Конспект урока на тему: «Предметияб цlаралъул гlадатал падежал»

Тема: «Предметияб цlаралъул гlадатал падежал»

Мурад:

1.     Ункъабго гlадатаб падежалъе баян кьезе, суалазда рекъон гьел ратlа рахъизе, рагlаби хисизаризе лъазе

2.     Кlвар кьун гlенеккизе, ургъун хlисаб-суал гьабизе ругьун гьаризе

3.     Тlаде босараб жо тlубазабизе бажари, аскlор ругезе кумек гьаби куцазе

Планалде босараб хlасил: (УУД)

Напсалъул ишал: Цlалуде лъикlал мотивал рижизари; цогидазухъ гlенеккизе ругьунлъи

Низамалъул ишал: мурадалде щвей; жиндирго ишалда хадуб хал кквей; къимат кьезе, гъалатlал ритlизаризе лъай; бичlчlичlого хутlаралъул хlисаб гьаби.

Лъай босиялъул ишал: логикияб рахъ цебетlей, щвараб лъаялъул хlисаб гьаби, хlасилал данде роси

Коммуникативиял ишал: мисалалги рачун, диалогалде лъугьине лъай. Жиндирго пикру загьир гьаби ва гьеб кагътиде боси, коллективалъ гьарулел ишазда гlахьаллъи.

Дарсил къагlида: цlияб лъай кьеялъул дарс

Алатал: карточкаби, проектор, компьютер

Дарсил ин:

     I.            Авалияб гlуцlи. Тарбия кьеялъул лахlзат.

Ассалам гlалайкум, хириял лъимал,

Мацl лъазе хlадурал, дир цlалдохъаби!

Къваригlараб къайи тlаде бахъанищ?

Бугищ партаялда? Хал гьабе хехго.

Хlадурлъе дарсиде, гьиме цоцазе

Гlодор чlа берцинго, ритlун мугъалгун.

Учителас къокъго бицина.

    Жакъасеб дарс дица байбихьулеб буго цо цебегосеб гlакъилаб биценалдалъун: «Гьеб лъугьа-бахъин ккана некlо заманаялъ. Цо шагьаралда гlумру гьавун вукlана гlакъилав чи. Гьесул гlакъиллъиялъул сверухълъиялдаго цlар ун букlана. Гьесда гъорлъ цlакъ жахlда бугев чиги вукlана гьеб шагьаралда. Квешав чиясда ракlалде ккана гlакъилчиясда жаваб кьезе лъалареб цо суал ургъизе. Тlогьол байданалдеги ун, ккуна гьениса кlалкlучl ва ракlалде ккана: «Дица гьев гlакъилчиясда гьикъизе буго: бице, гlакъилчи, кинаб кlалкlучl дица хъатикь ккун бугеб - хварабищ яги чlагоябищ? Гьес абуни чlагояб бугилан, дица хъатикьги къан, гьеб хвезабила, хвараб бугилан абуни – хъатги рагьун, биччан тела. Гьебмехалъ бичlчlила киназдаго щив кинав цlодорав вугевали» Нахъисеб къоялъ, хъатикь кlалкlучlги ккун, вилълъанила квешав чи  гlакълу камиласухъе. Кlалтlасанго гьикъанила гьас: «Ле, цlодорав чи, кинаб кlалкlучl дица хъатикь ккун бугеб, - хварабищ яги чlагоябищ? Хlакъикъаталдаги цlодорав чияс циндаго жаваб кьунила: «Кинабго дуда бараб буго - дур кверзукь буго!»  Учителас бичlчlизабила гlумруялда жаниб кинабго гlадамасда бараб букlин - лъикlабги квешабги.

   Жакъа, лъимал, кинабго бараб буго нужеда, нужер хlаракатчилъиялда. Жакъа лъикlаб лъай нужее щвеялъул мурадги буго дир. Хъвай дарсил къо-моцl, классалда хlалтlи.

II.             Темаялде рачин, мурад  ва масъала рагьи.  Цlияб тема бичlчlизаби. Гlенекке «грамматикияб бицанкlоялъухъ», бате жаваб.

Ингилис мацlалда гьеб буго кlиго

Анлъго лъазабула гlурус мацlалда

Магlарул мацlалда анцlила анлъго

Гьезда гьоркьоб ункъо гlадатаб буго.

 - Щибдай гьеб ккола, лъимал?

-       Падежал.

-       Битlун буго.

-       Жакъа нилъеца сундул бицине бугеб?

-       Падежазул х1акъалъулъ.

- Жакъасеб темаги ккола «Предметияб цlаралъул гlадатал падежал».

Слайд №1

- Суратазда бихьизабураб хъвай рагlабаздалъун, тlоцебесеб хlарпалда гъоркьан хlучч цlай. Гьел хlарпаздалъун байбихьулел падежазул цlарал рехсезе хlал бихье. Слайд №2.

Слайд №3

- Апельсин, ананас, хоно, кьо.

- Аслияб падеж

   Актив падеж

   Хаслъул падеж

   Кьовул падеж

-       Кинал суалал гьезие рачlунел?

-       Дарсил мурад кинаб букlинеб? Щиб нужеда лъазе кколеб жакъа дарсида?

-       Дарсида лъазе ккола рагlабазе суалал лъезе, суалазда рекъон, рагlабиги хисизарун, предложениязда жанир рекъон лъезе. Слайд №4

Слайд №5. Слайдалда падежазде хисизарун хъварал рагlаби цlализе тlамила, ахиразде кlвар кьела, жинсиял гlаламатал рихьизарила.

III.            Тlехьалдасан хlалтlи. Лъаялъул кlвар буголъи бичlчlизаби.

Рамкаялъуб хъвараб теорияб баян цlализе тlамила. Дарс баян гьабила.

Доскаялде рахъинарун, рагlаби падежазде хисизаризе тlамила, ахир бихьизабила. Хутlараз тетрадазда хъвала. Масала: бакъ, хlинчl, дун, рии…

Карточкабигун кlи-кlиял цадахъ хlалтlи, масала: вац, къо, гьав, гьобол

              1  карточка                                                      2 карточка

3.Хlинчl боржунеб буго. Хlинчl… гьаваялда свери бахъана. Хlинчl… берцинаб хlули буго. Хlинчl… бакънал рачине бокьула.

4. Босана (щиб?) – Къимат      

Къотlана (сунца?) – …

- Цоцахъе кьун хал гьабе битlун бугищали. Дица битlараб жаваб цlалила, нужеца + ва – лъе.

Ункъо + бугони, лъела 5 къимат

3 + бугони, лъела «4»

 2 + бугони, лъела «3»

1 + бугони, лъела «2»

Физминутка

-         Хlалтlи 35 гь. 19 (ролаздалъун цlали)

-         Падежазде хисараб ункъо предметияб цlар бате.

IV.            Хlасил гьаби. Рефлексия.

-         Бокьанищ нужее дарс?

-         Цойги кинаб хlалтlи дарсида гьабизе бокьилеб?

-         Суал бугев чи вугищ? Бичlчlичlеб жо кканищ?

Слайд №6

Дие бищунго бокьана (щиб?)…

Дие зах1малъана….

Дица диего лъола къимат…

-         Щай дуца гьеб къимат лъураб?

Лъикl хlалтlаразе рецц-бакъ гьабила.

Рокъобе тlадкъай

Хlалтlи 37 гь. 21. Чlегlерхъварал рагlабазда тlад падеж бихьизабе.

Скачано с www.znanio.ru