Контрольно-измерительные материалы по коми литературе. 9 класс

 

Контрольно-измерительные материалы для проведения промежуточной аттестации

по учебному предмету коми литература

9 класс

1.Цель проведения работы. Время выполнения работы.

 Цель работы: определение уровня сформированности базовых предметных знаний, умений и навыков учащихся по  коми литературе  за учебный год.

Время выполнения работы – 40 минут.

 

2. Инструкция для учащихся.

9-öд классын коми литература  уджыс артмöма 2 юкöнысь.  Медводдза юкöнын 1, 4, 5, 6 –öд уджъясын сетöма вочакывсö, сöмын колö бöрйыны правильнöйсö да гижны лыдпасöн либö шыпасöн, мöд да коймöдын вочакывсö колö сетны аслыныд.

Мöд юкöн (7-öд тшöктöм) колö гижны асшöра видзöдласъяс подулалöм пыр (гижöдлöн ыдждаыс-60-70 кыв)

 

3. Текст контрольной работы.

1 Вариант

1.      Йитöй гижысьяссö да произведениеяс.

 

1. Куратов И.А. 2. Жаков К.Ф. 3. Торопов И.Г. 4. Чисталёв В.Т. 5. Сажин И.И. 6. Савин В.А. 7. Лебедев М.Н. 8. Куратова Н.Н. 9. Размыслов А.П.

а)      «Фома Лёкмортов» б)      «Ой, олöм, олöм!..» в)      «Вöр гормöг» г)      «Гымöбтіс керка шöрын» д)      «Варыш поз» е)      «Шева чуман» ж)    «Медводдза любов» з)      «Вöралысь Максим» и)     «Ок, эськö!»

 

 

2.      Содтöй овъяс дорö ним да вич.

 

1. Размыслов 2. Куратова

3. Колегов 4. Торопов

 

 

3.      Тöдмалöй, кутшöм произведениеясысь сетöм юкöнъяс:

 

а) «Да, кольöмаöсь на кöнсюрö багатыръясыд, но паныдасьлöны пыр шочджыка. Войвылысь ме тöдлі сöмын кыкöс: ипатьдорса Сьöд Яковöс да керöсса Максимöс. Лöня да дыр олöны татшöм мортъясыс. Но вежöны со найöс выль олысьяс, томджыкъяс. Дзоляник тушаа мудеритысь войтыр овмöдöны мусö»

 

б) «А вывті кö нин сьöкыд лоö тэныд овнытö, корсьлы  тэ вöрысь-пармаысь али видз-му вылысь енвевт из. Да и  ю сы вылысь лысвасö. Сэки измас тэнад сьöлöмыд, оз кут кывны шогсö ни печальсö…» 

 

в) «Менам кывъясöй тайö- вир тусьяс;

Менам гижöдъяс-менам синваяс;

Кыпыд сьöлöма оландыръясöй.

Менам ставыс сэн-гижöд-висьтъясас,

Тайö кывъясас-войвыв дзоридзьяс,

Кыла ачымöс сійö шыяссьыс…»

 

г) «Дзирдалан асывлöн чужöмыс нюмъялö,

Вадор йыв нöрысын эзысьöн лöсталö.

Му вывлöн эшкыныс-кын,

Кельыдлöз шöвк рöма гын.

Мунöны туй кузя витöн,

Мунöны вöр туйöд, ягöд.

Зумыда тувччалö кокныс.

Мунöны…мый бара могныс?»

 

 

д) «Ылын-ылын, войвылын

Джуджыд парма сулалö.

Парма пасьта шувгö вöр,

Кöдзыд вой тöв шутьлялö»

 

4.      Йитöй геройясöс да гижысьясöс.

 

1.      Жаков К.Ф. 2.      Сажин И.И. 3.      Колегов Е.В. 4.      Фёдоров Г.А. 5.      Куратова Н.Н. 6.      Лебедев М.Н.

а)      Тун б)      Гурей Öльöш в)      Öпрöсь г)      Марья пöч д)      Палалей е)      Роч Опонь

 

 

5.      Торйöдöй гижысьясöс чукöръяс вылö:

 

1.      Прозаик 2.      Поэт 3.      Драматург

а)      Куратов И.А. б)      Торопов И.Г. в)      Савин В.А. г)      Фёдоров Г.А. д)      Размыслов А.П. е)      Савин В.А. ж)    Куратова Н.Н.

 

 

6.      Кутшöм литературоведческöй терминъяс йылысь висьтавсьö?

1)   Ловзьöдöм

2)   Орччöдöм

3)   Мичкыв

4)   Вуджкыв

5)   Ямб

6)   Хорей

 

а)      Медводдза слог вылö ударениеа кык слога стопа.

б)      Мöд слог вылö ударениеа кык слога стопа.

в)      Образ артмöдысь медшöр приём, кывлöн переноснöй вежöртасöн вöдитчöм

г)      Художествоа гижöдын петкöдланторсö серпаса кывбердöн донъялöм.

д)      Гижöдын öтиторсö мöдторкöд öткодялöмöн донъялöм.

е)      Художествоа гижöд серпасалан сикас, кöнi ловтöмторйыс петкöдчö кыдзи ловъя.

 

 

7. Гижöй, кутшöм литература герой воис сьöлöм выланыд да  мыйла?

2 Вариант

 

1. Йитöй гижысьяссö да произведениеяс.

 

1. Куратова Н.Н. 2. Куратов И.А. 3. Лыткин В.И. 4. Жаков К.Ф. 5. Лебедев М.Н. 6. Сажин И.И. 7. Колегов Е.В. 8. Фёдоров Г.А. 9. Размыслов А.П.

к)      «Сампсон» л)      «Тун» м)     «Вöр гормöг» н)     «Ловъя гира» о)      «Медводдза любов» п)     «Ытва дырйи» р)      «Чай» с)      «Мунöны» т)      «Палалейлöн олöм»

 

2. Содтöй овъяс дорö ним да вич.

 

1. Куратов 2. Сажин

3. Чисталёв 4. Жаков

 

3. Тöдмалöй, кутшöм произведениеясысь сетöм юкöнъяс:

 

а) «Чуманыс эськö абу на омöль, абу на ёна важ. Кодкö ещö бур сюмöдысь вöчöма, дор гöгöртіыс мичаа куснялöма. Сідзсö эьскö и мича, но шева чуманыд да ёна мисьтöм кажитчö. Весиг босьтнысö некод оз лысьт. Öпрöсь, рузумöн чабыртöмöн, карта пос увсьыс кыскис. Аслас юрсиыс шöть моз вöлі сувтöма-сэтшöма коньöрöй повзьöма».

 

б) «Собрание вылö та мында йöз некор на эз чукöрмыв. Талун кежлö вöлі юöртöма, кутасны пö бöрйыны гираяс, да локталісны быдöн. Пöрысь йöз асывсянь быдöн шыльöдчисны-мольöдчисны да енлы муöдз юрбитісны, мед эськö ен милöсьтöн веськаласны-прöста олігмоз-гира туйын овны. Том йöз быдöн вöччöмöн локталісны, а нывбабаяс сьöрсьыныс став челядьсö тшöтш вайöдісны, оз-ö пö кутны посньыд гираяс тшöтш пуктавны»

 

в) «Гриша ёрткöд овлім чужан сиктын,

Кыдзи овлö öтлаын кык вок.

Быттьö öтмоз сьöлöмъясным тіпкис-

Öти нога вöлі гаж и шог.

Öти мог ми челядь кадысь корсьлім,

Öткодь муса –вадор керöс выв.

Öти ворсанторйöн öтвыв ворслім,

Öтвыв сьылім öти сьыланкыв»

 

г) «Дзирдав жö, Коми му, коляоз дзоридзöн,

Сьöлаоз синъясöн, гöрд лежнöг цветъясöн!

Быдмы жö, парма шöр коз,

Кисьмы жö, керöсдор оз!

Öтвылысь став Сöвет йöзкöд

Нимкодясь, кыпыда нюмъяв:

Асывлысь лов шысö кылан-

Пармаын гора сьылан»

 

д) «Оліс-выліс мича Сашук,

Батьлöн-мамлöн öтка ныв.

Печкигтырйи туис-быдмис,

Быд лун сьыліс сьыланкыв.

Öтка нывлöн жöник вöлі:

Павел нима удал зон.

Сійö нинöмысь эз повлы,

Багатыр кодь вöлі ён»

 

4. Йитöй геройясöс да гижысьясöс.

 

1. Лыткин Г.С. 2. Сажин И.И. 3. Лебедев М.Н. 4. Савин В.А. 5. Чисталёв В.Т. 6. Торопов И.Г.

ж)    Фома Лёкмортов з)      Елесь Габö и)     Вежа Степан к)      Иван Ёгор да Сергей Вась л)      Викень м)     Öльöкан

 

 

5. Торйöдöй гижысьясöс чукöръяс вылö:

 

1. Прозаик 2. Поэт 3. Драматург

з)      Куратов И.А. и)     Торопов И.Г. к)      Куратова Н.Н. л)      Савин В.А. м)     Сажин И.И. н)     Савин В.А. о)      Размыслов А.П.

 

 

6. Кутшöм литературоведческöй терминъяс йылысь висьтавсьö?

1 )Ловзьöдöм

2) Орччöдöм

3) Мичкыв

4) Вуджкыв

5) Ямб

6) Хорей

 

ж)    Медводдза слог вылö ударениеа кык слога стопа.

з)      Мöд слог вылö ударениеа кык слога стопа.

и)     Образ артмöдысь медшöр приём, кывлöн переноснöй вежöртасöн вöдитчöм

к)      Художествоа гижöдын петкöдланторсö серпаса кывбердöн донъялöм.

л)      Гижöдын öтиторсö мöдторкöд öткодялöмöн донъялöм.

м)     Художествоа гижöд серпасалан сикас, кöнi ловтöмторйыс петкöдчö кыдзи ловъя.

 

 

7. Гижöй, кутшöм литература герой воис сьöлöм выланыд да  мыйла?

 

4. Кодификаторы проверяемых элементов содержания и требований к уровню подготовки

№ задания	Проверяемые элементы содержания (предметное содержание или блоки из РПУП)	Планируемый результат из РПУП (уметь, знать, назвать, понимать определять и т.д.)	Тип задания (с выбором ответа, краткий ответ, развернутый ответ)	уровень	Оценочный балл
1	Гижысьлöн олöм да творчество. Гижысьлысь олан туйсö тöдмалöм. Художествоа творчествоын гижысь биографиялöн петкöдчöм.	Тöдны худужествоа  литературалысь родсö да жанрсö	Дась вочакыв бöрйöм	базöвöй	1
2	Гижысьлöн олан туй да творчество.	Тöдны гижысьясöс, кужны öткодявны литература гижöдъяс	Гижны дженьыда	базöвöй	2
3	Гижöдлöн тема, авторöн кыпöдöм проблемаяс. Олöм вылö авторлысь видзöдлассö восьтысь герой.	Кужны йитны художествоа гижöдсö олöмкöд да история лоöмторъякöд велöдöм литература гижöдъяслысь сюрöс	Гижны дженьыда	базöвöй	2
4	Геройяс, налöн вочаасьöмъяс, венъяс. Геройяслöн мöрччана характеръяс.	тырвыйö видлавны да гöгöрвоöдны художествоа гижöд, история да литература теорияысь тöдöмлунъяс тöд вылын кутöмöн художествоа гижӧдъяслысь сюрӧссӧ, шӧр геройяссӧ, лоӧмторъяссӧ	Дась вочакыв бöрйöм	базöвöй	2
5	Юрнуöдысь жанръяс. Коми литературалöн сöвман туй. Выль нимъяс, темаяс, образъяс.	Тöдны велöдöм гижöдъяслысь жанрöвöй аслыспöлöслунсö	Дась вочакыв бöрйöм	базöвöй	1
6	литература теория серти медшöр вежöртасъяс	Тöдны кыв искусстволысь серпаслун да мич	Дась вочакыв бöрйöм	базöвöй	1
7	лöсьöдны колана тема вылö тырвыйö лöсялана текст литература кыв нормаяс тöд вылын кутöмöн	Кужны подулавны гижöд да герой кузя асшöра  мöвпъяс,  ас кывйӧн гижны проза гижӧд, восьтны велöдöм гижöдъясысь историялысь да морт олöмлысь петкöдчöмсö	Паськöдöм вочакыв	повышеннöй	7

 

5. Система оценивания отдельных заданий и работы в целом.

 

Медводдза уджысь- 9 балл (1 балл быд правильнöй вочакывйысь), мöдысь- 8 балл (2 баллöн  быд правильнöй вочакывйысь), коймöдысь 10 балл,  нёльöдысь -ставнас 12 балл (2 баллöн  быд правильнöй вочакывйысь), 5 –öд уджысь 7 балл (1 балл быд правильнöй вочакывйысь), 6-öд уджысь 6 балл (1 балл быд правильнöй вочакывйысь), 7 -öд уджысь 7 балл.  Ставыс  59 балл.

Рекомендуемая шкала перевода первичных баллов в школьные отметки

 

«2» -  0-45%

«3»-  46% - 69%

«4» - 70% - 89%

«5» - 90 % и более

 

 

 

6. Ключи к работе (правильные ответы)