Тура пропорционалдық және оның графигі

Математика пәні бойынша 6-сынып оқушысының өзіндік жұмысының жоспары

IV тоқсан

Сабақ нөмірі: 144

Сабақтың тақырыбы: Тура пропорционалдық және оның графигі       (7-сабақ)

1.      Мақсаты:

a)      Тура пропорционалдықтың формуласын білу және графигін салу;

2.      Өтілген  тақырыпқа қысқаша шолу

     Шамалар арасындағы тәелділіктерді кестелер, формулалар және графиктер көмегімен көрсетуге болады. Кестелерде шамаларды өлшеу нәтижесі тіркеледі, графиктер – шамалар арасындағы тәуелділіктерді көрнекі көрсетеді, ал формулалар шамалардың қасиеттерін зерттеуге мүмкіндік береді

Ой қозғау.

1-мысал. Жаяу адамның жүрген жолының уақытқа тәуелділігінің графигі берілген.

1)      График бойынша төмендегі кестені толтырыңыз.

2)      S пен t –ның арасында қандай тәуелділік бар?

Не байқадыңыздар?

Оқушылар кестені толтырады. Өз ойларын айтады.

2-мысал.    y = 5x , y = 2x және y = 0,25x тура пропорционалдықтарының графиктерін бір координаталық жазықтықта  салайық.

1.      Ол үшін координаталар басы болатын O (0;0) нүктесінен өзге координаталары .  

 y = 5x , y = 2x және y = 0,25x  формулаларын тура теңдікке айналдыратын қандай да бір нүктелерді алу керек.

Егер  x=1 болса, онда y = 5·1=5;   (1;5)

Егер  x=2 болса, онда y = 2·2=4;

Егер  x=4 болса, онда y = 0,25·4=1.

2.    Координаталық жазықтықта координаталары (1;5);  (2;4) және (4;1) болатын нүктелерді белгілейміз.

3.    Координаталар басы O (0;0) нүктесі және (1;5);  (2;4) және (4;1)  нүтелері арқылы түзулер жүргіземіз.

4.    y = 5x функциясының графигі – қызыл, y = 2x – функциясының графигі көк, y = 0,25x – функциясының графигі жасыл түспен кескінделген. k –ның мәніне байланысты функциялардың графиктері I  және III ширектерді орналасқанын анықтауға болады.

3.      Тапсырмалар.

№1.   1) Берілген кестедегі шамалардың арасындағы тәуелділік тура пропорционалдық болатындарын анықтаңыз.

2)тура пропорционалдық шамалардың арасындағы тәуелділіктің формуласын жазыңыз.

3)      тура пропорционалдық коэффициентін табыңыз.

№2.    А нүктесі арқылы өтетін y = kx тура пропорционалдығының графигін салыңыз. График бойынша k-ның мəнін табыңыз. y = kx тура пропорционалдығының формуласын жазыңыз.

a) А(5; 4);       b) А(−2; 6).

№3. 1-суреттегі  (1)   және  (2)- түзулер -   тура пропорционалдық  графиктері.

Графиктердің әрқайсысы үшін:

1)      пропорционалдық коэффициентті есептеп табыңдар;

2)      тура пропорционалдықтың формулаларын жазыңдар.

№4.   Ұзындықтары әр түрлі, ендері бірдей екі тік төртбұрыш берілген. Бірінші тік төртбұрыштың ұзындығы 10,2 см, ауданы 51 см². Екінші тік төртбұрыштың ұзындығы 6,8 см. Екінші тік төртбұрыштың ауданын табыңдар.

4.                  Сілтеме:

1.      Алдамұратова Т.А., Байшоланова Қ.С.,  «Математика»-6, 2-бөлім, Алматы «Атамұра», 2018ж,  170-172беттер

2.      Әбілқасымова А.Е., Кучер Т.П., Жұмағұлова З.Ә. Математика-6, Алматы: Мектеп, 2018

3.      https://school-assistant.ru/?predmet=matematika&theme=pramaja_i_obratnaja_proporzionalnaa_zavisimost

     Әзірлеуші:  Утегенова А.А., М.Ганди атындағы №92 мамандандырылған лицейдің математика пәні мұғалімі. Алматы қаласы Білім басқармасының Қалалық білім берудегі жаңа технологиялардың ғылыми-әдістемелік орталығының қолдауымен ұсынылып отыр.

Скачано с www.znanio.ru