Сабактын планы

_____________________________                                                                                   9-класс

Сабактын темасы:  Арифметикалык прогрессия   (2 саат)

Сабактын максаты:

Билим берүүчүлүк: Арифметикалык прогрессияны чыгарууда анын берилиш жолдоруна карата чыгарууну түшүндүрүү  жана көндүм кылып калыптандыруу:

Өнүктүрүүчүлүк: Окуучулардын арифметикалык прогрессияны чыгаруу көндүмдөрүн өнүктүрүү;

Тарбия берүүчүлүк:  Окуучулардын эсептерди чыгарууда салыштырып чыгаруу менен дүйнөгө болгон көз карашын калыптандыруу, тазалыкка, методдорду пайдалануу менен туура  жана так аткара билүүгө тарбиялоо

Сабактын тиби: Жаны билим берүү менен окуучулардын билимин, билгичтигин, көндүмүн калыптандыруу жана өркүндөтүү сабагы

Сабактын ыкмасы: мугалимдин жетекчилиги менен окутуу жана эсептерди чыгаруу  ишин жүргүзүү

Жабдылышы: китеп, доска, бор, электрондук журнал

Уюштуруу моменти:

Саламдашуу, окуучулардын сабакка даяр болуусу,  жагымдуу маанай түзүү менен балдардын сабакка болгон максатын түшүндүрүү

Үй тапшырмасын текшерүү:

Билимдерин актуалдаштыруу:   Прогрессия  деген сөзгө түшүнүк берүү;

Мисал келтирүү.

Окуучулар берилген суроолорго жооп берип, логикалык схема түзүү менен бүгүн сабакта кандай тема өтүлө түргандыгын жана анан максатын аныкташат: Доскага число, тема жазылат.

Бүгүнкү сабактын темасы: Арифметикалык прогрессия

Билим берүү жана аларды алгачкы өздөштүрүүлөрү:

Аныктама: Арифметикалык прогрессия деп экинчи мүчөсүнөн баштап улам кийинки мүчөсү мурункусуна бир эле турактуу санды кошкондон пайда болгон сан удаалаштыгын айтабыз.

Аныктамадан арифметикалык прогрессиянын (n+1) – жана  n- мүчөсүнүн айырмасы n дин бардык маанилери үчүн бипбирдей сан экендиги келип чыгат.

Ал сан арифметикалык прогрессиянын айырмасы деп аталат да, d тамгасы менен белгиленет,  б.а.

a₁, a₂, a₃, … a_n, …

сан удаалаштыгы, эгер бардык натуралдык  n  үчүн

a_n+1 = a_n + d

шарты аткарылса, анда арифметикалык прогрессия болуп эсептелет, мында  d - арифметикалык прогрессиянын айырмасы.

Теорема: Эгер  a₁, a₂, a₃, … a_n, … айырмасы d болгон арифметикалык прогрессия болсо, анда анын n- мүчөсү

a_n = a₁ + (n+1)d  (1)

формуласы менен эсептелет.

Көнүгүүлөрдү чыгаруу менен алган билимдерин бышыкташат.  №11;  №12 (оозеки);  №13 (в,  г); №15

Сабакты жалпылоо жана рефлексия.

Өзүн – өзү текшерүү өзүн баалоо, бири-бирин текшерүү аркылуу бирин-бири баалоо.

Сабакты жыйынтыктоо.

Үй таппшырманы жазуу:  III глава  § 2.  № 14 -№20