" ГЕОГРАФИЯНЫ ОҚЫТУДА ОҚУШЫЛАРДЫҢ ҚЫЗЫҒУШЫЛЫҒЫН АРТТЫРУ МАҚСАТЫНДА ТАНЫМДЫҚ ЖӘНЕ ДЕРБЕС ҚАБІЛЕТТЕРІН ДАМЫТУ"

«Сейтқамза Ластаев    атында      ғы орта мектебі»КММ Баяндама тақырыбы:  « ГЕОГРАФИЯНЫ ОҚЫТУДА ОҚУШЫЛАРДЫҢ  ҚЫЗЫҒУШЫЛЫҒЫН АРТТЫРУ  МАҚСАТЫНДА  ТАНЫМДЫҚ  ЖӘНЕ ДЕРБЕС   қабілеттерін дамыту Бірлестік жетекшісі: А.Е.Мергазина 2017­2018 оқу жылы «Өмір бойы білім алу» әрбір қазақстандықтың жеке кредосына айналуы тиіс.»                                                                                Н.Ә.Назарбаев        Бүгінгі таңда оқу үрдісін сапалы, әрі тиімді өткізудің басты алғышарттарының  бірі әртүрлі инновациялық технологияларды ұтымды пайдаланып сабақ беру болып  табылады.      География сабағын оқытуда  оқушылардың қызығушылығын артыру мақсатында  қарапайым көзбен көріп, қолмен ұстап сезіну немесе құлақ пен есту  мүмкіндіктері болмайтын табиғаттың таңғажайып процестерімен әр түрлі  тәжірибе нәтижелерін көріп, сезіну мүмкіндігі; қажетті ақпаратты жедел түрде алу мүмкіндігі; қашықтықтан білім алу мұмкіндігі туындады.    Білім сапасын арттыруға  және аз уақытта көп білім алып, уақытты үнемдеу  мүмкіндігі:  оқушының ой­өрісін, дүниетанымын кеңейтуге  оқытудың ақпараттық – инновациялық технологиялардың  тиімділігі артуда. Дербес қабілеттерін  дамытуда  компьютерді пайдалану оқушылардың шығармашлық дағдыларын  қалыптастыруға жағымды жағыдай туғызады. Мысалы: тілші болып зерттеулер жүргізу; режиссер болып деректі фильм түсіру, саяхатшы болып  дүние жүзін шарлау.      География  сабағында ақпараттық – инновациялық технологияларды пайдалану  арқылы оның тиімділігін жүйелі түрде көрсете біледі. Ақпараттық –  коммуникациялық технологияны пайдалану оқытудың тиімді әдістерінің бірі деп  ойлаймын.      Танымдық қабілеттерін дамытудың тиімділігі­электорондық оқулық.  Электрондық оқу құралы – бұл оқу курсының ең маңызды бөлімдерін, сонымен бірге  анықтамалар, энциклопедиялар, карталар, атластар, оқу эксперименттерін жүргізу  нұсқаулары және т.б. білім беруді басқаратын мемлекеттік органдар тағайындаған  арнайы статусы бар берілген түрдегі баспаларды қамтитын электрондық оқу  басылымы болып табылады.      Барлық мектептерді компьютерлендіру, оқушы басына шаққандағы компьютердің  санын көбейту   әрбір оқушының пәнге қызығушылығының  дамуына негіз болады.  Бүгінгі таңда интерактивті тақталардың пайда болуы оқу сапасын арттырып, оны  кең көлемде пайдаланудың сәтті қадамдары жасалып отыр.      Компьютерлік оқыту технологиясының география пәніне  пайдасы әртүрлі  компьютерлік программалар арқылы жазу, оқу, сызу, есептеу, диаграмма, схемалар  салуға қолайлы және әрбір оқушының  дербес қабілеттерін  дамытуға мүмкіндік  береді.      Интерактивті тақталардың  бағдарламаларын, оның жұмыс жасау  ерекшеліктері мен техникалық мүмкіндіктерін толық меңгерту , сабақ барысында  пайдалануда –барлық сынып оқушыларының  қызығушылығын тудырып, дамытуда.     Оның себебі: күнделікті дамыған қоғамның сұранысы техникалық жетістіктерді  жылдам меңгеру, игерудің нәтижесінде алға дамып отыр. Компьютерлік оқыту технологиясында орын алып отырған оқытудың тағы бір түрі  ғаламторды пайдалану  оқушылардың  танымдық қабілеттерін арттыруда. Бұл  уақытты үнемдеп, көп білім алу мүмкіндігін тудырады. География сабағын қызықты өткізудің негізгі талаптарының бірі мұғалімнің үнемі  іздену, ұтымды әдіс­тәсілдерді қолдану, оқыту әдістемесін жаңартып оқытуына  байланысты. Қазіргі таңда география пәнінің мұғалімдері инновациялық және  интерактивтік технологияларды сабақ барысында пайдалана отырып, сабақтың  сапалы, әрі қызықты өтуіне ықпалын тигізуде.    Мысалы,  ақпараттық технологияны қолдану тұлғаның жан­жақта ашылуына  жағдай жасайды, шығармашылық әлеуетін арттырып, жоғары интеллектуалды  жастар тәрбиелеуге үлес қосады.    Күнделікті сабақта бейне, аудиоқондырғыларын, теледидар мен компьютерді  қолдану айтарлықтай нәтижелер беріп келеді. Заман ағымына сай ондай қондырғылар оқушылардың қызығушылығын арттырып, зейін қойып тыңдаумен қатар, түсінбей  қалған сәттерін қайталып көруге не тыңдауға, алған мағлұматты нақтылауға  мүмкіндік береді. Оқушылардың өздері де алынған ақпаратты ой таразысынан өткізіп, өңдеп онымен өз  ыңғайына қарай жұмыс істей алады.      Қазіргі қоғамда жүріп жатқан әлеуметтік терең өзгерістер, білім беруді  дамытудың жаңа жолдарын, яғни, педагогика ғылымының парадигмасы мен  әдістемесін өзгертуді талап етеді. Бұрынғы әдетке айналған оқу үрдісінде мұғалімге  басымдылық рөлі берілсе, ал қазір оқу үрдісінде оқушы белсенділік көрсетуі тиіс, оны  оқытпайды, ол  өздігінен оқуы керек. Оқытуды дифференциялау арқылы оқушылардың  өз таңдауына жол ашады (пәнді оқыту формасын т.б.). Сол арқылы оқушы өз  қажеттілігін қамтамасыз етіп, таңдау алған жолында жетістікке жетуге  мүмкіндік алады. Ал мұғалімнің негізгі көңіл аударатын жайы әрбір оқушының жеке  қызығуы мен мүмкінділіктерін ашу болмақ. Оқушының іс­әрекеті көптеген мінез­ құлық параметрлерімен (іс­әрекет сипаты, жеке интеллектуалды дамуы, сөйлеу  мәдениеті, өз бетінше жұмыс істеу, жауапкершілігі, өз еркімен ұсыныс жасауы т.б.)  бағаланады. Оқушылардың өз нәтижелерін бағалай  білуді үйренуі аса маңызды. Сонда баға оның  жіберген қатесіне берілген жазалау емес, жеткен жетістігіне берілген мадақтау,  қызығуы мен қажетін көтермелеу құралына  айналады. «Тек қана есте сақталуымен  емес, өзінің терең ойлануымен игеріп алған білім ғана –  білім» деп, әйгілі ғалымдар айтқандай, бұл жүйенің бір ерекшелігі – кез келген  ақпараттың жан­жақты ой елегінен өткізіп барып қабылданатындығы. Қазіргі мұғалімнің негізгі мақсаты – әрбір оқушыны өз мүмкіндігіне, бойындағы  қабілетіне қарай пәнге қызығушылығын артырып, танымдық және дербес  қабілеттерін дамыту , жаңа технология түрлерінің  әдіс –тәсілдерін тиімді  пайдалану арқылы  кез келген пәнге деген қызығушылығын оятып қанағаттандыруға  бағыттау.