Поделиться
Ընթերցող.docx
<<Ընթերցող>> մանկական ակումբ
Այսօր, երբ սովորողները քիչ են կարդում, կրտսեր դպրոցի ուսուցչի խնդիրն է նրանց մեջ բարձրացնել ընթերցանության արժանիքը, նրա կարգավիճակը, սովորողների գիտակցության մեջ ներարկել կարդալու անձնակողմնորոշիչ արժեքը։
Ցացոք, այսօր լուրջ խնդիր է դարձել <<Ի՞նչ անել, որ սովորողները կարդան>> հարցը։Երեխաները հետաքրքրված չեն ընթերցանությամբ, չկա՝ <<ուզում եմ>> ներքին դրդապատճառը, այլ կա միայն <<հարկադրել են>> պարտադրանքը։Այս ամենը վկայում է այն մասին, որ ընթերցանության խրախուսումը պետք է իրականացվի նոր և ուշագրավ մեթոդներով ու հնարաներով, որպեսզի նվազի արտաքին միջավայրի վատ ազդակների ներգործությունը։
Որպեսզի տարրական դասարանների աշակերտներին օգնենք գրքերի աշխարհում կատարել իրենց առաջին լուրջ քայլերը, և այդ աշխատանքը հետաքրքիր, բազմաբովանդակ և հրապուրիչ լինի, նպատակահարմար եմ գտել ստեղծել ընթերցանության սիրահարների <<Ընթերցող>> մանկական ակումբ։
Ընթերցանությունը կազմակերպվեց հետևյալ կերպ․ սովորողների առջև դրվեցին ընթերցանության բոլոր գրքերը՝ նրանց ազատ ընտրության հնարավորություն տալով ( ընթերցարանի գրքերի մի մասն իմ անձնական գրադարանից է, մի մասը՝ դպրոցի, զգալի մաս են կազմում նաև ծնողների տրամադրած գրքերը)։
Երբ բոլորն ընտրել էին իրենց գրքերը, ուսուցչի կողմից սահմանվեց ընթերցանության համար ժամանակ՝ պայմանով, որ յուրաքանչյուր աշակերտ իր կարդացած գրքերից պետք է առանձնացնի փոքրիկ հատված՝ բարձրաձայն ընթերցելու համար։ Տրված ժամանակն ավարտվելուց հետո սովորողներն ընթերցեցին իրենց ընտրած հատվածը։Այնուհետև կազմվեցին խմբեր, որոնք պետք է լսած նյութերի հիման վրա հորինեին սեփական պատումները։
Ինչպես փորձը ցույց տվեց, աշխատանքն անչափ հետաքրքիր ու գրավիչ էր սովորողների համար, նրանք դասի սկզբից մինչև վերջ ոգևորված էին և հետաքրքրված։Ծավալվեց ակտիվ քննարկում, սովորողներ լրացնում, ստուգում էին միմյանց, հարցերի միջոցով գտնում և բացում մութ անկյունները։
Հետո տեղի ունեցավ գրքերի փոխանակություն և կրկին ուսուցչի կողմից սահմանվեց ընթերցանության համար ժամանակ, այս անգամ արդեն պայմանով, որ աշակերտները կարդացած յուրաքանչյուր հեքիաթի համար պետք է ստանան <<Ընթերցող>> մանկական ակումբի 1 միավոր քարտ։
Ստեղծվեցին նաև ընթերցողական օրագրեր,որոնցում աշակերտները նոթագումներ էին կատարում իրենց կարդացած ստեղծագործություններից։
Երեխաների ընթերցողական հետաքրքրության զարգացման հաջողությունը պայմանավորված է նաև այդ խնդրի լուծման գործընթացում ծնողների մասնակցությամբ։ Երեխաները կարիք ունեն <<ընթերցող>> միջավայրի, գրական շրջապատի։Միայն այս դեպքում է առաջանում կարդալու ցանկությունը, որը հետագայում դառնում է խորը հոգևոր պահանջմունք։ <<Կարդացող>> միջավայրը պետք է ստեղծվի նախ և առաջ ընտանիքում, և ուսուցիչը կարող է իր ներդրումն ունենալ այդ միջավայրը ստեղծելու գործում։
Նկատի ունենալով վերոնշյալը՝ վերջին փուլում կազմակերպվեց <<Ընտանեական ընթերցանության երեկո>>։
Յուրաքանչյուր աշակերտ ընտրեց իր նախընտրած ստեղծագործությունը, որը ներկայացրեց իր հանդիսատեսին (տեխնոլոգիայի ժամին նախապես հրավիրատոմսեր էինք պատրաստել և երեխաները ում ցանկացել էին տեսնել իրենց երեկոյին,հրավիրել էին)։
Վերջում բոլոր աշակերտները համար 171 դպրոցի տնօրեն Ա․Սաֆարյանի և դասվար Հ․Օհանյանի կողմից ստացան շնորհակալագրեր <<Ընթերցող>> մանկական ակումբ նախագծին ակտիվ մասնակցություն ցուցաբերելու համար։
Որպես ամփոփում վերջին ծնողական ժողովին ծնողների համար կարդացել եմ << Ընտանեական ընթերցանության դերը ստեղծագործ ընթերցողի զարգացման գործում>> մեթոդական զեկույց։
Материалы на данной страницы взяты из открытых источников либо размещены пользователем в соответствии с договором-офертой сайта. Вы можете сообщить о нарушении.
