Урок беларускай мовы, 3 клас па тэме "Прыстаўка"

Тэма:  Прыстаўка. Правапіс прыставак аб-, ад-, над-, пад-, прад-, перад-.

Мэта: сістэматызаваць і паглыбіць веды вучняў аб прыстаўцы як частцы слова.

Задачы:

вучыць утвараць новыя словы пры дапамозе прыставак;

развіваць памяць, лагічнае мысленне і ўвагу вучняў;

выхоўваць самастойнасць у рабоце, акуратнасць, дысцыплінаванасць, любоў да роднай мовы.

Абсталяванне: “Беларуская мова” 3 клас (частка 2), карткі.

І. Арганізацыйны момант

-Сёння мы адправімся ў незвычайнае падарожжа ў Краіну Беларускай мовы. На працягу нашага вандравання мы пабываем у многіх незвычайных месцах.

- Давайце ж пачнём наша незвычайнае падарожжа. Адкрыйце свае сшыткі і запішыце сённяшнюю дату.

ІІ. Хвілінка чыстапісання

- Першы прыпынак нашага падарожжа – горад “Чыстапісання”. Калі ласка, звярніце ўвагу на дошку.

ай эй ой яй ёй ый

     зайчык шайба хакей

- Якое слова лішняе? Чаму?

- Запішыце спалучэнні літар і словы.

Перад вамі прыказка. Давайце яе прачытаем.

   Век жыві, век вучыся!

-Як вы яе разумееце?

-Добра, запішыце гэтую прыказку ў свае сшыткі. Пішыце прыгожа, не спяшайцеся.

ІІІ. Моўная размінка

- Запісалі? Малайцы. А зараз нам трэба рухацца далей. І наступны прыпынак на нашым шляху – гэта рака Вымаўлянка. Каб перабрацца праз яе і прадоўжыць  наша падарожжа,  трэба правільна вымавіць наступную чыстагаворку:

Паравоз крычыць:

-Ду, ду, ду-у-у!

Да вясны

Іду – іду – іду!

Колы весела бягуць,

Колы песеньку пяюць:

Чах – чах – чах,

Чух – чух – чух,

Ш – ш – ш.

VI. Слоўніка-арфаграфічная работа

- Ну вось мы і пераплылі раку Вымаўлянку. Гэта было зусім не цяжка. Але на кожным шляху сустракаюцца цяжкасці. Вось і нам зараз трэба дапамагчы жыхарам невялікай вёскі пад назвай Напісанка. Тут пасвавольнічаў свавольнік-вецер: рассыпаў літары са слоў. Перад вамі словы, у якіх прэба ўставіць прапушчаныя літары.

Словы:

В..сна, дож ...., ....ядуля, падб..розавік, мя..кі, ру..нік, з..лёны, надвор..е.

V. Актуалізацыя ведаў

- Перш, чым працягваць наша падарожжа, давайце пагуляем у гульню “Я ведаю”.

Пытанні:

-                    Якія словы называюцца роднаснымі?

-                    Што такое корань, як ён абазначаецца на пісьме?

-                    Што называецца канчаткам?

-                    Якім знакам абазначаецца канчатак?

-                    Для чаго служыць канчатак?

-                    Што называюць прыстаўкай? Для чаго яна служыць?

-                    Добра, а зараз мы разам пабудуем схему саставу слова

VI. Замацаванне

-  Як вы думаеце, чым будзем сення займацца на уроку?

-Сёння на ўроку мы будзем працягваць гаворку пра прыстаўку, будзем вучыцца ўтвараць новыя словы пры дапамозе прыставак, правільна вымаўляць іх. А яшчэ даведаемся, якія прыстаўкі пішуцца нязменна.

- Пр.14 вусна, звярніце ўвагу, як вымаўляюцца прыстаўкі ў кожнай пары слоў і як пішуцца.

  Знаёмства з правілам ст.10

-Пр.16 пісьмова, утварыць магчымыя словы пры дапамозе дадзеных прыставак. Абазначыць корань і прыстаўку.

Фізкультхвілінка

У небе – хмары, хмары, хмары.

Дожджык пырскае па твары.

Мы па лужыне скакалі.

Цераз бруд пераступалі.

Моцны вецер налятае,

Кроплі з дрэва атрасае.

Хмары у небе разганяе.

Сонца у неба выплывае!

- Пр.17 Пра якія незвычайныя паводзіны ластавак вы даведаліся? Выпісаць выдзеленыя словы, абазначыць прыстаўкі.

-Малайцы. Вось мы з вамі на наступнай станцыі – Шыфраванка.

Пр.19 падабраць словы-антонімы, вызначыць прыстаўкі.

Слоўнікавае слова – адчыніць (открыть).

- Зараз мы пагуляем у адну цікавую гульню “Хто больш?” Вам трэба будзе у групах падабраць як мага больш роднасных слоў з разнастайнымі прыстаўкамі да слоў: ехаць, пісаць несці.

Самастойная работа (па карткам)

VII. Падвядзенне вынікаў

- Падарожжа наша заканчваецца. Час падвесці вынікі.

-Чаму сёння вучыліся на ўроку? Якія прыстаўкі пішуцца нязменна?

- Малайцы. Усе сёння на ўроку балі актыўнымі, але больш за ўсіх працавалі ... (называю імены найбольш актыўных вучняў), таму яны атрымліваюць за ўрок ... (выстаўляю адзнакі і пры гэтым каментырую іх).

VIII. Дамашняе заданне

-Адкрыйце калі ласка свае дзеннікі і запішыце дамашняе заданне (запісана на дошцы): Пр.20, правіла с.10

ІХ. Рэфлексія