Сценарий внеклассного мероприятия ко дню Учителя

Внеклассное мероприятие на кумыкском языке, посвященное Дню Учителя

«Муаллимге – минг макътав!»

Составила Шамурзаева Лариса Геляниевна

Муаллимлени гюнюне багъышлангъан байрам

«Муаллимге – минг макътав!»

Адамны яшавунда муаллим нечик агьамиятлы ерни тутагъанны гёрсетив.

Муаллимни касбусу къыйын буса да, нечик адамгъа тарыкълы экенни билдирив.

Шиъруланы чебер охувгъа уьйретив.

Ведущий: Гьюрметли Муаллимлер ! Биринчи школаны охувчулары сизин гьакъ юрекден байрамыгъыз булан къутлай. Сизге къатты савлукъ, насип ва ишигизде уллу оьрлюклер ёрай. Тилини татлилиги бар учун, халкъгъа рагьмулукъ учун, башгъа халкълар булан къыйышып болагъанлыгъы саялы – муаллимге минг макътав!

Хаджимустапаева С.Шиъру: “Учителлени гюню”.

Яшавгъа билим берип,

Бу бизин юрт школаны.

Нечик къыйын иш болса,

Йыл айланып гелеген.

Бизин барыбызгъа да

Битмес насип береген.

Савлукъ булан узакъ оьмюр ёрайман

Сизге, мени азиз муаллимлерим.

Сизин булан оьктем болсун, оьр болсун,

Ботаюртлу халкъым, ватаным, элим.

Мендей сизин алгъышласын Аллагьым.

Илмуланы кюрчюсюн сиз салгъансыз.

Юрегимде даимликге къалгъансыз.

Себеп болуп къуванчыма нечесе,

Къардаш болуп къалдыгъыз сиз жаныма.

Оьзюгюзге ошамагъа сюймекни

Сингдиргенсиз юрегиме, къаныма.

Ведущий: Яшавда тарыкъсыз касбулар болмайдыр. Тек кёп тюрлю касбуланы арасындан муаллимни касбусуна гьар девюрде де айрыча гьюрмет этилип гелген. Муаллимни касбусу бек къыйын касбулардан бириси. Ким-ким де муаллим болмагъа болмайдыр деп эсиме геле. Муаллим биринчилей – яшланы сюйме тарыкъ, экинчилей – оьзюню касбусун.

Шихова Р.Шиъру: “Озокъда, ол муаллим ”.

Касбулар кёп дюньяда,

Бирин сиз сайлагъансыз.

Кёп сююп оьзюгюзню

Дюньяда намус да кёп,

Биринден бири залим

Озокъда, ол муаллим.

Сав оьмюрюн, савлугъун

Бары пагьмусун, гючюн.

Макътанма сюймеймен, тек

Этип къояйым малим:

Шолай адам, озокъда,

Сиз таныйгъан муаллим.

Билим бизге бересен.

Баланг йимик гёресен.

Къулакъасып гьар дарсда.

Биздей гиччи яшланы

Тюз ёллагъа салгъансыз.

Ведущий: Эгер тереклер язбашда чечек ачып, гюзде емиш бере буса, яшланы емишине бир-бирде къарамагъа тюше. Яшланы школа чагъын чечек булан тенглешдирсе, бары да яшлар бир йимик «чечек ачмай», оланы бетлери башгъа йимик охувгъа бакъгъан къараву да башгъа бола. Бир яшлар гьисап дарсны кёп сюе, бирлери ядабият дарсдан гючлю, башгъалары тарих дарсланы муштарлыгъы булан охуй. Олар дарсны бек билмеклиги дарсны юрютеген адамдан гьасил бола. Олар биринчи муаллимни сюе, экинчилей дарсны сюе.

Ведущий: Муаллимлер яшланы школада биринчи гюнден тутуп язма уьйрете ва гьарпланы бир-бирине къошуп охута, олардан гиччирек сёзлер къурдура ва сёзлерден жумлалар тиздирте. Яшлар биринчи учителин анасыдай кёп сюе. Яшны эсинден ол бир заманда да таймажакъ.

Абукова Р.Шиъру: “Биринчи муаллимиме”.

Бугюн йимик эсимде.

Башлап сени гёргеним

“ Букварны” да къолума

Ма чы, яш, деп бергенинг.

Гьар гюн гёре ва тынглай

Сагъа битип къалгъаным

Басагъан гьар абатда

Сенден уьлгю алгъаным.

“ Сыгъып сувум” аладынг.

Нагагь дарсгъа геч болсам,

Бир пелекет саладынг.

Кёп къагьру муаллим деп,

Талчыгъа эдик яшлар.

Сени асил къастларынг

Атынгы айтмай эдим,

Муаллим эдинг магъа.

Шиърунгу да язгъанман

Борчлу экенге сагъа.

Мен юз йыл яшасам да

Борчум тёлеме къыйын.

Нечик де, болгъан кюйде

Этме сюемен сыйынг.

Келпетинг гёз алдымда.

Оьктемлик бере магъа.

Алгъыш этемен сагъа.

Ведущий: Бизин охутгъан, арабыздан гетген муаллимлеге багъышлангъан шиъру.

Гиголаева Д.Шиъру: «Юртлу муаллимлеге» (автор П.Шамурзаева)

Ана авлетин сюеген йимик,

Аявлу эди сизге оьрюмлер.

Яшлагъа башлап илму уьйретген,

Унутулмадакъ юрт муаллимлер

Муаллимлге багъышлангъан йыр.

Эсден таймажакъ ярыкъ юзюгюз.

Сувуруп сизин оьлюм алса да.

Эсгрме юрек кеп сюе сизин,

Къолай болмайгъан яра къалса да.

Юлдузлар йимик яна атыгъыз,

Бихин юрекде,бизин яшавда,

Сиз салып гетген илму ёллары,

Узатылажакъ оьрюм яшларда.ю

Гете Омютлер,агъыла суквлар,

Кёклерде саркъып чарнапйгъан къушлар,

Пашманлы кюйде кхарайгъан тавлар,

Сиз эсге тюшюп агъа гёзьяшлар.

Ведущий: Муаллимни иши тынч тюгюл. Моздок районну школаларында оьз ишин намуслу кюйде кютеген муаллимлер кёп. Бизин Къызлар  школада яхшы сыкълашгъан учитель коллектив ишлей. Оланы арасында  РСО-Аланияны ат къазангъан учителлери, просвещенияны отличниклери, оьр категориялы учителлер ишлеп тура. Школада гележек наслуну тарбиялавда хыйлы иш юрюле. Оьзлер танглагъан касбусун сюегенликден олар ишде ёлугъагъан четимликлени енге туруп загьмат тёге. Школаны битген яшланы яхшы къыйматлары, муаллимлерини баракалла кагъызлары, спорт янындан етишген даражалары мени йимик муаллимлени сююндюре, къувандыра.

Хасанова А.Шиъру « Учителге» (автор З.Шихаева)

Ана десем ана ярып ай тува,

Гючюм етмей анагъа йыр язмагъа.

Ана йимик азиз магъа,учител,

Сени макътап язма сёзлер аз магъа.

Аз къыйыны болмаса да балада,

Аналар да сагъа алгъыш этелер.

Учителни къанатыны тюбюнде

Бала къушлар къанатланып гетелер.

Сени уллу гьюнерлеринг,учител,

Мендейлени адам болма уьйретген,

Юрюмеге тувра ёлну гёрсетип,

Юрегимни эркин этди,кюр этди.

Мендейлеге кёп-кёп билим бергенсен,

Гьакъылынг бар,оьлешсе де битмейген.

Сюювюнг бар юреклеге синген сонг,

Оьмюр бою наслулардан гетмейген.

Муаллимлеге багъышлангъанг йыр

Ведущ.ий: Муна шулай муаллимге – минг макътав