Поделиться
Նյութերի և էներգիայի փոխանակություն.pptx
Նյութերի և էներգիայի
փոխանակություն
Հասկացություններ՝
Ապրելու համար օրգանիզմները շրջակա միջավայրից պետք է ստանան անհրաժեշտ սննդանյութեր:
Շրջակա միջավայր
Բույսեր - ջուր, ածխաթթու գազ, հանքային աղեր, թթվածին:
Կենդանիներ- ստանում են սպիտակուցներ, ճարպեր ածխաջրեր, ջուր, հանքային նյութեր, թթվածին:
Առանց դրանց հնարավոր չէ ցանկացած օրգանիզմի աճն ու բջիջների նորոգումը: Օրգանիզմ մուտք գործած նյութերը վերամշակվում և վերափոխվում են:
Միաժամանակ կենդանի օրգանիզմները շրջակա միջավայր են արտազատում իրենց կենսագործունեության արգասիքները՝ ջուր, ածխաթթու գազ, միզանյութ և այլ նյութեր
Այսինքն՝ օրգանիզմների և շրջակա միջավայրի միջև անընդհատ տեղի է ունենում նյութերի և էներգիայի փոխանակություն, այլ կերպ՝ նյութափոխանակություն:
Բուսական օրգանիզմներում լույսի տակ ջրից և ածխաթթու գազից ֆոտոսինթեզի արդյունքում առաջանում են բարդ օրգանական նյութեր` շաքարներ, որոնք հետագայում վերափոխվում են օսլայի, թաղանթանյութի, ճարպերի, սպիտակուցների և օրգանիզմի համար անհրաժեշտ այլ նյութերի: Դրանք ծախսվում են նոր բջիջների առաջացման համար, օգտագործվում են շնչառության գործընթացում կամ պաշարվում են պտուղներում և սերմերում:
Նյութափոխանակության ինտենսիվությունը տարբեր օրգանիզմներում տարբեր է: Օրինակ` ձկների արյունատար համակարգով հոսում է թթվածնով աղ քատ արյուն, որի հետևանքով նյութափոխանակության ռեակցիաները դանդաղ են ընթանում, և քիչ էներգիա է անջատվում: Այն չի կարողանում ապահովել ձկան մարմնի կայուն ջերմաստիճանը, որի պատճառով այն կախված է շրջակա միջավայրի ջերմաստիճանից: Այսպիսի կենդանիներին անվանում են սառնարյուն կենդանիներ: Սառնարյուն են նաև երկկենցաղները և սողունները:
Թռչունների արյունատար և շնչառական համակարգերն ավելի լավ են զարգացած, ինչի շնորհիվ արյունը հագենում է թթվածնով, բարդ նյութերն ակտիվորեն ճեղքավորվում են, և անջատվում է մեծ քանակությամբ էներգիա: Այն ապահովում է ինչպես օրգանիզմի կենսագործունեությունը, այնպես էլ մարմնի կայուն ջերմաստիճանը: Այսինքն տաքարյունությունը հնարավորություն է տվել թռչուններին և կաթնասուններին հեշտությամբ հարմարվելու բնակության ամենատարբեր պայմաններին:
Материалы на данной страницы взяты из открытых источников либо размещены пользователем в соответствии с договором-офертой сайта. Вы можете сообщить о нарушении.
