Нохчийн меттан урокан самоанализ
5-г1а класс
Урокан ц1е: Фразеологизмаш,я дешнийн т1еч1аг1делла цхьаьнакхетарш.
Урокан тайпа:Кхетам кхолларан урок.
Урокан кеп: Тобанашкахь болх, кхолларалин болх.
Урокан г1ирс: 1амат, ручка, тетрадь, презентации, б1ов, карточкаш.
УМК: М.Р. Овхадов, Ж.М. Махмаев, Р.А. Абдулкадырова.
Сайна хьалха аса х1иттийнера х1ара 1алашонаш:
Предметни (Кхеторан): Хаа деза фразеологизмаш стенах олу, уьш кхечу дешнийн цхьаьнакхетарех схьакъасто а.
Метапредметни (Кхиоран 1алашо): Лексиках 1амийнарг карладаккхар.
Личностни (Кхетош - кхиоран 1алашо): Къамелехь фразеологизмех пайдаэцар.
Урокехь ас юкъа ялийра барта, гайтаме, мультимедийни, визуальни методаш.
Урок белхан тайп-тайпана кепаш юкъа ялорца д1аяьхьира: тобанашкахь болх, массо а дешархочо дакъа лоцу болх. Аудитори кхаа тобане йийкъира, ц1ерш техкина. Урок чекхъяллалц бохург санна, царна юкъахь д1абаьхьира самукъане а, къовсаме а болх.
Къовсам д1аболийра урокан ц1е яккхийта кечйинчу предложенин г1оьнца. Цул т1аьхьа х1ора тобана луш долу т1едилларца а. Урокана юкъа ца ялийча нийса хир дацара аьлла, керла методаш а юкъа ялийра ас: кроссворд ,презентаци. Кроссвордан г1оьнца карладехийра лексикологех лаьцна хаарш.
Фразеологизмаш йовзарца, оьрсийн маттахь 1амийн хиларца гуча йоьвлира кхучу предметаца йолу з1е.
Жигара а, чехка а, лехаме а белхаш бинчул т1аьхьа могашаллин ойла ян еза аьлла, юкъаялийра сада1аран минот.
Жам1 деш лимонан диттаца т1еч1аг1йира фразеологизмаш.
Т1екхечи рефлексии ян еза минот. Шайн урокехь кхолла елла йола дог-ойла гайтира бераша смайликаца.
Ас хаьржина болу урокан х1оттам (структура), цуьнан чулацам пайдехьа, эвсаре хилла, х1иттийна 1алашонаш кхочушъярехь.
Урокан 1алашонаш кхочуш хилла аьлла, хета суна.
© ООО «Знанио»
С вами с 2009 года.