«Бэлэм бирүнен федераль даулат стандарты буенча предметлы усеш тиралегенда эшчанлек оештыру»

Бала үзенең тирә – юндәге мөхит һәм олы кешеләрнең юнәлдергеч роле йогантысы белән ул тирә – юньдәге дөньяны танып белә. «Аны танып белү барлык сизү органнары ярдәмендә башлана» - ди күренекле педагогыбыз А.С. Макаренко. Ләкин, сизү органнарының үсүе, фикерләве үсү белән бик нык бәйләнгән була. Бала әкеренләп билгеле бер тәҗрибә ала. Бала үсешенең бу җаваплы чорында өлкәннәр тарафыннан гадәттән тыш җитди игътибар һәм оста җитәкчелек таләп ителә. Мәктәпкәчә яшьтәге балаларны үсеш бирүче тирәлек белән таныштыру гаять катлаулы һәм күп яклы. Башка бурычлар белән беррәттән, бу тәрбия өлкәсенә дә зур игътибар бирелә. Укучылар киләчәктә белемнәрен яхшы үзләштерсен өчен аларның мәктәпкәчә яшьтә үк белемнәрне үзләштерергә әзер булуы кирәк, ягъни акыл эшчәнлеген – (күзәтә белү, чагыштыру, анализлый, логик фикерләү ) сәлатен үстерергә кирәк.Баланың акыл үсеше 3 – 4 яшьтә нык формалаша. Балалар төсләрне, фигураларның формаларын аерырга өйрәнәләр. 4 – 5 яшьтә әйбернең төрлелеге белән таныша. Зур һәм кечкенә дигән төшенчәләрдән соң биеклек, озынлык, киңлекләрне аерырга өйрәнәләр. Белем бирүнең федераль дәүләт белем стандартында балаларның аң үсеше өчен булган шартларда бүлмәләрне мөмкин кадәр рациональ итеп файдалану өчен, куллану әйберләрен урнаштыруның да әһәмияте күрсәтелгән. Анда шулай ук тәрбияченең балаларга дөньяны танып белү буенча мөһим арадашчы булуы да әйтелгән. Ә баланың ныклы үсеше өчен аны кирәк материаллар, җиһазлар әйләндереп алырга тиеш, һәм монда үсеш бирүче тирәлекнең әһәмияте бик зур.Шулай итеп без балаларның уен эшчәнлекләрен оештыру өчен, аларга киң шартлар тудырдык – тирәлек булдырдык. Булган максималь мөмкинлекне файдаланырлык итеп уен үзәкләре, почмаклары оештырдык. Бу инде балаларга эшчәнлек төрен сайларга ирек бирә. Шул ук вакытта бала үз алдына күп бурычлар да куя һәм аны хәл итәргә дә өйрәнә. Бала мөстәкыйль рәвештә әкеренләп үзе ачышлар ясый. Шулай итеп, бала алга таба бөтен акыл, ихтияр көчен эшкә җигә, эшен булдыра алган саен бик зур шатлыклар кичерә.Үсеш бирүче тирәлек балаларны тәрбияләүдә практик юлны күрсәтә. Бала шәхесен тәрбияләүдә иҗади активлыкны арттыра.Педогог балаларга юл куя, шул ук вакытта аларны эшкә этәрә, юнәлеш бирә, бердәм эш башкарыла. Монда бала белән тәрбияче арасында бары бердәм эш – логикага нигезләнгән.Үсеш бирүче тирәлек тәрбиячеләргә һәм балаларга әйләнә – тирәлекнең күпкырлылыгын, каршылыгын, үсеш закончалыгын танырга булыша.Әйләнә тирәлектән танып –белү методы буларак кешегә үзенең көч – куәт дәрәҗәсен, мөмкинлекләрен аңларга ярдәм итә.Педагогка иҗат кешесе булырга мөмкинлек тудыра. Педагог үзеннән үзе, үзлегеннән белем алырга мәҗбүр була.