Урок КВН по кабардинской литературе (3 класс)

Урок­зэпеуэ Темэр.  Псысэхэр, псалъэжьхэр, къуажэхьхэр, псынщIэрыпсалъэхэр. Мурадыр.  IуэрыIуатэм теухуауэ еджакIуэхэм яIэ щIэныгъэр егъэбыдылIэн. IуэрыIуатэхэкIхэм   лъэпкъыбзэр,   хабзэхэр   хъумэнымкIэ   мыхьэнэ   яIэхэм сабийхэр   щыгъуазэ   щIын.   ЕджакIуэхэм я къеджэкIэр, псэлъэкIэр егъэфIэкIуэн.    Абыхэм   я   гъэпсыкIэм   кIэлъыгъэплъын. IуэрыIуатэм и гъэсэныгъэ Iэмалхэр къэгъэсэбэпауэ, сабийхэм   лъэпкъ хьэл­ щэныр зэхегъэлъхьэным елэжьын.  Урокым   къыщыгъэсэбэпыпхъэр.  игъэхьэзыра   презентацэр,   тхылъхэр,   сабийхэм   ягъэхьэзыра  гъэлъэгъуэныгъэхэр. IуэрыIуатэм   теухуауэ   егъэджакIуэм  сурэт Урокыр зэрекIуэкIынур. I.  Презентацэр къегъэгъэлъагъуэурэ псалъэжьхэм къегъэджэн. Хамэ хэку сыщытхьэ нэхъ си хэкужь сыщылIэ. Хэку зимыIэм псори щIыIэ къыщохъу. ­  «бзу бэзэру» къегъэджэн. ­  хуэму къегъэджэн. ­  псынщIэу къегъэджэн. ­ псалъэжьхэм я гупсысэр къазэрыгурыIуэр къэхутэн. II. Унэ лэжьыгъэр къегъэпщытэжын. 1. «Ди   щIыналъэр»   зи   фIэщыгъэцIэ   IэрыщI   тхылъ   е   компьютер   презентацэ сабийхэм ягъэхьэзырахэр къегъэгъэлъэгъуэн, тегъэпсэлъыхьын.  2. Тетрадым   и   напэкIуэцI   4­5­нэхэм   ит   лэжьыгъэхэр     зэрагъэзэщIам зыщыгъэгъуэзэн. III. ТемэщIэм елэжьын. Классым щIэс сабийхэр гупиплIу гуэшын. 1. Классым   щIэт   «IуэрыIуатэ»   жыгым   пыт   тхэмпэхэр,   е   доскам   тет «IуэрыIуатэ» удз гъэгъам   и кIапщIийхэр   (лепесток) къыпегъэчын. Абыхэм   ещанэм   – тетщ:   зым   –   псалъэжьхэр,   адрейм   –   къуажэхьхэр, псынщIэрыпсалъэхэр,   еплIанэм   –   псысэхэм   я   фIэщыгъэцIэхэр.   Гуп   къэс къаIэрыхьам   тетым   къоджэ,   ар   сыт   хуэдэ   IуэрыIуатэхэкIми   къахутэ,   абы теухуауэ сыт ящIэми  жаIэ.  2. Псысэ зэджахэр ягу къагъэкIыж, гуп къэс зы псысэм и теплъэгъуэ кIэщI къегъэлъагъуэ, псысэм и фIэщыгъэцIэр адрей гупхэм къащIэ, абы хужыпIэ хъун псалъэжь къагубзыгъыж. 3. Зы гупым адрей гупхэм къуажэхьитху ярет, адрей гупхэм я жэуапхэр  тхауэ къатыж. 4. Зы псынщIэрыпсалъэ  нэхъ жыIэгъуейр гуп къэс хэтхэм зыжьэу жаIэпхъэщ, нэхъыфIу ар зыгъэIуфыр токIуэ. 5. Псалъэ гуп зэхэтым (псалъэ лей абыхэм яхэтым нэхъ къэщIэгъуей хъунущ) псалъэжь къыхэщIыкIын.  Лэжьыгъэр нэхъ псынщIэу зыгъэзащIэр токIуэ. 6. IуэрыIуатэхэкIхэм   цIыхухэм   я   гъащIэм   щаIэ   мыхьэнэр   сабийхэм къазэрыгурыIуэр жегъэIэн. 7. УпщIэм сабийхэм жэуап кърегъэтын.   Сыт хуэдэ  псысэхэр, псалъэжьхэр, къуажэхьхэр, псынщIэрыпсалъэ­хэр IуэрыIуатэм хыхьэрэ?    Сыт хуэдэхэра IуэрыIуатэм хэмыхьэр? IV. Унэ лэжьыгъэ.   «Анэдэлъхубзэ» тхылъым и напэкIуэцI I0­нэм ит 7­8­нэ лэжьыгъэхэр сабийхэм егъэгъэзэщIэн.