Օհմի օրենքը

ԴԱՍԻ ՊԼԱՆ

Ամիս, ամսաթիվ – 13.10.2017թ.

Դասարան – 9^բ

Դասի թեման- Էլեկտրական դիմադրություն: Օհմի օրենքը շղթայի տեղամասի համար:

Դասի տիպը- խառը տիպի դաս

Դասի նպատակները.

Ա. Ակադեմիական-

1. Գաղափար տալ էլեկտրական դիմադրության մասին

 2. Բացահայտել կապը հոսանքի ուժի, դիմադրության և լարման միջև

Բ. Սոցիալական-

1.Ակտիվացնել սովորողների մտավոր գործունեությունը

2. Ձևավորել գործնական հմտություններ

3. Ձևավորել տվյալ թեմայի վերաբերյալ խնդիրներ լուծելու կարողություն

Դիդակտիկ նյութեր- դիմադրատարր, ամպերաչափ, վոլտաչափ, միացնող հաղորդալարեր, հոսանքի աղբյուր, բանալի, համակարգիչ, պրոյեկտոր

Հիմնական հասկացություններ- էլեկտրական դիմադրություն,

Դասի ընթացքը

Խթանման փուլ –Ողջույն երեխաներ: Ես շատ ուրախ եմ, որ տեսնում եմ ձեզ: Նայենք միմյանց, ժպտանք և իրար փոխանցենք դրական լիցքեր:

 Այսօր անհնար է պատկերացնել մեր կյանքն առանց էլեկտրականության: Էլեկտրական հոսանքը ամենուրեք շրջապատում է մեզ: Այն լուսավորում և տաքացնում է մեր տունը, օգնում է մեզ սնունդ պատրաստել, ուրախանալ: Անփոխարինելի օգնական է մեր աշխատանքում:

Էլեկտրական հոսանքի ջերմային, քիմիական և մագնիսական ազդեցությունները, առանց որի անհնար է պատկերացնել մեր կյանքը, մեծապես կախված են հոսանքի ուժից: Իսկ դրա համար պետք է իմանանք , թե ինչից է կախված հոսանքի ուժը:

Այսօր մենք կծանոթանանք էլեկտրականության հիմնարար օրենքներից մեկի հետ, որը ցույց է տալիս, թե ինչ մեծություններից է կախված հոսանքի ուժը: Բայց մինչ այդ եկեք վերհիշենք որոշ հասկացություններ:

1. Ո՞ր հոսանքն են անվանում հաստատուն:
2. Ի՞նչ է հաստատուն հոսանքի ուժը:
3. Ինչի՞ է հավասար հատատուն հոսանքի ուժը և գրել բանաձևը:
4. Ո՞րն է հոսանքի ուժի չափման միավորը:
5. Ի՞նչ գործիքով են չափում հոսանքի ուժը, և այն ինչպե՞ս են միացնում շղթային:
6. Ո՞ր հոսանքն են անվանում հաստատուն:
7. Ի՞նչ է հաստատուն հոսանքի ուժը:
8. Ինչի՞ է հավասար հատատուն հոսանքի ուժը և գրել բանաձևը:
9. Ո՞րն է հոսանքի ուժի չափման միավորը:
10. Ի՞նչ գործիքով են չափում հոսանքի ուժը, և այն ինչպե՞ս են միացնում շղթային:

Իմաստի ընկալում – Աշակերտների օգնությամբ կազմել հետևյալ շղթան

Փոփոխել լարումը, և գրանցել լարման և հոսանքի ուժի արժեքները հետյալ աղյուսակի մեջ

Այնուհետև փոխել փաթույթը և նորից տվյալները գրանցել աղյուսակի մեջ:

Աղյուսակից աշակերտները կգան այն եզրակացության, որ քանի անգամ մեծացավ լարումը, այնքան անգամ մեծացավ հոսանքի ուժը, այսինքն նրանց հարաբերությունը նույնն է: Ընդ որում առաջին հաղորդչի դեպքում այդ հարաբերությունը այլ թիվ է, երկրորդ հաղորդչի դեպքում՝ այլ: Դա նշանակում է , որ այդ հարաբերությունը բնութագրում է տվյալ հաղորդիչը և կոչվում է այդ հաղորդչի դիմադրություն: Որից հետո գրել բանաձևը, խոսել չափման միավորի և նրա ֆիզիկական իմաստի մասին:

Ինչպես տեսանք հոսանքի ուժը ուղիղ համեմատակն է լարմանը՝

IU

Որպեսզի անցնենք հավասարության ներմուծում ենք համեմատականության գործակից՝ k

I=kU

k-կոչվում է հաղորդականություն:

Իսկ հաղորդականության հակադարձ մեծությունը կոչվում է դիմադրություն՝ R: Այսինքն

Կստանանք՝

Այսինքն՝

Շղթայի տեղամասում հոսանքի ուժն ուղիղ համեմատական է տեղամասի ծայրերին կիրառված լարմանը և հակադսարձ համեմատական այդ տեղամասի դիմադրությանը:

Այս պնդումն անվանում են Օհմի օրենք:

Աշակերտների միջոցով կառուցել նաև հաղորդչում հոսանքի ուժի կախումը լարումից արտահայտող գրաֆիկը:

Կշռադատում – « Ո՞րն է ավելորդը» աշխատանքի և թեստային առաջադրանքների միջոցով ամփոփել դասը:

Գնահատել.

Տնային հանձնարարություն- Սովորել § 12-ը: