Дені сау ұрпақ елдің болашағы

Сабақтың тақырыбы:  «Дені сау ұрпақ-елдің болашағы»
Сабақтың мақсаты: Оқушыларға салауатты  өмір салтын  насихаттап, өз денсаулығын күте білуге, зиянды  әдеттерден аулақ болуға баулу, еліміздің болашағы жастардың қолында екенін  айта  отырып  болашаққа деген көзқарасын қалыптастыру.
Сабақтың көрнекілігі: Денсаулық туралы нақыл сөздер жазылған плакаттар, мақал – мәтелдер, жағдаяттық сұрақтар.
Барысы:
 Армысыздар, аман – есен бармысыздар!
 Құрметті тәрбиешілер мен тәрбиеленушілер!
Бүгінгі біздің «Дені сау ұрпақ-елдің болашағы» тақырыбында өткізіліп отырған ашық тәрие сағатына қош келдіңіздер.
 Денсаулық - өмір жалғасының сәулесі. Өз денсаулығыңа қамқор болсаң, жаныңа үнемі сәттілік серік  болады. Әр адам өз денсаулығын сақтауы шарт.
Уа, халқым, назар аудар денсаулыққа,
Өмірде бақыттысың денің сауда.
«Денсаулық-терең бақыт» деген сөзді,
Құры айтпаған ұлы Абай данамызда.
Денің сауда күштісің бұл әлемде,
Денің сауда сұлусың бұл әлемде.
Сол мықты денсаулықтың арқасында,
Жетерсің әлі талай бақыттарға.
Денсаулықты сақтап түзу өсесің,
Күнәдан пәк жәннат өмір кешесің.
Көрген күнің қараңғы ғой дерт шалса,
Харамменен тәңірді улап не етерсің?
Жаман әдет көп шектірер қасірет,
Сақта өзіңді, жақсылыққа жетерсің.

І. Ұйымдастыру кезеңі.

-  Балалар, көңіл – күйіміз қалай? Тәрбие сағатымызды бастамас бұрын барлығымыз  шаттық шеңберін құрайық.

- Балалар күн анамыз бізге күн нұрын шашып тұр қане, бәріміз күн сәулесінен қуат алып, бір – бірімізге жылы лебіздерімізді білдірейік. Бүгінгі тәрбие сағатымыз сәтті өту үшін жақсы тілектер айтайық.

         Аспанымыз ашық болсын!

         Ата – анамыз аман болсын!

         Бақытты болайық!

- Біз неге шеңберге тұрып, тәрбие сағатын бастадық?

 Шеңбер – бұл әлемдегі мейірімділік. . Шеңбер арқылы –бір бірімізге күлімдеп қарап, бақыт, қуаныш, жылылық тілейміз.

Назира:Салауатты сөзінің негізгі мағынасы – парасатты,байыпты,ақылды,ойлы,білімді зергерлі және сабырлы деген ұғымды білдіреді.

Роза: Өмір салты дегеніміз - әрбір жеке адамнан  бастап,бүкіл қоғамның қалай еңбек етіп,қалай тұрмыс құрып, бос уақытында демалатыны,қысқасы олардың қалыптасқан өмір тіршілігі. Яғни , адамның өмір салты қандай болса, өзі де сондай.

Мадина. Ас – адамның арқауы дейді халқымыз. Сол айтқандай-ақ,денсаулықты сақтау дұрыс тамақтанудан басталады.

Мөлдір:Дүние жүзінде тым тез тарап бара жатқан әдеттің бірі нашақорлық.Бұл тажал адамның денсаулығын бірден жояды және оған жас организм бірден үйренеді.

Жансая: Салауатты өмір сүру дегеніміз не? Ол - әлеуметтік тұрмысты жақсарту,бос уақытты тиімді пайдалану,денсаулықты сақтау және нығайту,сапалы тамақтану, зиянды әрекеттерден аулақ болу.

Азат: Зиянды әрекет дегеніміз – қазіргі таңда етек алған,заманымыздың кес дерттері – шылым шегу, нашақорлық,маскүнемдік,жаман әдеттердің ішінде жасөспірімдер арасында көп тарлғаны шылымқорлық – оның зардабы: бронхит,өкпе қатерлі ісігі  ауруларына әкеп соқтырады. Темекі түтінін де 300-ден астам әртүрлі химиялық заттар,олардың ішінде никотин иіс газы сияқты жүйкеге тиетін,өте қатерлі у бар.

Аделина:

Денсаулық ол-шыныққан

Барлық денең мүшесі.

Денсаулық ол-тыныққан

Жүйке тамыр жүйесі.

Аружан:

Денсаулық ол-күлуің

Көңіл-күйің жадырай.

Денсаулық ол-жүруің,

Ешбір жерің ауырмай.

Мерей:

Құрылысың бұл сыртқы

Көрінбейді  жүрегің,

Өкпе,миың,бүйрегің-

Құрылысың бұл ішкі.

Дариға:

Қара айнаға,көресің

Өзіңді-адам денесің.

Қол-аяғың,басың бар,

Бұған кеуде қосылар.

Дарина:

Сымбат-мүсін дененің

Бітім-көркі дененің.

Сымбат-жүру әдемі,

Дене қалпын тік ұстап:

Көтеріп сәл кеудені,

Иық жазып дұрыстап.

Түзу отыр,қисаймай,

Бүкіреймей,жантаймай.

Күш сап бас пен арқаға,

Жатып алма партаға.

1-бөлім:Мақал-мәтелдер сайысы.

2-бөлім:Денсаулық  көрінісі.

3-бөлім:Тіл өнері.(Жұмбақты шешіп,орыс,ағылшын тілдеріне аудару).

1.Оны күткен адамдар,

Ұзақ өмір сүреді.

Қадірін білген жарандар,

Бақыт осы деседі? (денсаулық,здоровье,health).

2.Жанды матор сынбайды,

Күні-түні тынбайды.

Кейде оның жүрісін,

Дәрігерлер тыңдайды.(жүрек,сердца,heart).

3.Екі көрші қатар тұрса да,

Бірін-бірі көрмейді.(көз,глаза,еуes).

4.Отыз екі мықты,

Қаз-қатар болып шықты,

Он алтысы асты,

Он алтысы үсті.(тіс,зуб,tooth).

5.Жас кезінде қара орман,

Жыл өткен сайын ағарған.(шаш,волосы,hair).

6.Екі қайың,

Бой-бастары тең өскен.

Іске дайын,

Бұтақтары бес-бестен.(қол,рука,access).

7.Ұрмай-соқпай жылатады,

Әркім бірақ ұнатады.(жуа,лук,leaf).

8.Әр желінің асты толған көк қоян,

Жаз болғанда көк қоянды жеп қоям.(қияр,огурец,cucumber).

4-бөлім:Мақал-мәтелдерді жалғастыру.

1.Дені сау адам,

   Дәулетті адам.

2.Адамның басты байлығы-денсаулық.

3.Жарлының байлығы,

  Дәнінің саулығы.

4.Аурудың жақсысы жоқ,

   Дәрінің тәттісі жоқ.

5.Тазалық –саулық негізі,

   Саулық-байлық негізі.

6.Демі бардың, емі бар.

7.Дерт көп, денсаулық біреу.

8.Ауырып ем іздегенше,

   Ауырмайтын жол ізде.

9.Жалқаулық-жаман ауру.

10.Тәні саудың-жаны сау.

11.Денсаулықтың  шарты-тазалық.

5-бөлім.Жаңылтпаштар.

Қорытынды.