Открытый урок "Еңбек- бәрін жеңбек"

Пән: Өзін – өзі тану Тақырып: Еңбек­ бәрін жеңбек Құндылық: Дұрыс іс­ әрекет Қасиеттер: Еңбексүйгіш, сабырлы, төзімді, адал Мұғалімі: А.Б.Муратова Сынып: 2 «a», «ә» Сабақтың мақсаты Оқушы бойында еңбек­ адам өмірінде өте  маңызды деген ойды қалыптастыру  Міндеті  Еңбектің адам өміріндегі маңызы туралы түсінік беру; Еңбек етуге қызығушылықтарын дамыту; Еңбексүйгіштікке тәрбиелеу. Сабақ барысы:Ұйымдастыру  1.Тыныштық сәті: Нұрға бөлену 2.Әңгімелеу «Адамды ­ адам еткен еңбек». Жалпы адам баласы өмірге келген  күннен бастап еңбекпен тығыз байланыста болады. Себебі, шыр етіп  өмір есігін ашқан сәттен бастап ана сүтін емудің өзі еңбекке жатады. Еңбек дегеніміз бойымыздағы энергия яғни күшіміз, осы күшті  пайдаланудың өзі еңбек. Адамдар еңбек ету арқылы көптеген  жетістіктерге жетеді. Күнделікті ішіп­жейтін тамағының киетін  киімінің өзі еңбекпен келеді. Мысалы: «Еңбек етсең ерінбей, тояды қарның тіленбей»­ дегендей  жерге дән сеуіп, оны күтіп баптап өсіреді. Базарға апарып сатып,  ақшасына тамақ, киім алады.  3.Үй тапсырмасы  Оқулық, дәптер 4.Дәйексөз  «Еңбектің наны тәтті, жалқаудың жаны тәтті» мақал.  Адам ең бастысы еңбектенуге, яғни бір іске күш­қуатын, ақыл –  ойын жұмсауға ерінбеуі керек. Өйткені жалқаулық, еріншектік  адамның өзін және өмірін тоздырады. Ал ерінбей еңбек етсен  мақсатыңа, арманыңа жетесің. Арманың орындалса өзіңді  бақытты санайсың.  1. Еңбектің наны неге тәтті? 2. Жалқаулық жаман ба, әлде жақсы ма? 5.Мәтінмен жұмыс «Түскі тамақ пен кешкі тамақ»  С. Көбеев Бала түске дейін үйде бос отырды. Түскі асты ішетін уақытта шешесі  ет пен сорпа әкелді. Бала сорпаны тартып көрді де: «Бүгін сорпа  дәмсіз екен», ­ деді. Шешесі айтты: «Бұл дәмсіз болса, кешке дәмді  сорпа пісіріп берермін», ­ деді. Түскі тамақтан соң әкесі шөп тасыды. Баласы атқа мініп, шөптің төбесіне шығып, әкесіне көмектесті. Кешкі  тамаққа түстен қалған сорпаны, нанды дастарханның үстіне қойды.  Баласы сорпаны татып байқады да, айтты: «Түстегі сорпадан мына  сорпа дәмдірек», ­ деді. Сонда шешесі айтты: «Бұл түстегі сорпаның  қалғаны еді. Саған бұл сорпаның дәмді болғаны­сен түстен кейін  жұмыс істеп, қатты шаршадың. Таңертең ешбір жұмыссыз тек отырған  соң ас саған дәмсіз көрінді», ­ деді. 6. Шығармашылық жұмыс  Гүл салатын себетке гүл шоқтарын толтырайық. Сендер «Еңбек»  туралы мақал­ мәтелдер айтып гү шоқтарын жабыстырасындар. 7. Ойын жаттығу «Мен еңбекқор баламын, өйткені ойланып сөйлеймін»,  «мен еңбекқор баламын, өйткені ашуланбаймын», «Мен еңбекқор баламын, өйткеніболмашыға ренжімеймін», «Мен еңбекқор баламын, өйткені дер кезінде шешім қабылдай  аламын»,  «Мен еңбекқор баламын, өйткені үлкеннің тілін аламын»,  «Мен еңбекқор баламын, өйткені үнемі ізденемін»,  «Мен еңбекқор баламын, өйткені көп оқимын», «Мен еңбекқор баламын, өйткеніалға қойған мақсатыма жетуге  тырысамын»,  «Мен еңбекқор баламын, өйткені үй тапсырмасын өз бетімше  орындаймын»,  «Мен еңбекқор баламын, өйткені кішілерге қамқорлық жасаймын»,  «Мен еңбекқор баламын, өйткені, мұғалімнің берген тапсырмасын  тиянақты орындаймын». Балалар, қараңдаршы бәріміз бірігіп жақсы сөздерге толы жарқыраған, шуағы мейіріммен төгілген күн құрастырдық. Күннің шуақтары бізге  жылылық сыйлайды. Біз де осы күн сияқты айналамыздағы адамдарға  жылылық сыйлап, еңбекқорлығымызбен жақсы жақтарымызбен көрініп жүрейік. 8.Топпен ән айту. «Болайықшы осындай» Сөзі мен әнін жазған:  А. Меңжанова 9. Үй тапсырмасы  «Жақсылардың жақсысы» мәтінді оқып келу. «Еңбек ­ бақыт бастауы» тақырыбында әңгіме жазу 10. Сабақ соңындағы тыныштық сәті  Балалар денемізді тік ұстап, еркін отырамыз. Қолымызды тіземіздің  үстіне қоямыз. Көзімізді жұмамыз. Балалар бүгінгі сабағымызды  есімізге түсірейікші. Біз бүгін не білдік, не үйрендік сол туралы  ойланайық. Жақсы ойларымызды жүрегімізде сақтайық. Әрқашан  жақсылықта, амандықта болайық Сабақтан алған әсерлерінді көбелекке жазып себетке жабыстыру.