Озин-ози тану панинен"Сара Алпыскызына арнау" атты пикири

Шығыс Қазақстан облысы Тарбағатай ауданы Қамысты ауылы Асқарұлы Нұрбол 9- сынып «С.Торайғыров атындағы негізгі орта мектебі» коммуналдық мемлекеттік мекемесі Баршамызды бала тілмен баурайтын, Бала деген бір бақыт қой самғайтын. Ата- ананың арманы мен тілегін, Бала емес пе бал бұлақтан жалғайтын. Сүйкімді періштелер сендерсің, Қандай бейне өздеріңе тең келсін! Данышпанда, ғарышкер де, дана да Ең алдымен балалықты меңгерсін – деп өлең жолдарында айтылғандай әр бала балалықты меңгеріп, бақытты болуға хақысы бар. Құстың балапанындай мәпелеп, отырса жеңін, еңбектесе етегін төсеп, тісі шыққанда аузына дәм салып, тілі шыққанда аузына сөз салып, қанаттыға қақтырмай, тұмсықтыға шоқыттырмай баласын өсіретін ана еңбегіне дүиеде тең келетін нәрсе жоқ... Ана мен баланың қарым-қатынасында ерекше бір көзге көрінбейтін байланыс бар екені анық... Сондықтан бала өмірінде ананың тәрбиесі ерекше орын алу керек еді... Өкінішке орай, ондай сәттердің біздің өмірімізде көп емес екенін білеміз. Жанды жаралап, жүректі ауыртатыны- шырылдатып балаларын балалар үйіне немесе далаға тастап кететін көкек аналар қаншама. Бала – өмір гүлі. Осындай қаншама гүлдер тастанды атанды десеңізші! Осы барлық өмір гүлдерін шексіз махаббатпен Сара Алпысқызы «Бөбек» қорына жинады. Сәбилер де жас шыбық сияқты бағып – қағуды, мәпелеуді керек етеді. Сол жас шыбығыңды қүтіп баптап өсіру, ол әр ата – ананың ұрпағының алдындағы борышы. Мен Қазақстан мемлекетінде туғаныма, осы елде тұрғаныма өте қуаныштымын. Балалар үшін біздің елде қамқорлық пен мейірім көрсетілген. Біздің мемлекетімізде мүгедектер мен жетім балаларға арналған көптеген арнайы орындар бар. Сондай орындардың бірі Сара Алпысқызы Назарбаеваның бастауымен құрылған. «Бөбек» қоры 1992 жылы 27 наурыз күні «Бөбек» қоры балаларға көмек қолын ұсынды. Жиырма бес жыл ішінде өміріміз таусылды деген қаншама балаларға қуаныш пен бақыт сыйлап, үміт сәулесін жарқыратты, қорғансыз сәбилерді қанатының астына алып, қайырымды іс жасаған Сара апамызды біртуар қазақтың «Дара қызы – Сара қызы» деп айтуға әбден лайық деп ойлаймын.