алып бара жатқанын сезесің. Тіпті басын шұлғып, ырғалған шөптерді байқайсың. Мұндай сиқыршы көрінбейді де. Күнделікті ісі, мінез-құлқы бізге таныс. Сені үнемі қоршап тұрады. Сенімен бірге жүреді. Онсыз сен дем ала алмайсың, тіршілік болмайды. -Бұл не? -Ауа -Олай болса, қанеки, кім осы ауа туралы не біледі?
Жарайсыңдар, балалар! Мысалы: өздерің білетін сабын көпіршіктерін ұшырғанда немесе желпуішті желпігенде ауаның қозғалысын байқай аламыз. Оның иісі де, түсі де, салмағы да, пішіні де болмайды. Ауа-газдардың қоспасы. Қандай газдардың қоспасы екенін білу үшін кітаппен жұмыс жасаймыз. Шарды алайық. Оны қолымызбен қысып көрейік, бүйірі қабысады. Бұл кезде ішіндегі ауа сығылады. Қолымызды жіберсек, серпіліп қайта орнына келеді. Серпіліп тұрған-ауа. Сонда ауа серпімді және сығылады. -Ал, балалар, ауа көзге көрінбейді. Бірақ айналада бар екенін білеміз. 3 топқа мәтін бөлліп беріледі.Әр топ өз түсініктерін жеткізеді. 1. Ауа қоспасындағы ең көп газ яғни азот 78 %, оттегі 21 %, көмірқышқыл газы 1%. 2. Ауаның құрамындағы көмірқышқыл газын сіңіріп, оттегін бөлетін жасыл желектердің тұрақты отырғызылуын, сақталуын қадағалау керек.
Тапсырма Дәптермен жұмыс жасап, тапсырманы орындау. Жердің ауа қабатын Атмосфера деп атайды. Ауаның ластану себептері: 1.Түрлі қалдықтар (зауыттар мен фабрикалардан ауаны ластайтын әр түрлі қалдықтар шығарылуы) 2.Орманды кесу ( мақал сұрау.) 3.Улы газдар (көліктен шыққан түтіндер) Тәжірибе жасап байқайық. Стақанға су құйып, оған бір түйір топырақ тастаңдар. Су бетіне шыққан көпіршіктер нені дәлелдейді? Адам, жануарлар, өсімдіктер ауасыз тіршілік ете алмайды. Ауа – тіршілік көзі. Ауа қабаты жерді күн сәулесінен өте ысып кетуден және ғарыштық суықтан сақтайды. Ауаның мұнан да пайдасы қаншама. Оның әрбір қасиеті шаруашылыққа пайдаланады. Сұрақтар: 1. Ауаны ластанудан не үшін қорғау және сақтау керек? 2. Таза ауаны сақтап қалу үшін не істеуіміз керек? 3.Не себепті ауаны қорғап, қоршаған ортаға суйіспкеншілікпен қарауымыз керек? Қорытынды: Ауа өсімдікке де, жануарларға да, бүкіл тіршілік иелерінің бәріне де керек екен. Сондықтан қоршаған ортаға сүйіспеншілікпен қарап, мейірімділікпен қамқорлық корсетіп, риясыз жақсы көрейік. |
|
||||
|
Шығармашылық жұмыс «Табиғатты аялайық» тақырыбына сурет салу. І-топ Қамқорлық ІІ-топ Сүйіспеншілік ІІІ-топ Мейірімділік Әр топ өздерінің салған суреттерінен құндылықтардың мәнін ашады. Қорытынды: Табиғат сыйын бағалап, сүйіспеншілікпен, мейірімділікпен қарап, қамқорлық жасайық. |
Топпен жұмыс |
||||
|
Топпен ән айту « Біз осылай өсеміз» Сөзін жазған: М.Әлімбаев.Әнін жазған: И.Нүсіпбаев |
|
||||
|
Үйге тапсырма Оқулықтағы 28 беттегі суреттегі көріністерді талқылаңдар. Қорытынды жасаңдар. |
Күнделіктеріне жазып алады |
||||
|
Бағалау (топты, жеке бағалау) |
Бағалау парақшасын толтырады. |
||||
|
Соңғы тыныштық сәтi. Көздеріңді жұмып осы сабақта болған барлық жақсы нәрселерді, өмірге , отанға , туған жерге , анаға , досқа деген сүйіспеншілікті жүректеріңізге қондырыңыздар. Осындай тыныштықта сәл отыра тұрайық. Қандай жан тыныштығы! Енді жайлап көздеріңді ашуға болады. Бүгінгі өткен сабақты ой елегінен өткізейік. Құндылықтар мен қасиеттерді еске түсірейік: Сүйіспеншілік мейірімділік, қамқорлық, риясыз жақсы көру Сабақтағы белсенділіктерің үшін рахмет! |
|
Сабақтың анализі.
Дүниетану сабағын өзін-өзі тану пәнімен кіріктіру арқылы оқушылардың рухани-адамгершілік құндылықтарын дамыту.
Сабақ барысында дүниетану сабағын өзін-өзі тану пәнімен кіріктіру арқылы оқушылардың рухани-адамгершілік құндылықтарын дамыта отырып «Өзін-өзі тану» пәні болашақ ұрпақтың бойында рухани-адамгершілік қайнарын сіңіріп,мінез-құлқын тәрбиелеуге,жалпыадамзаттық құндылықтарды, адамгершілік принциптері мен мұраттарды өмір бойы басшылыққа алатын жеке тұлға қалыптастыруға негізделген.
Мұғалімнің
іс-әрекетінің табыстылығы, оның өзінің
жұмысына анализ жасай білуі әдістемелік бірлестік
жетекшісінің пікірі.
— сабақтың мақсаты мұғалімнің
тақырыбына үйлесімділігі;
— сабақтың міндеті, оның тақырыбы мен мақсатына
үйлесімділігі;
— сабақтың мазмұны тақырыпты өткенде оның
міндеттерін шешіп мақсатына жету;
Оқушылардың білім мен
дағдылардың деңгейі, мұғалімнің
педагогикалық шеберлігі көбінесе оқыту сабақтарын
қатысу кезінде бағаланады.
Сабақтың нәтижесі, оқушылармен материалды меңгеру деңгейі оның реалды құндылығы болып табылады.
Сабақта, балалар белгіленген білімдер көлемін меңгеру, қажетті білім мен дағдыларын шыңдау қажет. Барлық білім үйде кеңейтіледі, тереңдетіледі, бірақ олардың негізі сабақта дағдыландырылады.
Сабақты бақылау ежіктеу келесілерді қамту қажет:
1) Сабақтың ұйымдастырушылық кезеңін. Мұғалімнің сабаққа құралдардың, құрылғылардың, бордың, тақтаның, оқушылардың сабаққа дайындығын, сыныптың санитарлық қалпын, кезекшілікті және жалпы тәртібін тексерді.
2) Сабақтың маныздылығы. Мұғалімнің түсіндіру ғылымилығы және тереңділігі бағаланды, өмірбен байланысы анықталды, түсіндіру қызықты жүргізілді, сабақтың материалы тәрбиелік мақсатында, қосымша материал, ғылымның соңғы жетістіктері, көрнекілік құралдар, сызбалар, схемалар, инетербелсенді тақта қолданылама анықталады. Оқушылар жауаптарының маныздылығы, олардың білімдерінің тереңділігі, дербестіктің деңгейі, тіл мәдениеті, бағалар қалай қойылады; Сұрақ-жауап әдісі өткен кезінде баланының жас кезінен бастап бірге ойнауға, бірлесе ойлауға, көпшілік пікірімен санасуға, айналасындағылармен келісе отырып, шешім қабылдауға бағыт беріп отырған жөн.
3) Сабақтың тәрбиелік ролі. Мұғалім материалдың маныздылығын тәрбиелік мақсатында қолданама, мұғалімнің талаптар жүйесі қандай.Балалар еңбекке, дербестік жұмысқа үйренген , тәртіп ережелерін сақтайды.
Мұғалім оқушылардың тәртіптеріне, олардың жұмысқа деген қатынасына, өзара жәрдем көрсетуіне, принциптіліктеріне, іскерліктеріне назар аударады.
4) Сабақтың әдістемелік жағы:
Ойланайық, пікірлесейік тапсырмасы кезінде балалардың өз ойларын еркін айтуға және
сыйласымды қарым-қатынас жасау адам өзіне байланысты екенін
түсіндіреді.
Түсіндіру барысындағы мұғалім
жұмысының әдіс-тәсілдері мұқият зерттелді:
оны зейін қойып тындады, оқушылардың ойлау
қабілеттерінің дамуту жеке тұлға қабілеттерін
дамыту үшін, оқушылар материалды нақты меңгеру
үшін мұғалім оқытудың қазіргі
әдістерінің қолданады; ол
практикалық жұмыстар,үй тапсырмаларын тексеру техникасы, сызбаларды, схемаларды қолданды.
5) Мұғалімнің сабақта өзін өзі ұстау ерекшеліктері.
Мұғалімнің сабақта ұйымдастырушы және дирижер ретінде өз өзін ұстануы, оның мәдениеттілігі, сөйлеу мәнері, киімі, әдеттері, оқушылармен өзара қатынасының ролі өте жақсы.
Сонымен, сабақты бақылау, ол оқыту жұмысының барлық компоненттерін қамтып, жан-жақты, комплекстік жайы болды.
Сабақтың
ұтымды нәтижесі (жалпы оқушылар санына қарағанда
«4» пен «5»-ке оқитын оқушылар сыныпта басым болды);
— қорытынды және ұсыныстар жасалынды.
Сонымен, сабақ педагогикалық процестің
құрылымдық компоненті болу үшін мұгалім
педагогикалық процеспен сабақты өте жақсы
дәрежеде көрсетті. Сабаққа қойылатын талаптар,
типін, мақсатын, міндетін айқындау, материалды іріктеу,
оқушылардың іс-әрекетін ұйымдастыру
мұғаліммен қатар оқушының да жұмыс
тиімділігін арттырылғаны көрсетілді.
Қорытындылай
келе жас өспірімдердің рухани-адамгершілігін дамыту үшін
оқу-тәрбие жұмыстарын ұйымдастыру кезінде баланың
жан дүниесін түсіне білу, талап тілегімен санаса білу, оларға
жылы шыраймен қарау, өз ойларын айтуға жағдай жасау,
әр баланы тыңдай білу, өзінің қажеттілігі мен
құндылығын сезе білу, өзінің ерекшелігі мен қайталанбастығын
сезе білу, өзінің қабілетіне, күші мен
мүмкіндігіне сену, өз ойын дәлелдей білу, бәрін
жақсы үлгере білу, саналы тәуекелге дайын болу,
айналадағы адамдармен тіл табысып, дұрыс
қарым-қатынаста болу, өзіне деген сенімділік,
өзін-өзі қорғай білу, мұғалімдердің
баланың ішкі жан дүниесін дұрыс сезініп, өз баласындай
жақсы көре білуі сияқты адамгершілік қасиеттерді
өзін-өзі тану пәні әр сабақта көрініс табуы
керек.
Мұғалімнің жетістігі:
2013ж Аудандық конкурсына «Лучший учитель самопознания-2013» белсенді қатысқаны үшін аудандық мадақтамасымен марапатталды.
2013ж Өскелең ұрпаққа білім беру мен аудандық «Жыл мұғалімі 2013» байқауында мектептің намысын қорғағаны үшін мектеп алғасымен марапатталды.
2013ж Тамыз конференциясында «За высокие достижения в учебно-воспитательном прцессе» аудандық мадақтамасымен марапатталды.
2015ж Аудандық конкурсына «Лучший учитель самопознания-2015» 3-орынға ие болып аудандық мадақтамасымен марапатталды. .
2015ж «Қазіргі заманғы бастауыш білім беру жағдайында педагогтардың кәсіби құзіреттілігін арттыру» аудандық семинарда белсенді қатысқаны үшін мадақтамамен марапатталды.
2015ж «Өрлеу» біліктілікті арттыру ұлттық орталығы» «Бастауыш сынып мұғалімінің үздік әдістемелік жинағы» сырттай байқауынада 1-орынға ие болды.
Әдістемелік бірлестігінің жетекшісі: Биржанова А.К
Сарыкөл ауданы әкімдігі білім бөлімінің
Мектеп: Сарыкөл орта мектебі.
Сабақтың барысы:
Су–мөлдір, тап–таза. Біздің де ішкі жан – дүниеміз де су сияқты таза болуы керек
Ауа қоспасындағы ең көп газ яғни азот 78 %, оттегі 21 %, көмірқышқыл газы 1%
Шығармашылық жұмыс «
Сабақтың анализі. Дүниетану сабағын өзін-өзі тану пәнімен кіріктіру арқылы оқушылардың рухани-адамгершілік құндылықтарын дамыту
Мұғалімнің сабақта өзін өзі ұстау ерекшеліктері
© ООО «Знанио»
С вами с 2009 года.
