Литературная композиция к 75-летию Шамиля Казиева

       МКОУ ЦО" Юлдаш"

 

 

 

 

         

 

 

Литературная композиция

 «К 75-летию со дня рождения

Шамила Казиева»

Цели мероприятия:

1. Углубить знания учащихся о жизни и творчестве Ш. Казиева.

2. Пробудить интерес учащихся к творчеству поэта.

3. Раскрыть многообразие таланта Ш. Казиева.

4. Через творчество поэта воспитать в учащихся любовь                               к труду, родине, родному языку, уважение к взрослым.

Оформление зала:

1.                                    Портрет Ш. Казиева.

2.                                    Вывеска «Сын Табасарана

К 70–летию со дня рождения Шамила Казиева».

3.                                    Сборники стихов поэта.

4.                                    Выставка иллюстраций к произведениям Ш. Казиева.

5.                                    Аудиозаписи песен «Табасаран», стихотворения  «Бабан чIал».

6.                                    Слайды достопримечательностей, природы Табасарана, обложек сборников поэта.

7.                                    Мультимедийный проектор.

Эпиграф:

«Поэзия – это                                              «Поэзия шараб ву,

Не сцена                                                       Гьякьси кьутIкьлиб,

С завидною ролью –                               Кибикьнайиб

Мытарство души                                    Шаирин нивгъна ифи…»

С безысходною                                       Ш. Къазиев.

Вечною болью…»

Ш. Казиев.

План

 проведения литературной композиции.

1. Открытие мероприятия. Песня «Табасаран» (Р. Гамзатова).

2. Декламация стихотворения Ш. Казиева «Бабан чIал» (аудиозапись).

3. Рассказ о жизни и творчестве Ш. Казиева.

4. Ш. Казиев – детский поэт. Декламация стихов «БицIи халачачи», «Кюмекчйир», «КIубан шубар».

5. Ш. Казиев – переводчик. Декламация стихотворений на табасаранском и русском языках: «Саб халачи убхураза» - «Я ковёр чудесный тку», «ИнтIи риш» - «Капризная девочка», «Нирихъ» - «У реки».

6. Ш. Казиев – сказочник. Инсценировка литературной сказки «Хъинцамегьмер» - «Кинцамехмер».

7.Тема истории, доброты, гуманизма в творчестве Ш. Казиева. Декламация отрывка из поэмы «КIару арс» - «Чёрное золото» «БарсикIайин булагъ» - «Родник Барсикая».

8. Тема войны и мира в творчестве Ш. Казиева. Поэма «Руг ва рюкъ» - «Земля и пепел». Декламация отрывка «Русское поле» из поэмы.

9. Тема матери. Декламация стихотворения «Бабаз» - «Матери».

10. Что для поэта поэзия? Стихотворение «Поэзия».

11. Выставка иллюстраций и сборников поэта.

12. Закрытие мероприятия. Песня «Табасаран».

 

 

1.  Открытие мероприятия. Песня «Табасаран» (Р. Гамзатова).

( Проекториан Р. Гьямзатовайин «Табасаран» мяъли ебхьуру).

 

Ведущий 1. Цци, 2019-пи йисан, табасаран халкьди машгьур табасаран  шаир Шамил Къазиевдин бабкан гъахьихъанмина 70 йис тамам хьуб къайд апIура. Ихь райондин мектебариъ ва гьюкуматдин жара идарйириъ му юбилейиз бахш вуди хайлин серенжемар кIули гъушну ва гъягъиди.

 

Ведущий 2. Ав, 1-пи апрелиъ шаирин 75 йис тамам гъахьну. Шамил Къазиевди гъийин йигъаз багъри чIал ва литература артмиш апIбак лайикьлу пай кивна: чан тясирлу эсерариинди, чан аку уьмриинди, чав багъри литература ва меденият бадали гъизигу ва зигурайи зегьметниинди. Гъи ич литературайин композицияра шаирин юбилейиз бахш апIурача.

 

Ведущий 1. Ихь халкьдин машгьур шаир, писатель ва таржумачи, Урусатдин Федерацияйин писателарин Союздин член, Дагъустан Республикайин культурайин лайикьлу гъуллугъчи, республикайин С. Стальскийин ччвурнахъ хъайи литературайин премияйин сагьиб Шамил Рамазанович Къазиев чан юбилейихъди тебрик апIури, дугъаз ярхи уьмур, жандин сагъ’вал, хизандиъ хушбахтвал ва яратмиш апIбан рякъюъ хъана зурба хъуркьувалар ккун апIурхьа!

 

Ведущий 2. Шамил Къазиевдин яратмишар аьнтIикьавалаиинди, зигьимлувалиинди, тематика жигьатнаан гьарсар касдиз багагьлувалиинди, инсандихьна вуйи багьалувалин гьиссариинди багахь вухьуз. Шаирин дерин мяна айи эсерар чпин сакIалвалиинди, халкьдин мелзнан эсерариз багагьлувалиинди гьарсар табасаран касдиз кьабулди шулу. Хъа шаири дагъустан литературайиъра чан лайикьлу йишв дибисна.

 

 

Ведущий 1. Йиз фикриан, Ш. Къазиевдин варитIан машгьур эсерарикан саб жвуван халкьдихьна ва багъри чIалнахьна вуйи ккунивалин гьиссари абцIнайи «Бабан чIал» шиир ву. Дидиъ халкьна чIал беден ва дидиъ айи рюгьси, гьевесси тувна.

 

 

 

2.  Декламация стихотворения Ш. Казиева «Бабан чIал» (аудиозапись).

Шамил Къазиев

 

Бабан чIал

 

Чюнгюр вува,

Халкьдин мухриин али,

Йиз багъри чIал,

Йиз аьзиз чIал.

ГучIурзуз вук

Кучуз… Мукьам кIваъ айи,

Гьякьлуб вуйкIан,

Даршиш – кучIал.

 

Халкьдин далу

Вуйва мучIу аьсрариъ

Аьгь гъапIунва

Фукьан балйир…

Ерхьуразуз

Яв симарин мукьмариъ

Читин деврин

Гьарйир, сузйир.

 

Фукьан гъерхьну

Гъубшу девриъ халкьариз

Яв симарин

Пашман мукьмар?

Фукьан ашкьар

Саб мяълийихъ эллериз

Гъушну, тувну

Чпин жанар?

Мяъли кIури

ГъакIну устад-сазандрар,

Уьбхюз ккунди

Яв ширин сес.

Гьадрар вуйин

МучIу девриъ ву гъюбхдар,

Йиз чIал – йиз рюгь,

Суфат, гьевес?

Аьсрарихьан,

ТIараш гъапIу халкь, Ватан,

Гъабхьундар

Уву апIуз тIанкь.

Читин девриъ

Шли фуж гъюрхнуш, йип аган:

Халкьди – уву,

Дарш уву – халкь?

 

Афалугъди

Кучраза яв симарик…

Ачухъ апIин сир яв гьенгнан –

Гъюз гъит йиз кIван

Аьшкьну ацIнай табариз

Саб лепе яв

Мукьмин гьюл’ан.

 

3.  Рассказ о жизни и творчестве Ш. Казиева.

 

Ведущий 1. Шамил Къазиев табасаран шаирарикан варитIан машгьур вуйидарин жергейиъ дерккуз шулу. Дугъан поэзияйиъ кIваз тясир апIру дерин кьувват а. Думу кьувватра шаириз литературайин аьламдиъ чан хусуси рякъ, художествойин хатI бихъбалан асиллу ву.

 

Ведущий 2. Ш. Къазиевдин яратмишарин чIал аьдатиб, амма кIваз успагьивал, деринвал, тясирлувал хруб ву. ЧIалнаъ айи варитIан гюрчег алатариинди, рангариинди дугъу уткан гавагьирар – аьнтIикьа эсерар яратмиш дапIна. Эсерарин художествойин заан лишнарикан саб гьадму вуки, дурарин чIал халкьдин мелзналан вуйи эсерарин чIалназ багахь ву.

 

Ведущий 1. Шамил Рамазанович Къазиев 1944-пи йисан Табасаран райондин Гуми гъулаъ мялим Къазиев Рамазандин кюлфетдиъ бабкан гъахьну. Гафнан устад вуйи гагайин, халкьдин мяълийирин ва махъварин тясирнаккди Шамили бицIидихъанмина урус  литерайин эсерарра урхуз хъюгъну, хъасин «Колхоздин уьмур» газетдиъ чан эсерарра чап апIуз хъюгъну.

 

Ведущий 2. Ккум’арин кьялан мектеб ккудубкIу Ш. Къазиев 1961-пи йисан Даггосуниверситетдин филологияйин факультетдиъ урхуз хъюгъну. Думу ккудубкIу жигьил мялим багъри мектебдиъ лихуз хъюгъну.

 

Ведущий 1. Яратмиш’валин рякъюъ айи Ш. Къазиев 1972-пи йисан Москвайиъ М. Горькийин ччвурнахъ хъайи Литературайин институтдиз урхуз гъягъюру. Душваъ жюрбежюр жигьил шаирарихъди таниш шулу, шаирвалин кеспнаъ чан рякъяр агуз хъюгъну.

 

Ведущий 2. 1976-пи йисан шаирин сабпи китаб – «Ахсрарин нефес» – удубчIвуру. Дидхъантина, устадвал артухъ шули, шаири сабдихъди саб хайлин гъварчар адаъну, литературайиин юкIв алидариз аьхю пешкешар тувну, фицики думу эсерар гъурху касдиз тясир дархьиди гъубзуб мумкин дар: «Аку цIадлар» (1976-пи йис), «Ярхла рякъ» (1979-пи йис), «Гъюран жилгъа» (1980-пи йис), «Руг ва рюкъ» (1982-пи йис), «Жилин сабур» (1985-пи йис), «ТIилисим кайи сим» (1988-пи йис), «Уьъйир апIру сул» (1990-пи йис), «Амрар ва лукIар», «Хъинцамегьмер» (1995-пи йис).

 

Ведущий 1. Ш. Къазиевдин хайлин йисари гъизигу зегьметнан натижа вуди, 2005-пи йисан Дагъустандин китабарин чапханайиъ «Тавхана» китаб удубчIвну. Табасаран литературайиин юкIв алидариз му ляхин аьхю гьядиса гъабхьну.

 

Ведущий 2. ВартIан зади шаири Инсан дерккра, дугъан кьувват ва мумкинвалар, читин дюшюшариан баркаллувалиинди удучIвуз шлувал, жара инсанар бадали чан жан сарф апIрувал:

Инсан, Инсан!

Читин дарин яв кьисмат!

Наънан ву яв

Гьадмукьан зурба кьудрат?

Даршиш Данко

Дарин кучIал, ихтилат,

Хъа Прометей

Вуйин яв гьякьлу сурат

 – бикIура шаири «Йиз багъри жил» шиъриъ.

4. Ш. Казиев – детский поэт. Декламация стихов «БицIи халачачи», «Кюмекчйир», «КIубан шубар».

 

Ведущий 1. Шаир, яш гъабхьишра, дюн’яйихьна бицIирси аьшкьлуди, маракьлуди лигуру. МитIланра гъайри, шаирин саб жерге китабари шагьидвал апIурайиси («Аку цIадлар»,  «Гъюран жилгъа», «Уьъйир апIру сул», «Сулан уьъйир») Ш. Къазиев бицIидарин гъаври айи, дурарин хасиятар, психология аьгъю, дурар ккуни кас ву. Хъа шаирвалин зигьимди, эсерарин хъпалгували, успагьивали Ш.Къазиевдин яратмишар ккун хьуз гъитру, дурар гъурхган, улдукьу дустрахъди сюгьбат гъубхганси шулу.

 

Ведущий 2. Шаирин эсерариъ бицIидар зегьметниин юкIв алидар, аьхюдарин кюмекчйир ву, хъа эгер дурарик нукьсанар каш, Ш. Къазиевди думу камиваларикан зарафатниинди кIуру.

БицIи халачачи (Байрамалиева Анжела)

 

Либ-диб-хъинц!

Либ-диб-хъинц!

Халачийихъ деъна риш,

Халачийихъ деъна риш,

Убхури гюрчег накьиш.

 

Гугнахъ гуг,

Хъана гуг –

Жакьварси дусра гугар,

Жакьварси дусра гугар –

Деккуч

Имрин шад рангар.

 

Зигну, «тар-р-р!»,

Хъана «тар-р-р!» –

КкючIюгъю шуру турар,

КкючIюгъю шуру турар,

Гъидипу мурсулин жар.

 

Чиб-чиб-чиб!

Чиб-чиб-чиб!

Кубдра мурсул тIибиччи,

Кубдра мурсул тIибиччи –

Ижмиб ибшри халачи!

 

Даб-даб-даб!

Даб-даб-даб!

Рягъди ккебгъу чан мукьам,

Рягъди ккебгъу чан мукьам,

Гугур хьайизкьан мюгькам.

 

Дуб-дуб-дуб!

Дуб-дуб-дуб!

Лазим ву гугар удуб,

Лазим ву гугар удуб –

Ярхисдар рижвар агуб.

 

Чирхь-чирхь-чирхь!

ХурцI-хурцI-хурцI!

Ляхнихъ хъюбгъну а убрушв,

Ляхнихъ хъюбгъну а убрушв –

Гьяжилеглегинсиб ушв.

 

Пагь! Пагь! Пагь!

Маншаллагь!

Мюгьтал ву бицIи Сираж,

Мюгьтал ву бицIи Сираж –

Чуччу алабцIну саб раж!

 

 

Кюмекчйир

 

Ялгъуз кьаби гъари сар

Гизаф мюгьтал духьнайи:

Шли-вуш хулаъ ичIи гвар,

Шту абцIну, дивнайи.

 

Шли-вуш дурчар гьадатIну,

Дернихьинди гъухнийи,

Гъудубгу кIари хъапIну,

Шли-вуш хянаъ апIнийи.

 

Гъари иццру гъахьиган,

Шли-вуш бистан йибккнийи,

Гъунши гъулаз гъушиган,

Гьяятар ичIикнийи.

 

Гьерху гъарди сад йигъан

Багахь хьайи гъушдихьан:

– Фуж вуйкIан гьамци кIубни

Мялум дару кюмекчи?

 

– КIарзавуз, – гъапи гъуншди, –

Гъюру мина бицIидар,

Лихрудар лап аьшкь кади,

Вардиз кюмек апIрудар,

 

Аькьюллудар, кIубнидар,

Ужуб ният айидар.

 

КIубан шубар

 

Ликарикк дахьна чIюрхяр,

АпIури хяви шярхяр.

Мурччваъ дипнайи мургул

Ибшура, ис дапIну кIул.

 

Суфрайигъ гъя гъягърамар,

Гъярхьна муччврарна гъабар:

– ДипIну ккудубкIиган аш,

Гьаз жибкIурадар йиз маш? –

 

Гъапи бицIибсиб муччври.

Дидихъди – гъабру, гъазни:

АпIури хъана чиркин, чIамччар дусри а уч’ин.

– Я Асли, я Сейбат! Гьаз

Лигурадарчва хулаз? –Гъапи гатди шубариз,

Мелз йивури гъабариз.

– Иццури аничв хилар?

– Ваъ!

– Даршиш вунучва темплар?

– Ваъ!

Учусдар кIубан шубар

Гъунши гъулаъра адар.

– Хъа гьаз ккебгъдарчва ляхин?

– Аьгъдарчуз шлин вуш нубат…

Дада дуфнадар, аьхир –

УнчIвихь деъну а шубар…

Дада, кIуруш, гъюрадар.

 

5. Ш. Казиев – переводчик. Декламация стихотворений на табасаранском и русском языках: «Саб халачи убхураза» - «Я ковёр чудесный тку», «ИнтIи риш» - «Капризная девочка», «Нирихъ» - «У реки».

 

 

Ведущий 1. Ш. Къазиевдин зигьимнан яркьуваликан шагьидвал  апIурайиб гьадму вуки, думу шаирси таржумачисира машгьур ву. Мисалназ, дугъу П.П.Ершовдин «Гъузгъун дайча» махъв гьеле 1983-пи йисан ихь чIалназ устадвалиинди илтIибкIну. 2000-пи йисан удубчIву  Ш. Къазиевдин «Терновый венец» («Зазарин таж») китабдик кайи аьхюну пай эсерар урус чIалназ автори чав илтIикIну.

 

Ведущий 2. Таржумачивалин цIийи дережа 2010-пи йисан Мягьячгъалайиъ удубчIву «Табасаран халкьдин мяълийир» китаб гъабхьну. Му китаб дагъустан литературайиъра цIийи тажруба ву, фицики дидиъ саб машнак ихь чIалниинди, тмуну машнак урус чIалназ таржума дапIнайи халкьдин мяълийир тувна. Ш. Къазиевди му китабдиинди учв зигьимлу таржумачиси, халкьдин ирс уч апIурайи, халкьдин медениятдин ва гележегдин гъадри кайи, юкIв убгру касси нубатнан ражну улупну.

 

 

 

Саб халачи убхураза

 

Саб халачи убхураза,

Кьялаъ балин сурат ади.

Ширин мяъли апIураза,

Ккуни бализ ебхьри кIури.

 

Я ковёр чудесный тку

 

Я ковёр чудесный тку,

В середине твой портрет.

Песню звонкую пою,

Чтоб услышал ты, мой свет…

 

ИнтIи риш

 

МучIу йишван, аку йигъан

Йиз кIваъ шулу гьарай-фигъан –

ИнтIи шур’ин улубкьну юкIв,

Духьну аза дердерин лукI.

 

Багахь хьашра, узу рякъдар,

Гаф капIиган, жаваб тувдар,

Гъапиш, уву ккундузуз, риш,

МикIси шулу хулазди диш.

 

Капризная девчонка

 

С нею я страдаю только…

И труднее с каждым днём –

В бессердечную девчонку,

Как мальчишка, я влюблён.

 

Холодна… Не замечает,

Говорю – она молчит.

О любви я начинаю, –

Как дикарка, вдруг бежит.

 

Нирихъ

 

Йиз бахт гьюлиз гъабхьнийкIан диш…

Адар узуси бахтсуз риш –

Тувну аза жара гъулаз,

Ккунириз ваъ – даккни жвуваз…

 

Хилихъ хъапIган сижари кIур,

Хилкан гъабхьи гъееццу гакIул…

ТIубахъ хъапIган арсран тIублан,

Гьибгъзуз, битIру гъивси кIалам.

 

 

Гардандиъ арснайиз гьибар,

Сиргъйири кдутIура ибар…

Йиз бахт, якьин, гъубшну гьюлиз,

Узура гъайих, нир, дидиз…

 

У реки

 

Иль счастье рекою куда унесло,

Судьба ли ко мне повернулась спиной…

Засватана я не в родное село,

И суженый мне незнакомый, чужой.

 

Свекровь мне на палец надела кольцо…

Девичьи надежды померкли мои.

Тяжёлые бусы на шее свинцом

Повисли, как кольца холодной змеи…

На руку надели в каменьях браслет –

Одеревенела как будто рука…

Зачем же судьба мне, коль счастья в ней нет?

Возьми меня в море с собою, река.

 

6. Ш. Казиев – сказочник. Инсценировка литературной сказки «Хъинцамегьмер» - «Кинцамехмер».

Ведущий 1. Ш.Къазиевдин яратмишарин сабсан тереф – литературайин махъвар дикIуб ву, дурарра шиир саягъниинди. Байвахтнан махъварин вилаят шаириз чазра багахь ву, фицики бицIидихъанмина думу махъварихъ хъпехъуз ккунир вуйи.

 

Ведущий 2. «Махъварихъ хъпехъуз гизаф аьшкь айир вуйза. Махъвари йиз улихь аьламатнан сюгьюр кайи дюн’я гьатIабццуйи. Думу сюгьрин нурар айи дюн’яйиъ учIвхъантина, лампайин акв айи мучIу хулаз хътакуз ккун шулдайи», – ктибтура шаири чан байвахтнакан «Сулан уьъйир» китабдиъ.

 

Ведущий 1. «Хъинцамегьмер» махъв гъадабгъиш, думу гьациб цIалцIам, гюрчег, рифмаламиш дапIнайи чIалниинди дибикIнаки, эсер халкьдинубси рябкъюру, халкьдиз багьара ву. Думу махъв аьгъдру табасаран бицIир адаршул гъапишра, кучIал даршул. Махъвран художествойин дережа гьадмукьан заануб вуки, саб гьадму эсертIан яратмиш гъапIундайишра, Шамил Къазиев ихь халкьдин фагьмиъ, фикриъ гьаргандиз гъузуйи.

 

Хъинцамегьмер

 

                         (Автор)

Ягъал дагъларин кьялаъ,

Сикин ва бахтлу гъулаъ,

Гюзел Рубасдин гъвалахъ,

Ккебгърайиган гьаму махъв,

Саб дупну кьюлан хул’ан

УтIубччву гьарай-фигъан:

 

(ЦIамцIам)

– Ая фун! Ая фун!

Ккундузуз ицци гъафун!

Ицциб-ужуб аьбкъина-а-ай! –

 

(Автор)

Ибшуз хъюбгъю кьюлан бай…

 

(ЦIицIмат)

– Жан бай, хъайи-хъадру саб!

МапIана кIвакан кабаб! –

 

(Автор)

КIури, бабра дидихъди

Гъибшу:

 

(ЦIицIмат)

– Яраб фтихъди

ТувуйкIан бализ ипIруб?

Ччим адар тIуб кадатруб,

Я саб гъягъя хиф адар

Ясан ашдиз дукI, удар,

Я – жихир, ясана – вич…

Табтиъ имбуб – шубуб чинч.

 

(Автор)

Бабу чинч туву бализ –

Бали лик гъиву дидиз:

 

(ЦIамцIам)

– Аь-аь! Ккундариз учIвру чинч!

 

(Хъинцамегьмер)

– Гьа ккебехъа, я хъюнтIич! –

 

(Автор)

КIури, гъафи аба кьюл,

 Хьади айи-адру хюл,

Дуфнашра чаз балкан хъял,

Вушра хюл гизаф кIюгъял.

 

 

(Хъинцамегьмер)

– ЦIамцIам! Вува аь-аь-хю бай,

Арда гьамци шулин хай?

Варди апIуру аьйиб –

ИпIин сарун ихь айиб…

 

(ЦIицIмат)

Хъинцамегьмер! Гафар гъит!

Хулаъ вари дубхьна кьит!

Убгури азу хъюлу…

 

Гьаз вува мукьан кьискьис

Хъайи-хъадру сар бализ?

Миди апIру гафариз!

Закур гъарабх базариз!

(Хъинцамегьмер)

– Фици гъябгъюру, ЦIицIмат,

Хилиъ адарди манат?

 

(ЦIицIмат)

– Думу гафар лазим дар!

Закуриз кидитI ликар.

Ихь айи хюл тув масу

Я – хифарихъ, я – нисухъ.

 

(Автор)

Чара амдру кьаби кьюл,

Чан кьял’ин иливну хюл,

Гъубшу, ккудубкьури маргъ,

Аьхю базариз – Халагъ.

 

Аьхю базарин кьялаъ,

Чил бачукI убсну унтIаъ,

Дубсну улихь самовар,

Гъвалахъ дивну чIвеъ бачкIар,

ДепIна кафтар жанавар:

 

(Жанавар)

– Гъачай, бачкIар ккунидар,

Жибдиъ пулар айидар!

Гьаз гъюрдара, цIару кач?

Яв курцIилра хъади гъабч!

ГъяцIли кIулди аьхю бай…

Арда гьаци шулин хай?

Гъадабгъ бухара бачукI,

Шад апIин яв балин юкIв!

 

(Автор)

ЦIару качу, дубхьну нач,

Ис гъапIнийи чан лакач.

 

(Жанавар)

– Эй, муштари, зангар датт!

Мина гъабч, ибшри миннат!

 

(Датт)

– Фукьан кIурва? Йип кьимат!

 

(Жанавар)

 – Саб бачкIиз – агъзур манат!

 

 

(Датт)

– Агъзуриз шулин бачукI?

 

 

(Жанавар)

– Я датт, мабхьан пулин лукI,

Закур варди увуз кIур –

Агъзуринра ккадру кIул.

Гьяйиф дапIну кьюб манат,

Яв кIул ужуз мапIан, датт.

 

(Автор)

Явашди гъабхьи лавлан

Ва ичIи гъабхьи майдан…

Кьан ву хъадабкуз гъулаз,

МичIал шули а кьюлаз…

 

Лизи диф гъафи гъяргъян,

Ва кьюлан улихь дидгъян

Саб дупну ачмиш гъаши

Кьюб раши гьярамбаши.

 

(Гату)

– Яв ччвур? Дуфнава наънан?

 

(Хъинцамегьмер)

– Хъинцамегьмер… Атрикан…

 

(Гату)

– Фу масу туврава, кьюл?

 

(Хъинцамегьмер)

– Хюл вуйиз, жан халу, хюл…

 

 

(Гату)

– Гья-гья!

Хюл дар му – гъебццу хяхя!

 

 

(Хъинцамегьмер)

– Жан халу! МакIан дици!

Хюл ву гьадмукьан ицци…

 

 

(Гату)

– Пагь, миди фу кIури аш!

Нач шуладарнуз, угъраш?

АпIури халкь алдатмиш

Хьуз ккундавуз яшамиш?

 

– Фу жаза тувхьа мидиз?

 

(Ху)

– Му кьюлак тахсир кадар –

Мушваъ хюл ву тахсиркар.

Гъи, язухъ дапIну кьюлан,

Хюлин апIурхьа диван.

 

(Автор)

МучIу йишв… Улубхьу мархь…

Чара абгури кIулиз,

Алдабхъу думу Ккумиз.

 

(Хъинцамегьмер)

Абццайчва, я мусурмнар!

 

(Автор)

Ухди хъятIябкьну раккин,

Ужвси кьяши кьюл кьуну

Пичран багахьна гъабхну.

Йирфар гъитIиршну дидин,

Мани штуъ ивну ликар,

Амма файда гъабхьундар.

 

М у хабар кубкIу ЦIицIмат

Дерккуз шулинхъа гьич зат?

 

(ЦIицIмат)

– Агьи, мусурмнар,

Мидиз фу гъапIунчва, ккум’ар?

 

– Хъинцамегьмер! Хюл…

Аьхюжви, набши ихь хюл?

 

(Хъинцамегьмер)

– Думу суал мапIан зат…

Узу гъузри – шул мадар.

 

(Автор)

Гъабшиб ихь Хъинцамегьмраз

Аьгъю шул ургуб гъулаз…

Ургуб гъулан жямяаьт

Гъафи апIуз мясляаьт.

 

(Кьун)

– Гьарури дабгну багьна,

Гъи хялижв гъитунчва чIат,

Гьархну абйирин аьдат…

 

– Гьай ишричву гьили мур,

Дудубгну, айи намус,

Гъахьидар гьамкьан ужуз.

 

(Гату ва ху)

– ДарапIарча мици зат,

Хил алдабгъ, я жямяаьт!

 

(Кьун)

– Му ихь кьюб абдли

ГъапIну кIури абдал тIул,

Мици гъибтуз хай даршул.

Дюбхну абйирин аьдат,

Гьарди чахьан шлу гьюрмат

АпIурхьа хялижвуваз –

Абурлу Хъинцамегьмраз.

 

(Автор)

Гьарури гъабхи хул’ан

Чпиз айиб артухъан.

КIури: «Гъайибхай бализ».

 

Хъинцамегьмер – ихь гъучагъ

Дишла гъабши саппа-сагъ.

Гьюрбйириъ ивну гъагъар,

Гьязур духьну а хялар.

Ва чпин тахсрар кидирчуз,

Хяларна гъагъар гъахуз,

Ккундаршра мажбур гъаши

Кьюб раши гьярамбаши.

 

Хъинцамегьмер – гатриин,

ЦIицIмат элеу хуй’ин…

Бегьем рягьят дубхьну кIваз,

Гъушу дурар чпин хулаз.

 

7.Тема истории, доброты, гуманизма в творчестве Ш. Казиева. Декламация отрывка из поэмы «КIару арс» - «Чёрное золото» «БарсикIайин булагъ» - «Родник Барсикая».

Ведущий 1. Ш. Къазиевдин эсерарин асас игит ужубра, харжибра гьисс апIру, дюн’яйихъан ва инсанарихъан юкIв убгру, инсанвал кам шулайи девриъ думу уьбхюз чалишмиш шулайи аьдати инсан ву. Думу игитарин чешнйирин чешне вуди БарсикIай улупуз шулу. Думу неинки «КIару арс» поэмайин иштиракчи ву, дицир кас якьинди дуланмиш шули гъахьну. Игитрин уьмур инсанар, халкь бадали чарйир апIури, ужувлар апIури гъубшну. Дугъу ачмиш гъапIу булагъарикан сабтIан инсанарихьна гъурубкьундар. Хъа чан уьмурра БарсикIайи жарадар бадали тувну, гьаци вуйиган, думу халкьди гъира кIваълан гьархундар.

 

БарсикIайин булагъ

 

БарсикIайин гьаму булагъ

Гъабхьну варитIанна парлагъ,

Даршул уж’влиз харжи кьисмат –

Вахтназ аьгъя вардин кьимат.

Гьаму булагътIан гъабхьундар

БарсикIайин мерд кIваз ухшар.

 

– Хъа имбудар наши, халу?

Дурарин шид дайкIан дадлуб?

– Дурар рякъхьан гъахьну ярхла,

Дурариз гъабхьундар жилгъа,

Дурарин штуъ айи уж’вал

Инсанарихьна хъубкьундар.

 

Жараб гъабхьну му штун кьисмат,

Вардиз сабси апIру гьюрмат:

Жигьилиз, гъягъюрай ликри,

Кьабириз, гьяйвниин али.

 

Гьаддиз думу агъзур йисан

Гъубзди, жалб апIури инсан,

Сарф апIури вари кьувват,

Уьбхюри чан адлу кьисмат.

 

Ва кьаби кас гъахьи энгел,

Фикрик кахъну, гъубшу саб гьел…

Гьам булагъси гъашиш инсан

Гъуллугънаъ  чан багъри гъулан,

Сабпи мюгьюббатси аку,

Вардарин кIваъ гъузру думу.

 

8. Тема войны и мира в творчестве Ш. Казиева. Поэма «Руг ва рюкъ» - «Земля и пепел». Декламация отрывка «Русское поле» из поэмы.

Ведущий 1. Ш. Къазиевдин яратмишарин тематика гизаф яркьуб ву. Иллагьки дявдин тема тясир апIру саягъниинди улупуз гъабхьну шаирихьан. 1985-пи йисан Ш. Къазиевдин «Жилин сабур» кIуру  китабдиъ айи Ватандин Аьхю дявдиз бахш дапIнайи «Руг ва рюкъ» поэмайиз Дагъустан Республикайин С. Стальскийин ччвурнахъ хъайи премия хабарсузди тувуб дар.

 

Ведущий 2. Шаири дяви гьаци шикиллуди улупураки, урхурайидари чпира гьадму женгарин иштиракчи вуди гьисс апIруганси. Табиаьтра дяви хьуб’ин русвагь ву:

Гьаз хутIлиин

Улихьганси,

Чвулин машквар ккебгърадар?

Дяхнин кIул’ан

Нивгъ рубзура,

Ахьра гъизилин цIадлар…

 

Шаирин фикриинди, дяви хьубан тахсиркар учв, инсан, ву. Ислягьвал бадали инсанар женгнаъ духьну ккунду кIуру фикрихъна хура поэмайи ухьу.

 

 

 

 

Урус хутIил

 

Гьаз гъабхьнийкIан

Му хутIликан

Инсафсуз дявдин майдан?

Гьаз илирчну

ХутIлин зиин

Аьгь апIуз даршлу гъагъар?

 

Жили чаин

Дявдин майдан

Тикмиш гъапIу мутму дар!

Дявдин майдан

 ХутIлин зиин

Уву гъапIунва, инсан!

 

Русвагь духьну,

Сакъур духьну,

Ккебехъна гъургу завар,

Мукьар дургну,

ХутIлиъ ургну,

Сикинсуз духьна жакьвар.

Рабгру жакьвлин

Дих гъядябгъну –

Мяъли апIуру фиткан?

Мюрхюн гьарар

КIару духьна,

КьатIар духьна гьацIкьял’ан.

 

Кумна дифар,

Ризкьна ифи

Гъидикьна хутIлин зиин,

ГъачIидар’ин

Эляргъюри,

Хъютар дусна мухриин,

 

Дахьна эскрар

Фикриз дуфну,

Ккабцурайиси хутIил,

Дахьна эскрар,

Ислягь духьну,

Хабаъ апIну гъабчIи жил.

 

Мягьсул дубгну,

Дявди гъубзну

Жансуз хутIлиин зегьер,

Фуж вуйикIан

Лазим вуйир

Гьамциб аьзабнан бегьер?

 

Дахьна эскрар

Дарагънайи

Шиларси хутIлин зиин…

Сариз ерхьдар

Сузйир – бабан,

Йитим духьнайи балин.

 

9. Тема матери. Декламация стихотворения «Бабаз» - «Матери».

 

Ведущий 1.  Бабан образ шаири аьхю устадвалиинди ачухъ гъапIну. Баб хизандин юкIв ву. Бабан жумартваликан, кIван рягьимлуваликан вуйи цIарар урхруган, сар касра кIваъ гъалабалугъ^,вал адрабхъди, бабахьна вуйи мани гьиссари адрацIри гъудрузур.

 

Ведущий 1.  Гьаци кIваантIан яратмиш гъапIу шиърарикан саб ву «Бабаз» кIуру шиир. Дидиъ лирикайин игитри чаз аку дюн’я улупбан бабаз чухсагъул мялум апIура.

 

Бабаз

Чухсагъул, баб,

Улар тувунва узуз –

Вари уьмрин

Аку рангар рякъюрзуз,

Хъа сабпи кьарцI

Яв машнак гьаз гъябкъюндар?

… Чул илипси

Духьна яв машнак кьарцIар…

 

Мелз тувунва,

Улупунва узуз чIал,

Артухъ шула

Дустар, сюгьбат, таниш’вал,

Хъа яв багахь

Деъну кьюб гафкьан апIуз

Магьа гъира мюгьлет шуладар узуз.

 

Ебхьурузуз

Сес хьадукран цIадларин,

Жакьвлин, микIлан,

Гьаргъян ахьрай кIажарин,

Дугъри вуйи

Насигьятнан яв гафар

Вахтниинди

Гьаз-вуш ерхьури шулдар.

 

Улупнийва

Сад йигъан узуз лицуз,

Гъи яв уьмур

Дубхьна ккилигуб узуз…

Гъюрзавухьна

БицIи герендиз гьарган,

Булагъдихьна

Гъюрубси юлчи инсан.

 

Гьарган фикрар

Дердер мапIана балкан…

Вари тувну,

Асиллу вуйиб увкан,

Аунва бай

Рякъюъ… Дугъу чан кьисмат

Абгур. Яв юкIв

АпIинава фаракьат.

 

10. Что для поэта поэзия? Стихотворение «Поэзия».

 

Ведущий 1. Гьамусдин заманайиъ инсанвалин сяргьятар ккуру шула, адмийирин кIваъ рягьимлувал кам шула, юкIвар гъванариз илтIикIура, дурариъ айи марцци гьиссар къур йисан булагъарси ерццура. Шаирин метлебра вуки, гьадму гъванариз илтIикIурайи юкIвар сюгьюр кайи гафар дагну, уягъ апIуб ву.

Поэзия шаириз ву:

Гьарай-суза

КIван симарин,

Инсан уьрхюз

Даршули, шулай кьатIар…

Ведущий 2. 

 Поэзия шараб ву,

Гьякьси кьутIкьлиб,

Кибикьнайиб

Шаирин нивгъна ифи…

 

Поэзия

 

Поэзия – это

Не сцена

С завидною ролью –

Мытарство души

С безысходною

Вечною болью…

Не чин она важный,

Не должность,

Почёт иль награда –

Поэзия – это

Душа…

З а колючей оградой.

 

Не в рьяных

Поклонах

Вельможе спина

Иль рука, которая

Чещет усердно

Сановную пятку.

Поэзия – это

Чувств благородных

И чистых вулкан…

Не может она

Угождать всем властям

Без оглядки…

 

Поэзия – это

Не мёд

Из тюльпанов и роз –

Напиток

Багряный и терпкий

Из крови поэта и …слёз.

Не нимб,

Ореол над главою

Высоких особ,

Не скипетр в руке,

Не корона

На царственный лоб.

 

Поэзия – это

От бога

Терновый венец…

В нём больше

Страданья и крови,

И боли, чем славы…

И носит достойно его

Не тщеславный певец – поэт,

Кому дан он

С рожденья,

По высшему праву.

 

11. Выставка иллюстраций и сборников поэта.

(Табасарандин табиаьтдин шикларин ва китабарин жилдрарин слайдар улупуру).

 

Ведущий 1. Гьамус, гьюрматлу урхурайидар, хялар, фикир тувай,  лигай    Ш. Къазиевдин эсерариз баяр-шубари гъизигу иллюстрацйириз ва шаирин гъварчар-китабариз.

 

12. Закрытие мероприятия. Песня «Табасаран».

Ведущий 2. Гьюрматлу юлдшар! Ихь серенжемдиъ аьхириъ сабансан машгьур табасаран шаир Шамил Къазиевдиз гележегдиъра жандин сагъ’вал, бахт, яратмиш’валин рякъюъ хъана зурба хъуркьувалар ккун апIураза!

 

(«Табасаран» мяъли ебхьуру).