Арулар-асыл жандар

Сабақтың тақырыбы: Арулар асыл-жандар Мақсаты: Қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт-дәстүріне байланысты әдептілікке, инабаттылыққа, ізеттілікке тәрбиелеу. Көрнекілігі: „Қыз-елдің көркі" (ұлттық киімді қыздардың суреттері), „Өнер таусылмас азық"(қолөнер түрлерінің фотосуреттері), мақал-мәтелдер, қанатты сөздер. Барысы: Сайысымыз 6 турдан тұрады. 1. Өзін - өзі таныстыру. 2. Өнер 3. Сұрақ - жауап 4. Ас мәзірін даярлау 5. Шығармашылық қолөнер сайысы 6. ДефилеСабақтың тақырыбы: Арулар асыл-жандар Мақсаты: Қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт-дәстүріне байланысты әдептілікке, инабаттылыққа, ізеттілікке тәрбиелеу. Көрнекілігі: „Қыз-елдің көркі" (ұлттық киімді қыздардың суреттері), „Өнер таусылмас азық"(қолөнер түрлерінің фотосуреттері), мақал-мәтелдер, қанатты сөздер. Барысы: Сайысымыз 6 турдан тұрады. 1. Өзін - өзі таныстыру. 2. Өнер 3. Сұрақ - жауап 4. Ас мәзірін даярлау 5. Шығармашылық қолөнер сайысы 6. Дефиле 1-жүргізуші. Қайырлы күн, құрметті көрермендер! 2-жүргізуші. Бүгінгі „Көктем аруы" атты қыз сыны сайысына қош келдіңіздер! 1-жүргізуші: Қайырлы күн, құрметті ұстаздар, оқушылар. Бүгінгі қыз сыны сайысына қош келдіңіздер! Мен қазақ қыздарына қайран қалам, Жанары жаны жаздай жайраңдаған «Қыз өссе елдің көркі» деген сөзді, Қапысыз қалай айтқан қайран бабам. 2-жүргізуші. Уа, халайық, халайық, Мұнда назар салайық. Бұрымды қыз сайысын. Рұқсат болса бастайық 1-жүргізуші. Шалқытып мерекеде ән салайық, Өнерпаз өрендерге тамсанайық. Әділдік пен шындықты арқа тұтқан Әділқазы алқасымен танысайық 2 - жүргізуші: Мың бұралған арулар аңдап басып, Келеді міне ортаға толқып, тасып, Аруларын сыйлаған халқым менің, Көңілді қошеметпен қарсы алайық. Жанеля біздің білімді, Меңгерген бар ілімді. Аружан қыз өнерлі Төгеді бар өнерді Төртінші Әсем шығады, Бұрымдары желбіреп, Ардақ біздің тұр жарап Өн бойында бар талап. Аружан қыз мақпалдай Ағарып таң атқандай Жүзі таңдай шырайлы, Алтын айдай Арайлым. Тік мінезді Жанель бар Айтқан бетінен қайтпайтын 2-жүргізуші. 1. Сайыс «Өзін-өзі таныстыру» 2. Жүргізуші Өнер қуып арулар өтер деймін, Бір басына өнері жетер деймін Бәсекеге түскен біздің аруларымыз Таныстырып өздерін өтер деймін Таныстырсын өздерін, Тамылжытып сөздерін – кезекті, аруларға берсем деймін. 1. Жүргізуші 2. Сайыс «Өнер» Ал, кімнің өнері бар қаншалықты, Би билеп, ал біреуі ән салыпты. Бүгінгі қыз сынында бәйге алуға, Арулар аянбай-ақ жан салыпты - дей келе келесі кезекті аруларымыздың өнеріне береміз. 2. Жүргізуші 3. Сайыс. «Сұрақ-жауап» Жасауды жеті жастан жинасаң жетеді, Алты жастан жинасаң асады. Жақсы қыз - жағадағы құндыз, Жақсы жігіт – аспандағы жұлдыз. Қыз өссе елдің көркі Гүл өссе жердің көркі. Қызды асырап білмеген күң етер, Жібекті түте алмаған жүн етер. Шешесіне қарап қызын ал, Аяғына қарап асын іш. Екі ауылдың арасын жол қосады, Екі елдің арасын қыз қосады. Жекжат кім, жұрағат кім, жамағат кім Көңіліне тоқып бәрін журме екен Туысты қалай атау керектігін Кәнеки, біздің қыздар біле ме екен? Демекші келесі сайысымыз инттеллект сайысы 1-жүргізуші 4. Сайыс «Бес аспап» Қонақ келсе-құт Барыңменен күт- деп аталады. Халқымыздың талай ғасырлардан келе жатқан жақсы салты- қонақжайлылық қонақ күту рәсімі талай өлең-жырға негіз болған. Арабтар: «Қонақ тәңірі жіберген сый» десе, қазақтар: Қырықтың бірі- қызыр, мыңның бірі Уәли, «Қонақ келсе-құт, барынменен күт»- дейді. 2-жүргізуші 5. Сайыс «Шығармашылық қол өнер» Сымбатына сай киім жарасатын, Аспандағы айменен таласатын. Өнеріне сәні сай келіп тұрған, Аруларға қызығып қарасын деп, - кезекті шығармашылық қолөнер сайысына береміз. 6. Сайыс «Дефиле» 2. Жүргізуші Сымбатына сән киім жарасатын Аспандағы ай менен таласатын Өнеріне көркі сай Аруларға қызығып қарасасың Ендігі кезекте «Адам көркі шүберек» демекші сән үлгілерін қыздарымыз көрсетеді 1. Жүргізуші: Кімдер жүйрік,өнерпаз білейікші, Сыныбымыздың аруы деп жүрейікші Әділқазыларға тек әділдікті, Ал аруларға тек сәттілік тілейікші. Құттықтайық ал енді,ару болған баланы Өрге жүзіп өнері,тауға өрлесін талабы. І - жүргізуші: Қазағымның салт - дәстүрін сақтаған, Осындай бар қыздар үшін мақтанам. Жарасып тұр шашбау таққан бұрымы, Көргенді ғой сені өсірген ақ мамаң. ІІ жүргізуші: Сау болыңдар, көргенше, Қайта айналып келгенше. Жиі келіп тұрыңдар, Қоштасайық ендеше!