Сценарий мероприятия к празднику 8 марта "Нал-ян шум-чон саламем"

                «Нал-ян шум-чон саламем!»

                      (8-ше март пайремлан полеклалтше сценарий)

 

Цель: - авам йöраташ, пагалаш тудлан полшен шогаш кумыландаш;
- порылыклан да ужын-шижын мошташ туныкташ.

Муро сем почеш почеламутым лудмаш

1-ше йоча

Шошо толмо первый кечылаште,

Лум шулаш туналме пагытеш,

Саламлен ава-влакнам, чылаштым,

Весела, мотор пайрем толеш.

 

2-шо йоча

Пуйто лумынак, аванам ужын,

Тудын тусшым утыр сылнештал,

Шортньо шошо кече шке асужым –

Ший йоллажым – мландыш шаралта.

 

3-шо йоча

Ой, моткочак сылне пагыт годым

Аванан пайремже толылден.

Турийжат, муран аршашым тодын,

Аваланак кондыш полеклен.

 

4-ше йоча

Ме,йоча-влак, поро кумыл дене,

Шергакан аванам чот ондалын,

Ныжыл шургыжым шупшал чон дене,

Тау мурым колтена мурал:

 

«Тау,авай!» муро

 

5-ше йоча

- Тек кава эре лийже канде,

Тек эре пеледалт шога мланде,

Тек эре лиеш сай авана,

Тек эре ме пелен лийына!

 

 

6-шо йоча

Ава кумыл – пелед толшо шошо,

Ава шум – келшымаш, куатна.

Ава- тиде тунян илыш вожшо,

Аван вий ден пордеш мландына.

 

- Туняште эн шерге мут - ава маныт. Ава мемнам пукша, йукта, чикта, ныжыл кумылжым полеклен, ончен кушта, илаш туныкта.

- Даша, тыйже чылт книгасе семынак ойлен моштетыс.

- Конешне, ме кажне кастене авам дене книгам лудына.Авам мыйым чылалан-чылалан туныкта. Авам мыланем эн лишыл йолташ.

- Мыят авамым йоратем. Вашке пайрем шуэшат, авамлан полекым ямдылем.

- Диана, тый аватлан мом полеклет?

- Авам деке куржын мием, шокшын-шокшын ондалам, мурполекым полеклем.

«Йылдыр-йылдыр» муро

Аркадий Букетов «Ава кумыл»

-Мо эн пушкыдо? –

Йодын авам.

- Мамык купчык, -

Вашеш манынам.

 

- Сайын шоналте! –

Тупем вучкалтен,

Аваемже мылам

Пелештен.

 

Илыш туныктыш

Чыным палаш.

Ава кумыл

Лай порсын улмаш.

 

Туто пырче –

Аван кажне ой,

Шинчалан веле

Тудо ок кой.

1-ше йоча

- Кеч-коланат шке аваже эн шерге,эн поро,эн ласка кумылан. Икшыве чон эре ава деке шупшеш. Тудо вурсен налеш гынат, йоратен вурса, чаманен колта. Тиддеч поро, ныжыл айдемым от му.

Зинаида Ермакова «Пайрем салам тылат,авай!»

Авай! Тылат мый поро мутым

Кунам,ом шарне,первый ойленам.

Ом шарне мый,кузе вием погалын,

Порт мучко первый ошкыл колтенам.

 

Шым ий теммеке,ужатальыч школыш,

«Тыршен тунем!»-тыгане сугынет,

Шочшетын ойго-тиде тыйын ойго,

Куан шочшетын-тыйын куанет.

 

Авай!Колат мо удыретын йукшым?

Шижат мо тый,чонем кузе мура?

Эрталын шудо менгым,шокшым,йуштым,

Муремже тый декет миен пура.

 

Кузе гын таче тыйын ныжыл,шокшо

Да волгыдо шумет пелен лийнем!

Могай гын таче поро шум гыч лекше

Эн шерге,ныжыл мутым ойлынем…

 

1-ше йоча

- Таче саламлыме шуэш чыла ава,кова, ака, шужар-влакым 8-ше март пайрем дене. Тыланена пенгыде тазалыкым

2-шо йоча

-йолгорно гай кужу ӱмырым

3-шо йоча

-шошо леве мардеж гай куштылго кап-кылым

4-ше йоча

-памаш вӱд гай яндар шӱм-чоным

5-ше йоча

-илышыштыда да коштмо корныштыда — пиалым.

6-шо йоча

-Тек вуй ӱмбалныда чевер кече гына шыргыжеш.

 

«Рвезе-влак мурен куштат»

 

 

 

 

 

 

1-ше йоча

Авай, мотор авай!

Эн лишыл, поро, сай.

Шыма мутна тылат

Тек лийже шӧртньӧ гай.

Изиш гына вучал,

Изиш гына вурсал,

Тора вет мӧҥгыш корнына.

Эн ныжыл кумыл ден

Уэш каласена:

Улат тый суксо мыланна.

 

2-шо йоча

           Чон шокшетлан, поро кумылетлан

          «Тау» шомак шагал.

            Ончен куштыметлан,ӧндал вӱчкалметлан

            Вуйнам савена, авай!

            Кидетын шымаже, тӱрветын ӱмаже

            Мемнам эреак ырыктат.

            Илышын сайже, чеченже, чеверже

            Лийже, авай, лач тылат.

            Кужу ӱмыран лий, таза кап кылан -

            Пагален, йӧратен ойлена.

            Вуйым ит пу нимогай ойгылан –

            Кече гаяк кӱлат мыланна!

 

           3-шо йоча

           Кеч тораште улам тый дечет,

           Но садак тый от  лек уш гычем.

           Йӧратем йӧратен, шыматем мутем ден,

           Тый илал ӱшанен, шочшет ден кугешнен.

           Шольымат кушкылда, вашке школыш кая,

           У шоныш шочеш, ушанрак вет лиеш.

           Модышлажым коден, книга-влакым лудеш,

           Ача- авалан тӱҥ эҥертыш лиеш.                             

«Марий удыр» муро

 

4-ше йоча  

          Поро мутым аршаш гай погалын,

          Пӧлеклаш чон шона тыланет.

          Тек пуа сакче вийым, пиалым,

          Да вӱрет юарла капыштет.

 

           Тый улат изи мӱкш гай пашаче.

           Кумылетше – лай порсын йолва.

           Пелашетлан улат  ялт Пампалче,

           Шочшет –влаклан – эн поро Ава.

 

           Тек лиеш кужу ӱмыр, тазалык,

           Тек пиалым сӧра пӱрымаш.

           Йодына Юмо дечын кумылын

           Курымешлан волгалтын илаш

5-ше йоча  

           Тый улат мыланна шӱртньӧ кече,

           Тый мемнан илышнам волгалтет.

           Ойлена ме кумалын – лий таза эре,

           Ойгыраш огеш кӱл утыжден.

           Шуко жап тыршенат мемнан верчын,

           Ынде ме, тауштен, вуйнам савена,

           Кугу деч кугу тау, авайна !

«Тошто марий куштымаш»

6-шо йоча

Ковам-салтак.

Сар годым поръен-шамыч веле огыл, удырамаш-влакат тыршеныт. Нуно тылыштат, фронтыштат Шочмо эллан полшеныт. Мыйын ковамат латкандаш ияш фронтышко каен. Тушто ондак салтак-влакын вургемыштым мушкеден, варажым медшужарлан ыштен. Тыгай паша кугу полышым пуэн, Сенымаш кечым лишемден.Сар пытымек, ковам шочмо ялышкыже портылын, ешым чумырен, куд йочам йол умбак шогалтен.

Кажне салтак Сенымаш кечым лишемдаш полшен. Калык шучко ойгым илен лектын, ятыр ен монго портылын огыл. Но нуно кажне енын шумыштыжо илат. Ме курым-курымеш шарнаш туналына.

7-ше йоча

Вашталташ авам йорале вий

Уке туняште.

Вашталташ авам йорале ю

Уке туняште.

Вашталташ авам йорале уш

Уке туняште.

Вашталташ авам йорале шум

Уке туняште.

Кычкырем санденак:

«Авадам йоратыза те!»

Сорвалем санденак:

«Авадам чаманыза те!»

Кумалам санденак:

«Авадам аралыза те!»

Сугыньлем санденак:

«Авадам куандарыза те!»

Тыландат темлем мый:

«Илыза, авай –влак шуко!»

Тыландат мурем мый:

«Илыза авай-влак шуко!»

Тендамат йодам мый:

«Илыза, авай-влак,шуко!»

Тыландат куштем мый:

«Илыза, авай-влак, шуко!»

 

«9 май» муро

«Пайрем» муро