"Жағымды көңіл-күй" тренингі

Тренинг тақырыбы: «Жағымды көңіл – күй» Тренинг мақсаты:Сыныптағы ұйымшылдықты, бірлесуді дамыту,  психологиялық және дене қатаюынан, күштенуінен арылту, бітірушілерге өз  күштерін тексеруге, өзін терең білуге көмектесу, жағымды көңіл­күй  қалыптастыру және өнімді іс­әрекетке кедергі келтіретін мінез­құлқын  өзгертуге көмектесу. Тренинг құрылымы: І.Ұйымдастыру кезеңі. ІІ. Тренингтің мақсат­міндеттерін хабарлау. ІІІ. Негізгі бөлім. а)«Сәлемдеме хат» жаттығуы. б) «Күншуақ» жаттығуы. в) «Суретті сал және екінші адамға бер» жаттығуы. г) «Жүйкелік­психологиялық қысымнан арылу тәсілдері» ІV. Қорытынды бөлім. а) «Менің көңіл­күйім» тест. б/ «Келесіде кездескенше» жаттығуы Тренингтің жүру барысы: І. Ұйымдастыру кезеңі / амандасу, тренингке қатысуға келгендерге алғыс айту / ІІ.Тренингтің мақсат­міндеттерін хабарлау. ІІІ. Тренингке дайындық, ережесімен таныстыру. Топта жұмыс істеу ережесі: 2. Біреуі сөйлейді, басқалары тыңдайды. 3. Болып жатқанға белсенді қатысу. 4. Әркім өз пікірін білдіруге құқылы. 5. Пайда болған ой, сезімдеріңді осы жерде және қазір айт. 6. "Басынан" "Аяғына" дейін жұмыс істеу. ІV.Негізгі бөлім. а) «Сәлемдеме хат» жаттығуы. Мақсаты: Жағымды көңіл ­ күй, сынып ұйымшылдығын арттыру, эмпатия  сезімін дамыту Нұсқау: мен сіздерден өз сәлемдемелеріңізді параққа жазып, мына столдың  үстіне қоюларыңызды сұраймын. Ал, енді бұларды араластырамын. Сіздер оны қайтадан алып, өзіңізге сәлемдемені оқисыздар. Қаласаңыз кездесудің естелігі ретінде өзіңізде қалдырасыз. Талдау: Сәлемдеме жазу қиын болды ма? Сіз сәлемдемені оқығанда өзіңізді қалай сезіндіңіз. Тренингті жалғастыруға дайынсыздар ма? б) «Күншуақ» жаттығуы. Мақсаты: оқушылардың өз бойындағы жақсы қасиеттерін жаздыра отырып  басқалардың көзімен жақсы қасиеттерін білдіру арқылы сенімділіктерін  арттыру Нұсқау: «Күншуақ» деп жазылған парақ таратылады. Параққа өзінің  3  қасиетін жазу тапсырылады, парақ екінші адамның арқасына түйреліп, досы  оның бойындағы жақсы қасиеттерін жазып шығады. Талдау: Әр қайсысына жеке –жеке қандай жақсы қасиеттерін достары  жазғанын оқытып, талдату. в) «Суретті сал және екінші адамға бер» жаттығуы. Мақсаты: психологиялық және дене қатаюының күштенуінен арылту, топты  ұйымдастыру Нұсқау: Бір ақ парақ алып, ең жағымды қарындашты таңдаңыз. Мен шапалақ  ұрғанда, сіздер нені қаласаңыздар сонны саласыздар. Шапалақ ұрғанда  көршіңізге сурет пен қарындашты бересіз. Сосынтағы да шапалақ ұрып, келесі адамға жалғастырыңыз. Сөйтіп сурет қағаз иелеріне келгенше жаттығу  жалғасады. Мүмкін сіздердің біреуіңіз өз суретін өзгерткіңіз келедіме немесе  жаңа сурет салғыңыз келеді ме? Талдау: Сурет ұнады ма? Өз сеніміңізбен, көңіл­күйіңізбен бөлісіңіз. Өзге адамның суретін жалғастыру қиын болды ма? г) «Жүйкелік­психологиялық қысымнан арылу тәсілдері» Мақсаты: Өзін­өзі реттеу түсінігі мен таныстыру және жүйкелік­психикалық  қысымнан арылудың тиімді тәсілдерін ұсыну «Жүйкелік – психологиялық қысымнан арылу тәсілдері» 1. Релаксация ­ қатаю, релаксация – қатаю және осылайша  қайталау 2. Спорт сабақтары 3. Контрасты душ 4. Кір жуу 5. Ыдыс жуу 6. Саусақпен сурет салу (1қасық ұн, 1 қасық су, 1 қасық бояу) 7. Газетті мыжып және лақтыру 8. Жарыс: өз қысымыңызды газетті мыжуға пайдалану, газетті мүмкіндігінше  кішкентай етіп және алысқа лақтырыңыз 9. Газетті жақсылап жыртып, оны қоқыс тастағышқа тастау 10. Газеттің беттерін бояу 11. Сүйікті әніңізді дауыстап айту 12. Бірде жай, бірде қатты айқайлау 13. Музыкаға билеу, бірде жай, бірде қарқынды 14. 10 рет терең демалу 15. Орманда, аулада немесе далада серуендеу және айқайлау 16. Тісіңізді ішкі жағынан санаңыз а) «Менің көңіл­күйім» тест. Мақсаты: әдеттері, жеке ерекшеліктері туралы ойлануына мүмкіндік беру. Нұсқау: Сіз төменде берілген пікірлерге «иә» және «жоқ» деп жауап беріңіз.  Мүмкіндігінше ашық жауап беруге тырысыңыз. Тест қорытындысы туралы  мәлімет, ең алдымен сізге қажет. Ол тренинг жаттығуларына қатысу кезінде  өзіңіз, әдеттеріңіз және жеке ерекшеліктеріңіз туралы ойлануыңызға  мүмкіндік береді. Егер тесттегі мінез­құлық бойыңызда болса, онда «иә» деп  жауап бересіз. Тест сұрақтары: 1. Менде жиі нашар көңіл – күй болады, жылаймын. 2. Адаммен кездескенде оның көзіне тура қараудан қашамын 3. Жиі ренжіген, қамыққан күйде боламын 4. Мен білетін және білген адамдардың көпшілігі менің көңілімді қалдырады. 5. Көпшілігіне өмірде маңызды болып табылатын, мәселелерге қызықпаймын  (спорт, жұмыс, айналадағыларға қатынас) 6. Соңғы кезде кейде ғана көңілді боламын, мүлде күлмеймін. 7. Мен өзімді жиі әлсіз сезінемін, өмірім туралы жақындарыма және  таныстарыма шағымданамын. 8. Қазіргі уақытта көптеген сұрақтар бойынша менің жеке позициям жоқ 9. Әнгімелесушілер естуі қиын болу үшін мен жай сөйлеймін 10. Кейде әнгімелесушінің сұрағына қалай жауап беруді білмеймін тек  басымды изеймін Тест кілті: әрбір «иә» жауабына 1 балл , оны қосыңыздар 1­2 балл. Кейбір өмірлік қиындықтарға қарамастан сіз өмірді жеңіл  қабылдайсыз. Бұл жаман емес, дегенмен белгілі бір шек болғаны дұрыс. 3­6 балл. Сіздің өмірге деген көзқарасыңыз қалыпты, бірақ қазірдің өзінде  шаршау байқалады. Ерте емеспе? 7­10 балл. Сіз болғанның  бәрін жағымсыз түрде қабылдайсыз. Сіздің  өміріңізде қуанышты сәтер жоқ  па? б/ «Келесіде кездескенше» жаттығуы Мақсаты: топ қатысушыларынан қайтымды байланысты  салу, сенімділігін  дамыту. Нұсқау: Сіздер мына допты бір ­ біріңізге беріп, бүгінгі тренингтен алған  әсерлеріңізбен бөлісіп, тілектеріңізді тренинге қатысушыларға арнайсыз. Талдау: Бүгінгі кездесу сізге не берді? Жаңа нені білдіңіз? Болашақта нені қолданар едіңіз?