КОНТРОЛЬНО – ИЗМЕРИТЕЛЬНЫЕ МАТЕРИАЛЫ (ПРИЛОЖЕНИЕ К РАБОЧЕЙ ПРОГРАММЕ ПО БАШКИРСКОМУ ЯЗЫКУ КАК ГОСУДАРСТВЕННОМУ ЯЗЫКУ РЕСПУБЛИКИ БАШКОРТОСТАН) 8 класс

КОНТРОЛЬНО – ИЗМЕРИТЕЛЬНЫЕ МАТЕРИАЛЫ

(ПРИЛОЖЕНИЕ К РАБОЧЕЙ ПРОГРАММЕ ПО БАШКИРСКОМУ ЯЗЫКУ КАК ГОСУДАРСТВЕННОМУ ЯЗЫКУ РЕСПУБЛИКИ БАШКОРТОСТАН)

УРОВЕНЬ – ОСНОВНОЕ ОБЩЕЕ ОБРАЗОВАНИЕ

КЛАСС - 8

8 класс

Контроль күсереү

Ысын дуҫлыҡ

Ҡоштар ҙа оҙон ҡышҡа ныҡлап эҙерләнә. Бүрекле беснәкте генә алайыҡ. Ҡуңыҙ, үрмәксе, бойҙай, еләк – бөтәһен дә йыя. Тик уның аҙыҡ-түлек туплау өсөн махсус һаҡлағысы юҡ. Ләкин ҡош аптырап ҡалмай. Һәр ағас һайын ярыҡ – бына һиңә меңәрләгән «келәт». Бүрекле беснәк тапҡан һәр нәмәһен шунда йәшерә бара.

Бүрекле беснәктәр бер-береһе менән бик дуҫ. Йыйған ризыҡтарын бергәләп ашай улар. Аҙыҡ туплаған ағасты билдәләп тормайҙар. Кемдекен табып ашаһаң да ярай, тип уйлайҙарҙыр, күрәһең. Берәү бөтөнөһө өсөн тырыша, бөтөнөһө берәү өсөн көс түгә. (80 һүҙ)

(«Аҡбуҙат» журналынан)

Баһалау критерийҙары.

Барыһы 10 балл

Һәр грамматик, орфографик һәм пунктуацион хата өсөн 0,5 балл

«5» 9 – 10 балл

«4» 7 – 8,5 балл

«3» 5 – 6,5 балл

«2» 0 – 4,5 балл

Контроль диктант

Хушлашыу

Бөгөн көн томанлы һәм һалҡынса ине. Тәүге тапҡыр бындай иртәне күрә сыйырсыҡ балаһы. Улар әле генә урмандан тыуған оялары менән хушлашырға ҡайттылар. Сыйырсыҡ балаһы тирә яғына ҡараны ла аптырап китте: йәй буйы түтәлдәрҙе матурлап ултырған күк сәскәләр баштарын түбән эйгән, йәшел үләндәр һарғайған, аҡ ҡайындың япраҡтары ҡойола. Нимә булды икән һуң?

(А.Йәғәфәрова)

Баһалау критерийҙары.

Барыһы 10 балл

Һәр грамматик, орфографик һәм пунктуацион хата өсөн 0,5 балл

«5» 9 – 10 балл

«4» 7 – 8,5 балл

«3» 5 – 6,5 балл

«2» 0 – 4,5 балл

Контроль диктант

Өфө урамдары

Өфө ҡалаһында меңәрләгән ҙур һәм бәләкәй урамдар бар. Иң ҙуры – Октябрь проспекты. Уның асфальт юлдары бер нисә километрға һуҙылған.

Өфөнөң иң боронғо урамдары – Ҙур Ҡазан һәм Ҙур Себер урамдары. Хәҙер улар Октябрь революцияһы менән Минһажев урамдары тип атала. Ленин урамы элек Үҙәк урам тип аталған.

Күп кенә урамдар Совет власы өсөн үҙ ғүмерҙәрен биргән көрәшселәр исемен йөрөтә. Улар – И.Яҡутов, П.Вавилов, А.Әхмәтов, П.Зенцов, Б.Нуриманов, Б.Шафиев, Ш.Хоҙайбирҙин һәм башҡалар. Бөйөк Ватан һуғышы геройҙары А.Матросов, М.Ғөбәйҙуллин, К.Абрамов, Г.Ветошников исемен йөрөткән урамдары бар. Ҡайһы бер урамдар дәүләт эшмәкәрҙәре, яҙыусылар, ғалимдар хөрмәтенә атаған. (90 һүҙ.)

Баһалау критерийҙары.

Барыһы 10 балл

Һәр грамматик, орфографик һәм пунктуацион хата өсөн 0,5 балл

«5» 9 – 10 балл

«4» 7 – 8,5 балл

«3» 5 – 6,5 балл

«2» 0 – 4,5 балл