Методическая разработка презентации по теме: "Ц1ерметдош"

Хьехарсахьтан ц1е:

Ц1ерметдош.

1алашонаш.
1аморан: дешархойн хаарш зер, 1амийнарг
карладаккхар;
кхиоран: терахьдешан, билгалдешан, ц1ердешан меттана лелашдолу дешнаш довзийтар; предложенехь текстехь цара лелош долу г1уллакх гайтар, царех пайдаэца 1амор;
 кхетам – кхиоран: ненан матте болу безам
к1аргбар.

Дешархойн ойла т1ейерзор.
 
«Хиндолу хьоза бенахь дека!»
Дика к1ант (йо1) хьанах олу?
1. Кицанах болу кхетам бийцаре бар.
 
2. Шолг1ачу предложенехь долчу хаттарна жоп лахар.
 

Ц1ера болх таллар.
Шардар № 95, аг1о.

1алашо йовзийтар.
- Вай тахана 1амо долор ду керла къамелан дакъа
ц1ерметдош.

Мотт шарбар.
 
Цирке бераш даханера.
Царна цигахь х1ун гинера?
Цхьана жухарго, бераш делош,
Цицигана хелхар 1амийнера!

Сада1аран минот.
Шарадаш:
1. П – ахь диллахь, ц1ийнан аг1о хир сох,
Б – ца хийцахь, хьозанан ц1а хир сох.

2. Моллин коьртахь даим
Гур йу шуна со.
Е – нах И а хуьлуш,
Хийцалой цхьа элп,
Цхьанна оьшуш воцу,
Стаг хуьлу сох пайдабоцу.

Нийса дуй талла.
Шарадаш:
Пен – бен.
Пес – пис.

Керла тема хьехар.

Ц1ерметдешнех кхетам балар.
Уьн т1е д1айаздо.
Сан доттаг1 Ахьмад ву. Иза кхоалг1ачу классехь доьшуш ву. Цуьнан итт шо ду. Оццул шераш ду
Мохьмадан. Ахьмадан можа портфель йу. Иштта портфель йу сан.
- Д1айеша предложенеш. Хьалхара предложении хьанах лаьцна йу? Ахьмад иза муьлха дош ду?
(ц1ердош).
- Шолгачу предложенехь хьанах лаьцна дуьйцу? Ц1ердешан меттана муьлха дош йаздина?
- Стенан метана йаздина и дош? (ц1еран метта).
- Иза ц1ерметдош ду.
- Цуьнан маса шо ду?(итт).
- Итт иза муьлха къамелан дакъа ду?
- Кхоалг1ачу предложенехь масса шо ду Мохьмадан?
- Муьлхачу дешан мета йаздина оццул боху дош? (итт).
- Итт иза муьлха къамелан дакъа ду?
- Оццул иза а ду ц1ерметдош?
- Муха портфель йу сан? (можа).
- Можа иза муьлха къамелан дакъа ду?
- Т1аьххьарчу предложенехь цуьнан метана муьлха дош йаздина? (иштта).
- Иза а ду ц1ерметдош.
- Вайна ма гарра ц1ерметдош иза цхьана кхечу дешан меттана йаздеш ду.
- Муьлхачу къамелан дакъойн меттана лела ц1ерметдош?
- Стенах олу ц1ерметдош?
 

Бакъо т1ехь болх бар.
Дешнаш со, хьо, и, иза, тхо, шу, уьш ц1ерметдешнаш ду. Ц1е а ца йоккхуш, йа цуьнан мухалла, масалла билгал а ца йеш, гойту ц1ерметдашо х1ума. Ц1ерметдош къамелан дакъа ду.

1амийнарг т1еч1аг1дар.
1. Кхочушдо шардар № 203.
2. Дешнаш т1ехь болх:
зевзалг – королек;

сих1сардиг – пеночка (бора бос болу жима олхазар);

бора – серовато – коричневый цвет;
йилбазговр – стрекоза.
 

Йозанан болх бар.
Кхочушдо шардар № 201.
Муьлхачу дешнийн метта лела ц1ерметдешнаш?
Оцу дешнийн метта хьоза дош а дуьлуш, йуха
д1айеша текст.
Х1ун хили шун?
Т1ера схьайазйе текст. Ц1ерметдешнашна к1ел сиз хьакха.
 

Берашка шайга болх байтар.
Кхочушдо шардар № 202, аг1о 104.
- Схьалаха ц1ерметдешнаш. К1ел сиз хьакха царна.

1. Комментировать йеш оценкаш х1иттайо.
2. Рефлекси йар:
Суна керла хии…
Суна хазахийти…
Со ца кхийти…

Жам1 дар.
- Стенах олу ц1ерметдош?
- Муьлхачу дешнийн метта лела уьш?

Ц1ахь кхочушдан дезарг.
1амайе бакъо аг1о 104.
Кхочушде шардар № 204.

Хьоме бераш, даггара баркалла хуьлда шуна!
Беркате хуьлда шун хаарш!!!