Proyeksiyalar tekisliklarining bittasini almashtirish

Proyeksiyalar tekisliklarining bittasini almashtirish.

Fazodagi biror  A nuqta va uning H va V proyeksiyalar tekisliklardagi A′ va A″ ortogonal proyeksiyalari berilgan bo‘lsin (164,a–rasm). Agar V tekislikni V₁ tekislik bilan almashtirsak,  yangi proyeksiyalar tekisliklari tizimi hosil bo‘ladi. A nuqtaning V₁ tekislikdagi proyeksiyasini yasash uchun berilgan nuqtadan mazkur tekislikka perpendikulyar o‘tkazib, yangi frontal proyeksiyasi A″₁ topiladi.

a)                                                                                  b)

164-rasm.

Rasmdagi yasashlardan ko‘rinishicha, A″ nuqtadan Ox o‘qigacha bo‘lgan masofa A″₁ nuqtadan O₁x₁ o‘qigacha bo‘lgan masofaga tengdir, ya’ni A″₁A_x1=A″A_x.

Nuqtaning yangi proyeksiyalar tizimidagi chizmasini yasash uchun yangi proyeksiyalar tekisligi dastlabki proyeksiyalar tekisligi bilan jipslashtiriladi.

Chizmada A nuqtaning yangi A″₁ proyeksiyasini yasash uchun A nuqtadan O₁x₁ ga perpendikulyar tushiriladi (164,b–rasm). Uning davomiga A″A_x masofa qo‘yiladi. Natijada, hosil bo‘lgan A′ va A″₁ lar A nuqtaning yangi  tekisliklar sistemasidagi proyeksiyalari bo‘ladi. Frontal proyeksiyalar tekisligi yangi proyeksiyalar tekisligi bilan almashtirilganda nuqtaning z koordinatasi o‘zgarmaydi.

a)                                                                                  b)

165-rasm.

H va V proyeksiyalar tekisliklari tizimida B nuqta B′ va B″ proyeksiyalari berilgan bo‘lsin (165,a–rasm). H tekislikni H₁⊥V tekislik bilan almashtirsak,  yangi tekisliklar tizimiga ega bo‘lamiz. B nuqtadan H tekislikka perpendikulyar o‘tkazib, bu nuqtaning B′₁ proyeksiyasini yasaymiz. Nuqtaning yangi tekisliklar tizimidagi chizmani yasash uchun (165,b–rasm) H₁ tekislikni V tekislik bilan jipslashtiramiz. Chizmada B nuqtaning yangi proyeksiyasini yasash uchun uning B″ proyeksiyasidan O₁x₁ ga o‘tkazilgan perpendikulyarning davomiga B′₁B_x1=B¹B_x masofa qo‘yiladi. Natijada hosil bo‘lgan B′₁ va B″ yangi  tekisliklar tizimidagi B nuqtaning chizmasi bo‘ladi. Demak, gorizontal proyeksiya tekisligi almashtirilganda, nuqtaning yangi gorizontal proyeksiyasida y koordinatasi o‘zgarmaydi.[1]

Скачано с www.znanio.ru