Глоссарий на казахском языке по Жылутех.жабдык

-А-

Араласушы (контактты) жылу алмастырғыш – жылу және масса алмасу жылу тасымалдағыштың араласуында және байланысында жүзеге асатын аппарат.

-Б-

Батырылған жылу алмастырғыш – сұйық жылу тасымалдағыш ыдысына орналастырылған иірімдерден тұратын аппарат.

Буландыру  - қайнау кезінде булану арқылы еріткішті шығаруға арналған ерітіндінің концентрациялану процесі.

Барботаж – сұйықтықта газ ағыны көпіршік және ағынша түрінде таралатын газ қозғалысы.

-Ж-

Жылу алмастыру аппараттары (жылу алмастырғыш) – қыздырылатын және қыздырылушы жұмыс орталары арасында жылумен алмасуға арналған құрылғы.

Жылулық жүктеме – ыстық жылу тасымалдағыштан суыққа берілетін жылу мөлшері.

-Қ-

Қапты түтікті жылу алмастырғыш – құбырлы торлардың көмегімен бекітілген және патрубоктары бар қақпақтармен және қаптармен шектелген құбырлар шоғырынан тұратын аппарат түрі.

Қабырғалы жылу алмастырғыш – жылу тасымалдағыштың жылу беру коэффициенті екіншісіне қарағанда төмен болатын аппарат түрі.

Қопсыту жылу алмастырғышы – сыртынан сұйық жылу тасымалдағышпен (әдетте сумен) қопсытылып, шайылатын иірімдерден тұратын аппарат түрі.

Қайнатқыш (кипятильник) -  (қыздырушы камера), ерітінді буланатын жылу алмасу беті.

-П-

Пластиналық жылу алмастырғыш – жылу алмасудың тегіс беті болатын аппарат.

Психрометр – құрғақ және сулы термометрдің көрсеткішіне қарап, ауауның қатысты ылғалдылығын анықтайтын, адиабаталық булануға негізделіп жасалған аспап.

-Р-

Рекуперативті жылу алмастырғыштар – екіге бөлінген қабырға арқылы жылу тасымалдағыштар арасында жылу алмасу болатын аппарат.

Регенеративті жылу алмастырғыштар – екі немесе бірнеше жылу тасымалдағыштар бір қыздыру бетімен кезектесіп, жанасатын аппарат.

-С-

Секциялық жылу алмастырғыштар – бірнеше тізбектей қосылған секциялардан тұратын, әрбір секциясы аз құбырлардан және аздаған диаметрлі қаптан тұратын қапты түтікті жылу алмастырғыштың бір бөлігі.

Спиралды жылу алмастырғыштар – тура бұрышты қималы екі спираль арнадан тұратын аппарат.

Сепаратор – екіншілік бу ерітіндіден бөлінетін бу кеңістігі.

-Т-

Температуралық депрессия – ерітінді мен таза еріткіштің қайнау температурасы арасындағы айырмашылық.

-Ұ-

Ұшпайтын заттар – будың қысымы кіші болатын, жоғары қайнайтын сұйықтық (глицерин, күкірт қышқылы және т.б.) және көптеген қатты заттар.