Բանակը մեր տունն է

Բանակը մեր տունն է, մեր բերդ-ամրոցը

 Զինվոր, դու ես մեր անկախության դրոշակակիրը: 
Հայոց Անկախության դրոշը դարեր շարունակ փողփողում էր միայն հայոց հոգիների 
գաղտնարաններում: Դրոշը ծածանելու փափագով քանի սերունդ եկան ու անցան պատմության 
գիրկը, քանիսը դարձան թափառական ու գաղթական: Սակայն հոգեպես մեռնում է այն 
երկիրը, որում մեռնում է պայքարի կամքը: Մի օր մեր ժողովրդի սրտում պոռթկաց այն 
անկախությունը, որ սաղմնավորվել էր ժողովրդի հոգու ընդերքում, անկախությունը կորցրած 
երկրի ընդհատակում: Եվ այդ պոռթկման սկիզբ հանդիսացավ Արցախյան հերոսամարտը: Երբ 
թվում էր, թե ամեն ինչ կորած է, հայ Զինվորը ոտքի կանգնեց, ոտքի կանգնեց 
ապացուցելու, որ մենք պահանջատեր ենք, պահանջատեր ենք մեր պատմական հողերի, մեր երկրի, մեր մշակույթի, վարք ու բարքի, 
ապացուցելու, որ կարող ենք լինել ազատ, կարող ենք ամեն ինչ սկսել սկզբից, և այսքան 
կարճ ժամանակում հասնել այն ամենին ինչ ունենք հիմա: Եվ հասանք շնորհիվ քեզ, ՀԱՅ ԶԻՆՎՈՐ: Շորհիվ քեզ, մեր ԱՆԿԱԽՈՒԹՅԱՆ 
ԴՐՈՇԱԿԱԿԻՐ: Զինվոր, դու արթնացար ապացուցելու, որ յուրաքանչյուր 
հայորդու ով լինելը գալիս է հազարամյակների խորքից: Այն ներառում է այնպիսի մեծ 
անուններ, ինչպիսիք են Հայկ Նահապետը, Գևորգ Չաուշը, Գարեգին Նժդեհը, Զորավար Անդրանիկը, Մոնթե 
Մելքոնյանը և շաաատ ուրիշներ: Նժդեհը վստահ էր, որ իր գերեզմանեն պիտի շանթանման 
հերոսներ ծնվեն, որ իր հոգեզավակներին հոգով ստրուկները չեն կարող հաղթել: Եվ նա 
չսխալվեց:

     Ես հավատում եմ քեզ, Զինվոր: Քո շնորհիվ է, 
որ հայոց եռագույնը արդեն մոտ քսան տարի է, ինչ լոկ պատմություն չէ, այլ իրականություն: 
Քո ստեղծած անկախության բանակը կերտեց հայոց անկախությունը: Հարյուրավոր զինվորներ 
զոհաբերեցին իրենց կյանքը հանուն հայրենիքի բարօրության: Երանի բոլորը հասկանային 
այն գինը, որը վճարվեց անկախության ձեռքբերման ճանապարհին, վճարվեց, երբ 
զոհաբերեցինք մեր ազգի լավագույն զավակներին:

     Այժմ նորից եկել է քո ժամանակը, Հայ Զինվոր: 
պետք է ապացուցենք, որ նախ հայրենատերն ենք մեր մի բուռ հողի և պահանջատերն ենք մեր պատմական 
հայրենիքի:

    Տոնդ շնորհավոր ՀԱՅՈՑ ԲԱՆԱԿ….տոնդ շնորհաավոր 
ՀԱՅ ԶԻՆՎՈՐ….Թող բազուկդ միշտ ամուր 
լինի, կամքդ անկոտրելի, և լինես գաղափարի մարտիկ…

ՀԱՅՈՑ ԲԱՆԱԿ

Հայոց բանակի զինվոր հաղթանդամ,
Սուրբ հողը հայոց դու պետք է պահես,
Հարկ եղած դեպքում քո կյանքը անգամ
Հանուն հայրենիքի դու չխնայես…

Հայոց աշխարհի մարտունակ բանակ,
Երիտասարդ ես, բայց շատ փորձառու,
Տանելու ես միշտ փայլուն հաղթանակ,
Պայծառ օրերդ դեռ նոր են գալու:

Օրը հասել է մեր հաղթանակի,
Իրավունք չունենք մենք հապաղելու,
Հզոր է ոգին հայոց բանակի,
Դրոշը հաղթական է ծածանվելու:

Քեզ ցանկանում ենք փայլուն ապագա,
Կանաչ ճանապարհ դեպի հաղթանակ,
Դու պետք է դառնաս Կովկասի արքա,
Հզոր, մարտունակ, փառապանծ բանակ:

ՀԱՅՈՑ ԲԱՆԱԿ

Հայո՛ց բանակ, հայոց բանակ դու զորավոր,
Հաղթանակներդ եղել են հարազնիվ, արդար,
Թեւածել է արիական ոգիդ անպարտ՝
Պարգեւելով քո քաջերին Սեր ու Հավատ։
Հայոց ազգի աստվածների բարի կամքով՝
Ոգի ու Միտք մեկտեղել ես անանց փառքով,
Եվ գալիքը ազնիվ ցեղիս տեսնում ես դու
Մասսին փարված,
Որ ոգեղեն ճանապարհով տանելու է
դեպի Երկիրը մեր ավետյաց։
Հաղթանակիդ ղողանջները մինչեւ երկինք
թող տարածվեն,
Դու միշտ մնաս որպես բարու սերմեր ցանող,
հայոց բանակ,
Նվիրական կռիվը քո եղել է միշտ ու կլինի
չարիքի ու չարին ընդդեմ։
Արիածին մեր մեծ Ազգի դուք արծիվնե՛ր,
Նվիրական իղձերը մեր դարձրե՛ք ներկա
եւ հարատեւ,
Հաղթանակներ բերեք հայոց ծիրանագույն
դրոշներով,
Հայոց անպարտ Արքաների ոգով արե՛ք մեծ
թռիչքներ։
Արարչաստեղծ մեր հայրենյաց այրե՛ր հայոց՝
քաջ ու արի,
Եղե՛ք զգոն, եղե՛ք պատրաստ ախոյանի
դավերի դեմ։
Փակե՛ք ճամփան հերեւելի-աներեւույթ մեր
թշնամյաց,
Ազա՛տ պահեք դրախտավայր մայր
Հայաստան։