"Бағдаршам" /Ұйымдастырылған оқу қызметі\

Мақсаты: Білімділік:Балалардың сандық ұғымдары туралы білімдерін кеңейту,ойлау,есте сақтау қабілеттерін  арттыру. Дамытушылық:Балалардың саусақ моторикасын дамыту,тіл байлығын,ой өрісін дамыту. Тәрбиелік:Балаларды ұқыптылыққа ,тапқырлыққа баулу. Көрнекіліктер:Теледидар,үлестірмелі материалдар,дидактикалық ойындарға арналған құралдар,ұннан  жасалған түрлі­түсті моншақтар,жіп,ақ қағаз,түрлі­түсті қарындаштар,кетіргіш. Әдіс тәсілдері:Көрсету,түсіндіру,ойын ойнату,сұрақ­жауап,мадақтау. Ұйымдастыру кезеңі. Шаттық шеңбері. Қайырлы таң,досым! Қайырлы күн болсын! Бүгінгі күн қуаныш! Сәттілікке толсын! Сәлеметсіздер ме, қонақтар! /Балалар шаттық шеңберін орындайды./ Тәрбиеші: Ал ендеше тыңдалық! Жер жасарып көгерер, Ағаштар әсем бөр бөрер, Наурыз көже ішетін Аталар бата беретін, Айтыңдаршы балалар, Бұл қай кезде болады? Балалар: - Күз мезгілі Тәрбиеші: Алғашқы бағдаршам теміржол бойында пайда болған. Оны ойлап тапқан адамның есімі тарихта сақталмаған. Ал оны көше қозғалысына ыңғайлап, қайта жасаған ағылшынның инженері-механигі Д.Найт болатын. Ол 1868 жылы Лондондағы парламент үйінің алдына бағдаршам орнатты. Аппарат ортасында газды шам орнатылады. Өкінішке орай, газ жарылып , кезекте тұрған полицей қаза болады. Содан бағдаршам жарты ғасыр бойы ұмыт болады. Тек 1914 жылы Американың Кливлену қаласында , сосын Нью-Йорк қалаларында қайтадан пайда болады. Бұл жолы екі түсті (қызыл, жасыл) электрлі бағдаршам қайтадан болды. Ал 1918 жылдан бастап үш түс қолданысқа енді. Кеңес Одағы бойынша көшелерінің қиылысынан орын алды. Балалар, бағдаршам алғашқы кезде қанша түсті болыпты? Балалар: Екі түсті. Тәрбиеші: қандай түсті? Балалар: Қызыл, жасыл түсті. Тәрбиеші: Ал біздің көшелердегі бағдаршамның неше көзі бар? Балалар: Үш көзді жасыл, қызыл, сары. Тәрбиеші: Шетелдердегі бағдаршамға – 131 жыл болыпты , ал біздің бағдаршамға – 75 жылдай болыпты. Балалар: ол кәрі ата сияқты екен. Тәрбиеші: Дұрыс айтасың, «Бағдаршам – жол атасы» деп бүгінгі сабағымызды тегінен тегін атамадық. Сабақты одан әрі белсенділік орталықтарында жалғастырады. Жеке-жеке орталықтарға жұмыс тапсырылады. Өнер орталығы: балалар бағдаршамның суретін салып, түрлі түсті қарандаштармен бояйды. Құрылыс орталығы: қатты қатырма қағаздан бағдаршамның үш түрлі көзін кесіп бағдаршам жасайды. Үстел үсті ойындары орталығы: жолдың макетіне тиісті жол белгілерін тиісті жерлерге қояды. Онда көліктің қолда бар түрлері қойылады. (жедел жәрдем жүк машинасы машина автобус өрт сөндіруші машиналар) 1 топ. Суреттен не көргенін айтып беру. 2 топ. Көлік аттарын атау. 3 топ. Қай көлік (транспорт) қайда асығып барады? Ойын –сабақ. Халық педагогикасының бөлімдері бойынша жұмыс жүргізе отырып, патриоттық сезімдерін, сүйіспеншілігін арттыру, еңбексүйгіштікке, бауырмалдылыққа тәрбиелеу. Тәрбиеші: балалар сендер бәрін білесіңдер данышпансыңдар. Менің жұмбақ жасырғым келіп тұр. Зейін қойып тыңдалық. Ақ пен қара сызығы, Жолақ жолақ сызылған. Адамға жоқ зияны, Аямапты ақ пен қара сияны. Ол қандай жануар, Сафариде жайылған? Балалар: Ол «зебра» деген жануар. Тәрбиеші: Данышпандарым, дұрыс айтасыңдар. Сол зебра жануарының үстіндегі ақ, қара жолақтары сияқты біздің көщелер бойында жаяу адамдар, яғни жолаушылар жүретін «зебра жол» деп аталатын арнайы жолаушыларға арналған жол бар. Қараңдаршы ұқсайды ма екен? Салыстыру жұмысы. (көшедегі жолақ сызығы бар суретті және зебра жануарының суреті) Бой сергіту жаттығуы: (магнитофоннан баяу әуезді әуеннің дауысы естіледі) Күне жасап жаттығу, Қан жүгіртіп алалық. Керек мұны қатты ұғу, Жасап биік саналық. Үшінші кезеңінде баяу әуенмен балаларды қатар-қатарға тұрғызып, желілі-рольді орталығындағы балалар сахналық көрініс қояды. Сюжеті: 3 бала- жеңіл машинасы. 1 бала – бағдаршам. 2 бала – автобус көлігі. 3-4 бала жолаушылар болады. Балалар белгіленген орындарға барып тұрады. Көше қиылысы машиналар зуылдап өтіп жатыр, жолаушылар бағдаршамға қарап тосып тұр. Дәл осы кезде жедел жәрдем машинасының сиренасы естіледі. Тәрбиеші: балалар, мынау қай көліктің дауысы? Балалар: Жедел-жәрдем. Тәрбиеші: Ойпыр-ай, енді қай көлікті бірінші жібереміз? Балалар: Жедел жәрдем машинасын жібереміз. Тәрбиеші: неге? Балалар: Жедел-жәрдем машинасында ауырып жатқан кісі бар. Тәрбиеші: Дұрыс айтасыңдар, балалар, Жедел-жәрдем машинасын бірінші жіберу керек. Себебі, олар адам өмірін құтқаруға асығып барады. Сахналық көіріністі өз желісімен жинақтап, аяқтау. Тәрбиеші мұқият тыңдағаннан кейін сұрақтар қою арқылы келесі жолы неге көңіл аудару қажеттегін айтады, ұсыныстар жасайды. Балалардың жасаған еңбектерін бағалап, сәтті шыққан жұмыстарға назар аударып, мадақтайды. Сөзі анық, мәнін мазсұнды айтқан, сабаққа белсенді қатысқан балаларды мақтау. Сабақтың 4 кезеңі бағдаршамға арналған өлеңді мәнерлеп оқып, мазмұнын талдау. Бағдаршам. Жасыл жанды. Өте бер. Бағың жанды. Ал егер сары жанса, Кідір тұр, жолды байқа! Қызыл жанды қып-қызыл от сияқты Қолыңды күйдірете шоқ сияқты Бағдаршамды әрқашан есте сақта! Қызыл түс жанғанда аялда, тоқта! Қызыл-байқа, машина жоқ па?! Сары-қозғалма, асықпа, тоқта! Жасыл –жол сенікі осыны есте сақта! Тәрбиеші: бағдаршамның үш түсті көзінің атқаратын қызметін 2-3 балаға қайталап айтқызады. Тәрбиеші: Жұмбақ. Менің үш көзім бар, Бір көзім кідір,- дейді, Бір көзім жүгір, -дейді, Бір көзім абайла, -дейді, Қарап ал, маңайға, -дейді. Балалар: -Бағдаршам. Тәрбиеші: Бағдаршам. Қызыл көзін ашқанда, Сынық сүйем баспа алға! Сары көзін ашқанда Қарап қалма аспанға Жасыл көзін ашғанда Өте бергін жасқанба! Көзін ашып жұмады Бағыт сілтіп тұрады. Расында бұл не балалар? Балалар: Хормен: бағдаршам ғой! Тәрбиеші: Жол белгілерімен таныстыру. Көше қиылысында тұратын бағдаршамның қызметі, көшеден қай белгінің қасынан өтеміз (жер асты жолы, жер үсті жолының белгісі), аурухана белгісі, жолаушылар жүретін қандай жол екенін айту, зебра жолақ жол сызығы т.б. жол белгілерімен таныстыру. -балалар мына суретке мұқият қарайықшы, не байқадыңдар? Балалар: -Бала жолан дұрыс өтпеді. -Оны машина қағып кетеді. -Бағдаршамнан өту керек. -бәрекелді, дұрыс айтасыңдар, бала жолдан дұрыс өтпеді. Тәрбиеші: Бағдаршамнан өтуі тиіс, сонда өз тағдырын сақтап қалады. Ал сендер осылай жолдан өтесіңдер? Балалар: -Жоқ, апай өтпейміз. Тәрбиеші: ­Балалар біз бүгін қандай пішіндермен жұмыс атқардық? ­Шаршы,үшбұрыш,дөңгелек. ­Балалар бағдаршамда неше көз бар? ­Үш. ­Бүгінгі оқу қызыметіміз сіздерге ұнады ма? ­Ия,ұнады. ­Балалар бүгінгі ұйымдастырылған оқу қызыметіміз осымен аяқталды.Қане бәріміз ортаға шығып қоштасу  шеңберін жасайық. Қоштасу шеңбері. Қол ұстасып тұрайық Шеңберді біз құрайық. Көріскенше күн жақсы, Сау­саламат болайық! Бүгінгі ұйымдастырылған оқу қызметіне балалар өте жақсы қатыстыңдар.Рахмет сендерге.                     Ақтау қаласы әкімдігінің білім бөлімінің «№35 « Балдырған» бөбекжайы» мемлекеттік коммуналдық қазыналық кәсіпорны                                                                                   №35 «Балдырған» бөбекжай директоры                                                                                   _________________М.М.Кабдрахманова                                                                                   «      » қазан  2017 жыл «Бекітемін» «Бағдаршам» «Шеберлік – сынып» апталығына арналған тәлімгерлік        ұйымдастырылған оқу қызметі                                                                                        Дайындаған: тәлімгер: Жамантауова Б.Г                                                    Өткізген: тәлімгер: Жамантауова Б.Г Ақтау қаласы 2017­2018 оқу жылы