«Шиъруланы жыйымы»

Азиз анам Акъ чачлы азиз анам, Аявлу къумукъ юртда Яшынг булан къуванып Яшайсан гьар умутда. Кёп насиплер ёрайсан Сен магъа гёнгюревде, Билемен, сенден артыкъ Сюймей мени биревде. Къолумдан гелсе, анам, Гёрсетмен сагъа къайгъы. Билемен анам ёкъну Биргине – бирден къайры. Анам – мени Юлдузум. Анам сен сен мени, сав дюньям! Джанынгдан да абурлайгъан, сыйлайгъан! Мени Анам, мени айым, Юлдузум, яшавума Нюр шавлалар яягъан! Сен сен янгыз мени англап болажакъ. Юрегимни дертим, гьалын билежек! Аналардыр Дженнетлени ачгъычы. Аналардыр юреклени бальгьамы. Азиз Анам, йыракълагъа гетсемде. Айда – йылда Анам сагъа гелсемде. Эсим оюм, сени булан Аявлум! Бу дюньяда, сен сен аркъа таявум! Къубагийик Гёрюндю Къубагийик, Башы да – уьлкю йимик, ­ Шо уьлкюню тайдырып, Этейик Тюлкю йимик… Тюе ­ Шо­о Тюени янына Неге бармайсан, Муса? ­ Барамы дагъы, Тюе Магъа тюкюре буса… Аюв Ерге яйылгъан яйыв, Уьстюнде юхлай Аюв. ­ Гече гьавда болгъандыр, Ол юхламай къалгъандыр… Тигр Тигр челтирде этни Ашамагъа башлагъан. ­ Бизге де ёкъ ижайны Неге огъар ташлагъан?.. Пил Пилни гёрсетип, яшгъа Анасы айтды; ­ Бу – слон ­ Русча оьзюню атын Къачан айтды сагъа ол?.. Арсланкъаплан Эшитгенде тавушун Гючлю Арсланкъапланны, Къоркъгъан яш, гьуя салып, Анасына къапланды. Гюзгю ва мишик бала Зал уьйге гирип къала Бир гезик мишик бала. Гюзгюден оьзюн гёрюп, Гьайран тамаша бола. Башлап гёрегенгеми Бир де танымай оьзюн. Гюзгюню ичиндеги Бишевде эки гёзю. Ойлаша:                    ­ Менден алда Бу гелип гирген уьйге. Къарагъыз гьали, бишев Бурнун чююрген кюйге! Ачувлу чапды огъар, Жыйып хыйлы гюч­къуват. Башы тийип авгъанда, Гюзгю болду хум­хуват. Бек къоркъгъан мишик бала Къарап тамаша бола: Гюзгюню ичиндеги Бишев ёкъ болуп къала. Бишев ва чычгъан Залим Чычгъан Гёрюндю бир гюн эртен Алини Мишигине. Тек не пайда: Сакъ Чычгъан къачды бирден Оьзюню тешигине. Шо тешикге, Бек сынавлу мишикдей, Бишев тикленген кюйде. Чычгъан буса, Чыгъып башгъа тешикден, Шат айлана аш уьйде…