Внеклассное мероприятие

Яҡуп ауылы төп дөйөм белем биреү мәктәбе “Килешелде” директор урынбаҫары ______ / Г.И. Килмәтова/ “___” май 2016 йыл “Ҡаралды” ММБ ултырышында  протокол № ___ ______/_______________/ “___” май 2016 йыл “Раҫланды” Яҡуп ауылы төп дөйөм белем  биреү мәктәбе директоры ____   /С.У. Туйгилдин/ “____” май 2016 йыл Бөйөк Еңеүгә ­ 71 йыл “Еңеү яҙы килә тыуған илгә” Әҙерләне: Ниғмәтуллина Гөлфирә Хәйрулла ҡыҙы Яҡуп ­ 2016 Маҡсат:Тыуған илебеҙгә ҡарата ғорурлыҡ тойғоһо тәрбиәләү; һуғыш  ветерандарын  хөрмәт ,ихтирам   итеү; балаларҙың характерында ыңғай  һыҙаттар,илһөйәрлек тойғолары тәрбиәләү; Йыһазландырыу: «Бөйөк Еңеүгә­71 йыл», «1941­1945»тигән яҙыуҙар, Еңеү  ордены һүрәте,байрамға арнап сығарылған гәзиттәр, стендтар ҡуйыла,  сәскәләр,шарҙар менән биҙәлә. Кисә барышы 1­cе алып барыусы. Һаумыһығыҙ, ҡәҙерле тыл ветерандары, атайҙар, олатайҙар, ағайҙар... 2­се алып барыусы. Һаумыһығыҙ, апайҙар, әсәйҙәр ­ өләсәйҙәр бөгөнгө көндөң бәхетле йәштәре,уҡыусылар ! 1­cе алып барыусы. Һеҙҙең барығыҙҙы ла тантаналы байрам – Бөйөк Еңеүҙең 71 йыллығы менән ҡотлайбыҙ! 2­се алып барыусы. Илебеҙ күгенең 71­се йыл аяҙ булыуы менән беҙ һеҙгә Бурыслы. Оҙон ғүмер, тыныс көндәр насип булһын барығыҙға ла! 1­cе алып барыусы. Матурлығы өсөн был көндәрҙең Кемдәр генә ҡорбан булмаған! Исемдәрен тарих беҙгә үҙе Һаҡлап килә алыҫ йылдарҙан. Тыуған ил хаҡына ,тыуған ер хаҡына Ауылдаштар башын һалдылар. Беҙҙең ғүмер өсөн улар Мәңгегә сит илдә ҡалдылар! 2­се алып барыусы. Бөгөн беҙ һуғыш ветерандарының батырлығына тағы ла  бер тапҡыр һоҡланып, дан һәм мәҙхиә йырлап, уларҙың түҙемлегеге,  сабырлығы алдында баш эйәбеҙ. 1­cе алып барыусы. Бөгөн яуҙа ятып ҡалған яҡташтарыбыҙ хөрмәтенә, тылда  ас­ яланғас килеш ҡар һыуҙарын йырған, ел ­ бурандар аҫтында барлыҡ сәләмәтлектәрен, ғүмерҙәрен биргән ҡатын ­ ҡыҙҙар һәм шул осор үҫмерҙәре  алдында хөрмәт менән баш эйәбеҙ. Бөгөнгө сығышыбыҙ һеҙгә бағышлана,  ҡәҙерле яҡташтар! Музыкаль композиция программаһы 1 күренеш. Һабантуй. Сәхнә артында “Һабантуй” йыры яңғырай. Ауылдың йәше ­ ҡарты һабантуй  яланында шау ­ гөр килә.(Көрәш, көршәк ватыу, уйын ­ көлкө) Шул саҡ майҙанға атылып тыны бөткән ҡатын йүгереп инә Ҡатын. “Туҡтағыҙ!”, тип ҡысҡыра, ләкин уны берәү ҙә ишетмәй. Туҡтағыҙ тим,  һуғыш башланған!. Гитлер һуғыш башлаған!, тип ҡысҡыра. Бөтәһе лә өнһөҙ булып  ҡала. Бер аҙҙан улар өйҙәренә тарала башлай, илайҙар. Һабантуй майҙаны  бушап ҡала. 2 күренеш. Фронтҡа оҙатыу. Сәхнә артында “Священная война” көйө яңғырай. Сәхнәнең төрлө яҡтарынан  арҡаларына рюкзак аҫҡан ир ­ атттар сыға. Улар һуғышҡа китеүселәр. Атай ­  әсәәйҙәре, балалары уларҙы оҙаталар, илашалар. Хәрби комиссар килеп керә  һәм “Ҡуҙғалырға әҙерләнегеҙ!”, тип ҡысҡыра. Һуышҡа китеүселәр туғандары  менән хушлашып, теҙеләләр һәм ­ Беҙ ауылдан сыҡҡан саҡта, Күтәрелде томандар. Йә ҡайтырбыҙ, йә ҡайтмабыҙ Һау булығыҙ, туғандар!­ тип ҡул болғап сығып китәләр “Ерҙән һалдат атлай” 5 класс малайҙары йыр 3 күренеш. Тылдағы ҡатын­ҡыҙҙар. Сәхнә асылғанда ҡатын­ҡыҙҙар ҡул эштәре менән шөғөлләнеп ултыралар. 1­се ҡатын. Иртәгә ҡайҙа ултырырбыҙ икән? Беҙҙең керосин бөтә. 2­се ҡатын. Беҙгә килерһегеҙ. 3­4 көнлөк керосиным бар әле. 3­сө ҡатын. Мин баҙарҙан тоҙ алып ҡайттым. Иртәгә тоҙ менән тәмле итеп  картуф бешереп алып килермен әле. 4­се ҡатын. Ҡасан йәй етер инде? Яғырға утын да бөттө. Бер көндө балалар  һыуыҡҡа түҙә алмайынса сыра яндырғандар һәм өйҙө саҡ яндырмағандар, ярар  әле күрше апай күреп ҡалған. 5­се ҡатын.Әле һеҙ ишеттегеҙме? Хәҙер фронтҡа ашлыҡты һәм аттарҙы ғына  түгел, картуф менән май ҙа ебәрергә ти. 6­сы ҡатын. Ебәрәбеҙ. Нишәп ебәрмәй ти, үҙебеҙҙең ғәзиз улдарыбыҙ,  ирҙәребеҙ өсөн бит ул. 7­се ҡатын. Тиҙерәк һуғыш бөтһөн инде. Еңеү өсөн бер нимә лә йәл түгел.  Гитлерҙы тиҙерәк дөмөктөрөп, иҫән­һау ғына ҡайтһындар инде ғәзизкәйҙәребеҙ. 8­се ҡатын. Ҡайтырҙар, ҡайтырҙар, алла бойорһа. Радмир. Һуғыш, һуғыш... Күпме сабый Быуыла күҙ йәштәренә Ваҡытһыҙ салдар өҫтәлә Әсәләрҙең сәстәренә. Н..........................Һуғыш... Мәскәүҙән Берлинғаса 2 мең 600 саҡрым... Р.......................... Бик аҙ, дөрөҫмҫө? Был әгәр поезд менән барһаң ­ 2 тәүлек,  самолетта ­ 3 сәғәт тигән һүҙ. Н..........................4 йыл Р...........................1418 көн! Н....................... 34 мең сәғәт! Р........................... Һәм 27 миллион һәләк булған кеше ғүмере... Н.......................... 27 милллион ҡорбан. Был, тимәк, көн һайын 19 мең, сәғәтенә  800, минутына 13 кеше үлгән тигән һүҙ! Ҡот осҡос! 4 күренеш. Еңеү. Сәхнә асылғанда репродукторҙан еңеү тураһында хәбәр яңғырай. Байрамса  кейенгән, ҡулдарына сәскәләр тотҡан ҡатын­ҡыҙҙар репродуктор янына  йыйылалар.  Кемдер “Ҡайталар”, тип ҡысҡыра. Шул саҡ фронтовиктар керә.  Кемдер аяғын, кемдер ҡулын , башын бәйләгән. Күрешәләр, ҡосаҡлашалар һәм  өйҙәренә таралалар. 5 класс уҡыусыһы Эльвира башҡарыуында “Боевые ордена” йыры Маршҡа башланғыс класс уҡыусылары шарҙар менән керә. Олатай ­ атайҙарҙың Дан юлынан атлайбыз. Өлкән быуын батырлығын Йөрәктәрҙә һаҡлайбыҙ. Ил сигендә һаҡта торор, Диңгеҙ кисер быуын беҙ. Хеҙмәтебезҙә Ватанға Тоғролоҡло булырбыҙ. Байраҡ элдек беҙ бөгөн урамға, “Еңеү байрамы” көнө булғанға. Әйҙә ҙур байрам, шатлыҡ менән кил, Һине ҡаршылай бөтөн тыуған ил! Еңеү Һағындырған данлы еңеү! Ҡосаҡланы бөгөн илемде Йөрәктәрҙән шатлыҡ ташты урғып, Бар доңъяның баҫып киңлеген. Еңеү!Ҡояш балҡый бер битендә Бер битендә моңһоу ай һаман, Бер күҙеңдән шатлыҡ нуры һибелә , Бер күҙеңдән һаман йәш тама... 2­се алып барыусы. Беҙ ҡайтырбыҙ ,тиеп киткән юлдан Китһәләр ҙә ,улар ҡайтманы. Улар өсөн бары елдәр генә Асып­ябып йөрөй ҡапҡаны. 1­cе алып барыусы. “Бер ҡайтмаһаҡ,бер ҡайтырбыҙ әле”,­тип китһәләр ҙә күпме яҡташтарыбыҙ сит тупраҡта ятып ҡалдылар. Ә күпме әсәләр ­ улһыҙ,  балалар – атайһыҙ, ҡыҙҙар ­ һөйгән йәрһеҙ, ҡатындар ­ ирһеҙ ҡалдылар. 2­се алып барыусы.Беҙҙең тыуған еребеҙ өсөн башын һалған батырҙарыбыҙҙы  оноторға хаҡыбыҙ юҡ. Улар беҙҙең менән, беҙҙең арала. 1­cе алып барыусы.  Беҙҙең яҡты киләсәгебеҙ, сабыйҙарыбыҙҙың тыныс йоҡоһо  өсөн үҙ ғүмерҙәрен йәлләмәгән яҡташтарыбыҙҙы ҙур хөрмәт менән иҫкә алайыҡ! (Бер  минут  тынлыҡ.) Барыһы ла аяғүрә баҫа.Бер минутлыҡ тынлыҡ,тик сәғәт һуғыуы ғына ишетелә. 2­се алып барыусы. Рәхмәт. “Йылдар аша баш эйәбеҙ”йыры яңғырай.(Ф.Чанышева һүңҙҙәре ,С.Садыҡова көйө.) 2­се алып барыусы. Бөгөн беҙҙә саҡырылған ҡунаҡтар ҙа ошо Бөйөк Еңеүгә   үҙҙәренең тос  өлөштәрен индергән.  1­cе алып барыусы.Хөрмәтле ҡунаҡтар!!! Хәҙер һалдат иҫтәлеге биттәрен  асайыҡ. Үҫеп килгән йәш быуынға хәтерегеҙҙә ҡалған бер нисә ваҡиға  тураһында һөйләп үтһәгеҙ икән. һүҙ һеҙгә бирелә. 2­се алып барыусы.Рәхмәт.Ҡәҙерле ҡунаҡтарыбыҙ! Һеҙҙе Еңеү байрамы менән  ысын йөрәктән ҡайнар ҡотлайбыҙ, ныҡлы һаулыҡ, үҙегеҙгә һәм ғаилә  ағзаларығыҙға аҡ бәхеттәр теләйбеҙ.Еңеүҙең 71­се яҙы һеҙгә тик яҡшы кәйеф  һәм шатлыҡ алып килһен.Бәхет, именлек һәм оҙон ғүмер теләйбеҙ. Донъяға йәм  биреп йәшәүегеҙ өсөн ҙур рәхмәт!!! Башланғыс кластар уҡыусылары “Олатайым миҙалдары” йырын башҡара 1­cе алып барыусы.Еңеү байрамында һеҙҙең исемегеҙ изгелек һәм тыныслыҡ  байрағы булып балҡыһын!Һеҙҙең өсөн хөрмәтле ҡунаҡтар,йыр яңғырай “Еңеү  көнө”. Музыка аҫтында композицияла ҡатнашыусы уҡыусылар ветерандарға сәскәләр  һәм бүләктәр тапшыралар. Байрам тантанаһы Бөйөк Ватан һуғышында һәләк булған яугирҙәргә ҡуйылған  обелискҡа сәскәләр һалыу менән тамамлана.