Статья на тему "Лучший учтель казахского языка"

Тіл білгірі           Тіл – тірліктің айғағы, елдіктің нышаны, достықтың кепілі. Тілдің қасиетін оқушыға   терең   танытып,  оған   деген   құрмет     ұялата   білетін,  тілдің   құдыретін мүмкіндігінше шебер қолдана білуге баулитын екі жан бар, олардың бірі – баланы дүниеге әкелген ана, екіншісі ­ баланың  рухани ұстазы. Сондай тіл білгірлерінің бірі   –   Тіленшин     атындағы   орта   мектептің   жоғары   санатты,   озық   тәжірибелі мұғалімі Камзинова Гүлсара Тоқтасқызы. Гүлсара Тоқтасқызы көп жылдан бері қазақ және орыс сыныптарында  қазақ тілі мен әдебиетінен сабақ береді. Оқу­әдістемелік жұмысымен табысты еңбек етеді. «Қазақ тілі мен әдебиеті сабағында оқушылардың өздігінен жұмыс істеуі» атты тақырыбы аясында талмай іздене отырып, мұғалімдердің аудандық тамыз конференцияларында баяндама оқыды (2012 жыл). Көптеген авторлық еңбектер құрастырды.   атап   айтсақ,   11­сыныпқа   арналған   «Іс   жүргізу»   (2008   жыл),   6­ сыныпқа арналған «Сөзжасамдық норма» (2012 жыл) атты бағдарламаларын, 5­ сыныпта   қазақ   тілі   мен   әдебиеті   пәнін   тереңдетіп   оқытуға   арнап   «Логикалық тапсырмалар   жинағын»   (2012   жыл)   құрастырды.   7­9­сыныптарға   арнап құрастырған   «Атадан   қалған   асыл   мұра»   атты   бейіналды   курсының бағдарламасын тәжірибеде қолдана отырып, аудан мұғалімдеріне «Озық тәжірибе – ортақ әдіс» (2008 жыл), «Орыс тілінде білім беретін сыныптарда мемлекеттік тілді оқыту барысында коммуникативті құзыреттілікті меңгерту» атты семинар­ коучингіде   шебер­сыныптар   өткізді.   Гүлсара   мұғалімі   ­оқу   үдерісінде инновациялық технологияларды тиімді қолдану проблемаларымен айналысатын мұғалімдердің   аудандық   шығармашылық   тобының   мүшесі,   топтың шығармашылық   жұмыстарының   «Қазақ   тілі   мен   әдебиетін   оқытуды   жаңа педагогикалық технологияларға негіздеу» атты жинағы жарық көрген (2012 жыл). Баланың   бойындағы   тілді   оқып­үйрену   жеке   қабілет   ерекшелігіне   сай мұғалімнің   жүргізген   жұмысының   арқасында   тәлім   алған   шәкірттері   биік нәтижелерге   қол   жеткізе   алды:   бір   топ   оқушылары     республикалық интеллектуалдық   «Ақ   бота»   марафонының   жүлдегерлері   (2011,2012   жылдар), облыстық қашықтық олимпиадасының жеңімпаздары (2009 жыл). Орыс тілінде білім   беретін   11­сынып   оқушысы   М.Зиневич   оқушылардың   облыстық   пән олимпиадасында   қазақ   тілінен   жақсы   нәтиже   көрсеткені   үшін   облыстың   білім беру   басқармасының   құрмет   грамотасымен   марапатталды   (2009   жыл). Тәуелсіздіктің 20 жылдығына орай өткізілген облыстық шығармалар сайысында С.Айтбай – «Жігер» номинациясымен, Төлеген І. дипломмен марапатталды (2011 жыл). Н.Шамшиден  – облыстық «Абай оқулары» сайысының жүлдегері атанды, Ж.Кәрім қатысушы болды (2012 жыл). Е.Тұяқ – облыстық «Жарқын болашақ» олимпиадасына   қатысты   (2012   жыл).   Сондай­ақ,   оқушылары   жыл   сайын аудандық,   олимпиада,   сайыстарда   жеңімпаз   және   жүлдегерлер   болып   келеді. Ұстазының   жолын   қуған   қаншама   шәкірттері   аймағымыздың   түкпір­түкпірінде қазақ тілінің мұғалімі, журналист болып қызмет атқарады.  Мұғалім – «Үздік бейіналды курс» аудандық сайысының жеңімпазы. Қазіргі таңда   ұстазымыз   оқушыларын   өмірге   бейімдеу,   функционалдық   сауаттылығын арттыру,   еліміздің   болашағын   бәсекеге   қабілеттілікке   даярлау,   тілдік құзыреттеліктерін дамыту мәселелерімен ұдайы айналысады.  Педагог аудан мен облыстың білім саласын дамытуда қосқан   жеке үлесі үшін   білім   беру   басқармасының   және   аудан   әкімінің   марапаттарымен марапатталған. Озық педагогикалық тәжірибесі аудан деңгейінде таратылған. Білім бөлімінің әдіскері Р.Маней