To‘g‘ri chiziq kesmasini tahlil qilish.

Charosxon Shakirova Turgunovna

To‘g‘ri chiziq kesmasini tahlil qilish to‘g‘risida ma'lumot beradi.

         Umumiy vaziyatda joylashgan to‘g‘ri chiziq kesmasining proyeksiyalari orqali uning haqiqiy o‘lchamini aniqlash va proyeksiyalar tekisliklari bilan hosil qilgan burchaklarini aniqlash masalasi amaliyotda ko‘p uchraydi.

AB to‘g‘ri chiziq kesmasi hamda uning H, V va W tekisliklardagi proyeksiyalari berilgan bo‘lsin (62-a,rasm). Kesmaning A nuqtasidan AE∥A′B′ to‘g‘ri chiziq o‘tkaziladi va to‘g‘ri burchakli △ABE ni hosil qilinadi. Bunda BE=BB′–AA′, bu yerda AA′=EB′bo‘lgani uchun BE=BB′– EB′=Dz bo‘ladi. To‘g‘ri burchakli ABE uchburchakning AB gipotenuzasi AE katet bilan a burchak hosil qiladi. Bu burchak AB kesmaning H tekislik bilan hosil qilgan burchagi bo‘ladi. To‘g‘ri chiziq kesmasining V proyeksiyalar tekisligi bilan hosil qilgan b burchagini aniqlash uchun to‘g‘ri burchakli ABF uchburchakdan foydalanamiz. Bu uchburchakning BF kateti AB kesmasining frontal proyeksiyasi A″B″ ga, ikkinchi AF kateti uning A va B uchlarining V tekislikdan uzoqliklarining ayirmasiga teng bo‘ladi. Bunda AF=AA″-BB″, bo‘lib, BB″=FA″ bo‘lgani uchun AF=AA″-FA″=Δy bo‘ladi. To‘g‘ri burchakli ABF ning AB gipotenuzasi BF katet bilan hosil qilgan b burchak AB kesmaning V tekislik hosil qilgan burchagi bo‘ladi. 62-b, rasmda AB kesmaning W tekislik bilan hosil qilgan g burchagini aniqlash ko‘rsatilgan. Bu burchakni aniqlash uchun to‘g‘ri burchakli DABF dan foydalanamiz. Bu uchburchakning bir kateti AB kesmasining profil a″′B″′ proyeksiyasiga, ikkinchi AD kateti A va B uchlarining W tekislikdan uzoqliklari ayirmasiga teng bo‘ladi. Bunda AD=AA″′-BB″′, bo‘lib, BB″′=DA″′ bo‘lgani uchun AD=AA″′-DA″′=Δx bo‘ladi.

a)                                                               62-rasm                                   b)

Chizmada kesmaning berilgan proyeksiyalari orqali uning haqiqiy uzunligi va proyeksiyalar tekisliklari bilan hosil qilgan burchaklarini aniqlash uchun yuqoridagi fazoviy model asosida to‘g‘ri burchakli uchburchaklar yasaladi. Shuning uchun bu usulni to‘g‘ri burchakli uchburchak usuli deb yuritiladi.

a)                                                          b)

63-rasm

Masalan, AB kesmaning A′B′ A″B″ va A″′B″′ proyeksiyalarga asosan uning (63-a, shakl) haqiqiy o‘lchami va H bilan hosil qilgan a burchagini aniqlash uchun to‘g‘ri burchakli A′B′B₀ uchburchak yasaladi. Bu uchburchakning bir kateti kesmaning gorizontal proyeksiyasiga, ikkinchi kateti esa kesmaning A va B uchlarining applikatalari ayirmasi Dz ga teng bo‘ladi. Bu uchburchakning A′B₀ gipotenuzasi AB kesmaning haqiqiy o‘lchami, A′B₀=AB bo‘lib, AB^H=ÐB′A′B₀=a bo‘ladi.

Kesmaning V tekislik bilan hosil qilgan b burchagini aniqlash uchun to‘g‘ri burchakli △A″B″A₀ ni yasaladi. Bu uchburchakning bir kateti kesmaning frontal A″B″ proyeksiyasiga, ikkinchi kateti esa AB kesma uchlari ordinatalari ayirmasi Δy ga teng bo‘ladi. Hosil bo‘lgan B″A₀=AB bo‘lib, AB^V=ÐA″B″A₀=b bo‘ladi.

AB kesmaning W tekislik bilan hosil etgan burchagini aniqlash uchun esa to‘g‘ri burchakli △A″′B″′A₀ ni yasaymiz (63,b-rasm). Bu uchburchakning bir kateti kesmaning profil A″′B″′ proyeksiyasi, ikkinchi kateti kesma uchlarning W tekislikdan uzoqliklarning absissalar ayirmasi x bo‘ladi. Hosil bo‘lgan B″′A₀ = AB bo‘lib, AB^W=ÐA″′B″′A₀ =g teng bo‘ladi.[1]

Скачано с www.znanio.ru