Самоанализ урока. Дәреснең темасы: “Ә. Фәйзинең “Аучы Мәргән һәм Болан кыз ” әкияте

Дәрескә үзанализ. 1. Укытучы: 2. Предмет: әдәбият, 5 нче сыйныф. 3. Дәреснең темасы: “Ә. Фәйзинең “Аучы Мәргән һәм Болан кыз ” әкияте 4. Тематик бүленештә дәреснең алган урыны. Дәреснең темасы программада “Әдәби әкиятләр” бүлегенә кертелгән. Бу бүлекне өйрәнүгә 15_ сәгать, ә темасын өйрәнүгә 3 сәгать бирелгән. Шул дәресләр системасында “Аучы Мәрган һәм Болан кыз” әкияте 9 дәрес итеп өйрәнелә, рефлексия дәресе . 5. Дәреснең максаты: Белем бирү максаты (дәреснең предмет нәтиҗәсе): -укучыларның сөйләм телен камилләштерү; -әкиятнең эчтәлеген үзләштерү, темаларын ачыклау һәм әкият геройларына сыйфатлама бирү; Үстерү максаты (метапредмет нәтиҗәсе): -уку хезмәтендә үзеңә максат куя,бурычларны билгели белү; -гомумиләштереп нәтиҗә ясый белү; -парларда һәм күмәк эшли белү күнекмәләрен үстерү. Тәрбияви максат: - укучыларда батырлык сыйфаты, туган илгә мәхәббәт тәрбияләүгә йогынты ясау; Планлаштырылган нәтиҗәләр: Шәхси : коллективта эшләү, үзара ярдәмләшү, бер-береңә яхшы мөнәсәбәттә булу сыйфатлары тәрбияләү. Метапредмет: Танып-белү УУГ: үз эшчәнлегеңне мөстәкыйль рәвештә оештыра белү, бәяләү; аңлап уку күнекмәсе булдыру; нәтиҗәләр чыгара белү; текстны кабул итү һәм аның эчтәлегендә ориентлашу. Коммуникатив УУГ: үз фикереңне дәлилләп башкаларга җиткерә, тулы һәм төгәл итеп әйтә белү; башкаларның фикерләрен тыңлый, аңлый белү. Регулятив УУГ: мөстәкыйль рәвештә дәреснең темасын һәм максатын формалаштыру; укытучы һәм сыйныфташларың белән уртак эшчәнлек оештыра белү; үзбәя. Предмет буенча: “Аучы Мәргән һәм Болан кыз” әкиятендә темаларны табу, текст белән эш. Предметара бәйләнеш: татар теле, биология дәресләре белән Эшне оештыру: фронталь, төркемдә, парларда, индивидуаль. Җиһазлау: ноутбук, проектор, экран, тема буенча презентация, дәреслек, таратма материал. 5. Дәреснең төре: рефлексия I Мотивлаштыру-ориентлаштыру. (4мин) Уңай психологик халәт тудырылды. Мин дәресемне ФГОС таләпләренә туры китереп, балаларның яшь үзенчәлекләрен, яңа дәреснең заманчалыгын, структур яктан куелган максатларга туры китерерлек итеп оештырырга тырыштым. Дәрестә уңай психологик халәт тудыру өчен демократик стильдә аралашырга тырыштым, шуңа күрә укучылар белән минем арада җылы мөнәсәбәт урнашты. II Уку мәсьәләсен кую. (5 мин) Укучыларны дәрес белән кызыксындырыр өчен креатив фикер йөртү алымын кулландым. Абстракция баскычы ысулы ярдәмендә укучылар әкият геройларына сыйфатлама бирделәр. Уку эшчәнлеген оештыру формаларына килгәндә, парларда, төркемнәрдә, индивидуаль эшләү булды. II. Уку мәсьәләсен өлешләп чишү. (7 мин) Укучыларның сәламәтлеген саклау технологиясен кулландым. Дәрестә биремнәр иҗади характерда бирелде. Укучылар төркемнәрдә, киңәшләшеп, дөрес җавапны билгелиләр. Гомумән, барлык эшчәнлек иҗади һәм эзләнүне сорый иде. III. (Рефлексия ) (7 мин) Рефлексия этабында, өйрәнгәннәрне гомумиләштереп, укучылар проект эшләрен яклады. Үзләштерелгән белемнәр буенча нәтиҗә ясалды, алган белемнәрне куллану һәм ныгыту, карар кабул итү һәм аны тормышка ашыру, эш –хәрәкәтләрнең алымнарын һәм шартларын , эшчәнлекнең барышын һәм нәтиҗәләрен тикшереп бару иде. IV. Йомгаклау, дәресне бәяләү. (1 мин) Укучылар үзләренә бәя бирделәр. Укучылар дәреснең һәр этабында актив булдылар, уку материалын кызыксынып өйрәнделәр, бер-беренә карата яхшы карашта булдылар. Минемчә, дәрес нәтиҗәле узды. Укучылар материалны үзләштерделәр. Гомумән, дәрескә куелган максатларга ирештем.