Оқушылардың танымдық қабілеттерін технология көмегімен арттыру. 1 «а» сыныбымен өткізілетін психологиялық түзету- дамыту сабағы.

Тақырыбы: Оқушылардың танымдық қабілеттерін технология көмегімен
арттыру. 1 «а» сыныбымен өткізілетін психологиялық түзету- дамыту сабағы.

Мақсаты:

-Баланың бейнелік қабылдауын дамыту.

-Көру және есте сақтау қабілеттерін дамыту.

-Баланың өз-өзіне деген сенімділік деңгейін көтеру.

-Іс-әрекет икемділігін дамыту.

-Есту,сөйлеу тілін , дамыту.

-Кеңістікті бағдарлау, қиындықтан шығу жолдарын үйрету.

Сабақ түрі: Түзету-дамыту сабағы (аралас сабақ).

Өту әдіеі: Эдуплей білімділік жүйесін пайдалану.

Көрнекіліктері: Суреттер,түймелер,ермексаз және сабаққа қажетті құралдар.
Сабақтың барысы:

I .Ұйымдастыру кезеңі:

Сәлемдесу . Шаттық шеңберін құру: «Менің көңіл-күйім».

Мақсаты: Оқушылардың өз көңіл-күйін игеріп , басқаруларын дамыту.
Балаларға бірнеше суреттер көрсетіледі ,балалар қандай көңіл-күйде
бейнеленгенін қайталап көрсетеді.

II. Негізгі бөлім

Эдуплей жүйесін қолдана отырып, балалар геометриялық пішіндерді айыру,
көлемдерді меңгеру, бүтін және бөлік,санау дағдыларын қалыптастырады.
Көру және есте сақтау зейіндерін шоғырландыру ,көру жүйесін
қалыптастырады. Сөйлеу тілдерін дамыта отырып , қарым-қатынасқа түседі,
өзара келісім бірін-бірі күту, ұжыммен жұмыс жасау белсенділіктері артады,
сонымен қатар кеңістікті бағдарлау, қиындықтан шығу жолдарын үйрене
алады.

Енді балалар біз компьютерден көргенімізді,есімізге түсіріп сол бейнелерді
құрастырып жасап көрейік.Ол үшін бізге түрлі- түсті түймелер қажет.

Үстел үстіне түрлі-түсті түймелер төгіледі.Енді Эдуплей жүйесіндегі
жасалған тапсырманы түймелер көмегімен естеріне түсіріп бекіте алады.

Сергіту сәті: Әр саусақтың астына бірдей, бір түсті түймелерді қойып,санап
шығамыз ,5-ке     дейін. Енді қолымызды ортаға қарай
жинаймыз,саусақтарымызды түймеден ажыратып алмаймыз. Осылай
математика сабағынан өтілген сан бойынша бірнеше рет қайталаймыз.
Түймелерді қайтадан қорапшасына жинаймыз.

III. Қорытынды кезең

М.Монтессоридің әдістемесінің, элементі бойынша сабағымызды
қорытындылаймыз.

Мақсаты: Өз-өзіне қызмет көрсету дағдыларын қалыптастыру, түстерді
ажырата білу.Тірек қимыл-қозғалыстарын дамыту.