Ыбырай Алтынсарин

                     «Ыбырай Алтынсарин» арнау

Ыбарай Алтынсарин атамыз,

Ағартушы, ұстаз, ізденімпаз.

Жастардың болашағын ойлаумен,

Өмір сүрген білімпаз.

    Дүниеге келіпті,

    Қырық бірінде сегіз жүздің,

    Затобол деген ауданда,

    Қостанай атты облыстың.

Әкеден ерте айырылып,

Атадан тәрбие алады.

Басқа жолды қаламай,

Білім жолын таңдайды.

    Қиындықты көп көрсе де,

    Мойымапты, қайтпапты.

    Шаршадым деп ешқашан,

    Ешкімге де айтпапты..

Сауат ашып мұсылманша,

Молдадан хат таныған.

Орынборда ашылған мектепте,

Білім оған дарыған.

    Еңбек жолын атамыз,

    Тілмаштықтан бастаған.

    Торғайда ашылған мектепте,

    Білім беруді қалаған.

Білім берумен шектелмей,

Оқулық та жазыпты.

Балаға тәрбие беретін,

Мысал әңгімеге сия арнапты.

    Ілім-білімге шақырған,

    Өлеңдерді де көп  жазған.

    Оларды оқыған балалар,

    Білімді сүйіп таңдаған.

Жастардың білімді болуы,

Атамыздың еңбегі.

Болашақты ойлап, уайымдап,

Білім деп соққан жүрегі.

    Жүрегін тыңдап атамыз,

    Алғаш мектеп ашқан ғой.

    Білімді болуы жастардың,

    Ұстаз үшін үлкен той.

Үлкен тойдың болуы,

Ыбырай атаның арманы.

Сол арманы орындалып,

Қазіргі жастар білімді.

    Ыбырайдай атамыз,

    Әр ұстаздың арманы.

    Болмасаң да ұқсап бақ,

    Деген қазақ Абайы.

Абайдың сөзін ұран қып,

Білім беріп жүрміз біз.

Болмасақ та Ыбырай,

Оның жолын қуамыз.

    Жастарға білім береміз,

    Жетістікке жетеміз.

    Атамыздың сара жолын,

    Өшірмей біз жүреміз.