“Istiqlol g`unchalari”

Mavzu:   “Istiqlol g`unchalari”

              Alifbe bayram senariysi.

Moxichehra Yo`ldosheva

 5-sinf o`quvchisi.

Osmon uzra kamalak

Eshiting qiziq ertak

Bor ekan bir majmua

Zarafshon tumanida

Rahbari Nasiba opa –

Bag’ri keng, ko’ngli toza

Qo’l ostida ishlarkan

Ustozlar, murabbiylar

Tinmay mehnat qilarkan

Majmuada barchalar.

Shu majmua qoshida –

Hurriyat opa bag’rida

O’qir quvnoq o’g’il-qiz

Misoli ko’kda yulduz.

A’lo o’qish, yozishga

Sarf etarlar bor kuchin.

Ustozlari mehnatin

Oqlash ularning burchi.

Bugun bayram, tantana

“Savodxonlik” kechasi

Olgan bilim, o’gitin

Ko’rsatarlar barchasi.

To’g’ri o;qish, yozishni,

Ham qo’shish, ayirishni,

Sher aytish va kuylashni,

Intizomli bo’lishni

O’rgandilar uch oyda

Har bir qiz-o’g’il bola.

Ushbu kun ularning barchasi

Mo’jiza yaratarlar,

Barchani o’zlariga

Lol qilib qaratarlar.

Musiqa ostida o`quvchilar kirib kelishadi.

O`qituvchi: 

Assalom xalqimizning eng ulug’ siymolari

 Assalom yurtimizning ustoz mehribonlari,

 Assalom sinfimizning dono og’il qizlari,

 Assalom  bayramimiz siz aziz mehmonlari.

 

 Xush kelibsiz ilmu fanning soxibu davronlari,

 Xush kelibsiz davramizning eng aziz mehmonlari,

 Xush kelibsiz muallimlar xamda munis onalar,

 Xush kelibsiz kechamizga barcha aziz mehmonlar.

 Ruxsat bering boshlamoqqa savodxonlik bayramini,

 O’yin, kulgi, qo’shiq bilan xursand etaylik sizni.

 

Turfa olam gullarisiz, istiqlol g`unchalari

Alifbodan boshlab ilm  ochib bering olam sirin.

Savodxonlik bayramingiz muborak bo`lsin    

Barchangizni dilingiz quvonchga to`lsin

Olloh sizga doimo madadkor bo`lsin

 Yo`llaringiz hamisha nurlarga to`lsin.

 

Sinfimiz faxridir yigirma yetti bolasi    

 o`n besh lola bilan gullab turar xonasi

O`n ikkitadir mard o`g`loni  Vatanimiz posboni   yulduzlarni etib lol barchangiz hayron qilar.

Muhammad  Yulduz bilan Muxlisaga boqingiz,

Matematiklar deya havas bilan boqingiz.

Madina Marjonalar  Surayyo  Diyoralar

Shahzodu Shahzodalar Shohida Shahnozalar

Ona tilin e`zozlar  onamizdek e`zozlar.

Eldor Azizbek Bekzod  Laylo Shahrizodalar

Bellashadi o`qishda  Qolib ketmang siz chetda

Lazizjon  Behruzjonlar  Farangiz Azimjonlar

Anvaru Samandarlar  Tabiat oshnosidir  gullarning shaydosidir.

 Abdumalik  Muzrobni  Sohiba Diyorani

Rassomlar deb tan oling 

Ishiga qoyil qoling.

Boshlovchilar:  

Muxlisa     Assalom iymoni omon insonlar

                  Assalom bu kunni intiq kutganlar

                  Mehribon onajonlar jon buvilarim

                  Bayramga tashrif buyurgan aziz do`stlarim

   Muhammad:   Assalom mehmonlar mehri ziyolar

                           Yuragi quyoshu qalbi daryolar

                           Sizga ham tengdoshlar dildan ehtirom

                           Qo`llar ko`ksimizda deymiz assalom.

  Muxlisa.    Ustozlarning o`gitin dilimizga joyladik

                   Dilda hayajon bilan bayramimiz boshlaylik

                   Alifbeni ko`p o`qib  she`r qo`shiqlar yod olib

                   Savodxonlik bayramin o`tkazamiz shodlanib. 

 Behruz.    Alifbeni tugatdim  endi  o`qiy olaman

                  So`zlarni qo`shib birga jumla to`qiy olaman

S. Marjona  Harflarni tanidim  yetib oldim siriga

                   So`zlar tuzsa bo`larkan birin qo`shib biriga

Eldor          Qancha unli undosh bor hammasini bilaman

                    Toblab bilim zehnimni sizni xursand qilaman

Shahzoda   A`lo o`qish vazifam tolmayman o`rganishdan

                   Olimlar ham ilmni boshlagan harf tanishdan

Hammasi:   Rahmat aziz muallim  mehringiz dilimizda

                   Yoshlikda olgan bilim  nur sochar yo`limizda.

Muhammad.   O`stirdingiz onajon  oq yuvib oppoq tarab

                      Sho`x bulbulday sayrayman zavq bilan yayrab yayrab

I.Marjona     Ichga sig`mas quvonchim maktabim bag`rin ochdi

                    Alifbejon kitobim  oftob kabi nur sochdi.

Abdumalik   Alifboni yod oldim  harflar tilsimi go`yo

                        Ona, lola,vatan non  mazmuni tengsiz dunyo

Surayyo       Murg`ak qalbim angladi bitmas ustoz sehrini                                                                                                                      

                        Yuragimga joyladim vatan ona mehrini.       

1-raqs  “O`zbekistonim”               

O`qituvchi.  Endi esa sahnaga Navoiy va Bobur bobolarimizni taklif etamiz.

Navoiy.   Abdumalik.

Samarqandni kezgan edim, orzu etib beshta asar

Qad rostlabdi bugun mana, beshta emas besh yuz asar.

Bobur. Behruz.

Yaralamang shahrimni ey, Vatan qadrin bilmaganlar

Anda-jonim qolgan manim, Andijonim bilmaganlar.

O`qituvchi. Mana Navoiy va Bobur bobolarimiz ham sizdek ilmni alifbodan boshlaganlar. Qani siz ham alifboning sirlarini ochingchi.

A- Alifbedan Ani oldik  atirgul so`ziga soldik

      Assalom deb shu gullarni Onajonlar sizga oldik

L-  Loladek porlab yuzingiz  mehri daryo har so`zingiz

     Ta`zim aylab bu gullarni Ustozlar sizlarga oldik

I-   Ilm-hunar egasisiz  oilaning tayanchisiz

     Bog`imizning bog`bonlari  otajonlar bor bo`lingiz

F-  Fan bog`imiz g`unchasisiz  aka-opa ukamizsiz

     Mehmon bo`lib kelibsiz siz xush keldingiz deymizda biz

B-  Bilimimiz sinab ko`ring  so`zlarimiz tinglab ko`ring

     Raqsimizga qoyil qolib  zukko ekan barchasi deng

E-  Elga ta`zim aylaymiz biz  Dunyomizning tiragidir

      Yerga ta`zim aylaymiz biz  Ona-Vatan yuragidir.

Ona bola sahnasi.

O`qituvchi oyisi.  Qizalog`im senga men atlas olib beraymi?

Madina qizi.  –Yo`q, yo`q

Oyisi. – Chamandagi alvonrang gullar terib beraymi?

Qizi.  – Yo`q, yo`q

Oyisi. – Nega ko`ngling to`lmas hech, mana qara qo`g`irchoq

Qizi -  yo`q, yo`q kerakmas, buni ko`nglim istamas

Oyisi – Nima bo`ldi ayt qizim, olaqolgin o`yinchoq,

           Mazza qilib o`ynaysan, qaragin ko`zi munchoq.

Qizi. -  Muncha so`rayverasiz, kerakmas dedimku he

            Meni sevsangiz oyi olib bering Alifbe.

Oyisi – Maktabga ilk qo`yganda qadam, kim baxsh etar nuru-ziyoni

  Sizga hamroh va yaqin hamdam, Kim sizga keng ochgan dunyoni?

Hamma.  Alifbe kitobi.

Muxlisa.   Rahmat sizga muallim  berdingiz bizga ta`lim

                  Bu bayram sababkori  bilimlar poydevori

                  Ma`noli shirin so`zi  oftobday nurli yuzi

                  Bilmaysizmi bolalar qani alifbe o`zi?

Bolalar.   Do`stlaring senga mushtoq alifbejon kel tezroq. Alifbe Alifbe…...

Alifbe kitobi Moxichehra 

Salom aziz bolalar, chiroyli gul lolalar,

Chiqib endi savodi, o’qish bo’lib murodi,

 Maktabga mehir qo’ygan, ustozin jondan suygan,

 Bilimlarga intilgan, bayramni boshlang shu on.

 Har biri jimjimador qani safga tursinlar 

 O`z sirin aylab bayon  Harflar tilga kirsinlar.

Harflar she`rlarini aytadilar.

Muxlisa “A”  -  A harfiman azaldan, alifbening avvali

              Aytsam: Kuch-adolatda, aqli a`lo afzali.

Muhammad “B” – Baquvvat, bardam, botir, B harfi bo`laman

               Bilimdonlarga balli, bundan kuchga to`laman.

S.Marjona. “D” – Dovrug`im dostonlarda, D harfiman dastyorman

                  Donolar durdonasi, dilga dardkash do`st-yorman.

Eldor “E”  Ertakchi E harfiman, erkatoyim eshitgin

                Ertaklar tinglab zehning, erta charxlab pishitgin.

Yulduz “F” Fazilatim fahmlab, foydamni bilganlar ko`p

                 F harfiman fidoiy, filday bardoshliman xo`p.

Shahzoda “G”  G harfi gul giyohman, go`zal gullar timsoli

                  Gullaganda gulbog`lar, go`yo godak misoli.

Azizbek “H” H harfiman hamisha, har qadamda hamrohman

                   Hikmat, hadis,hikoya, hushyor hamda ogohman.

I.Marjona “I” Ilmga intil izlan, ishlashga topgin imkon

                    I harfiman istagim, ibratli bo`lgin inson.

Bekzod “J”  J harfiman jarangli, jozibador va jo`shqin

                   Jonimga joylaganman, jonajon Vatan mehrin.

Laylo “K”   Kamina kamtar K man, kamsuhan bo`l ko`p dema

                 Kelajaging-kamoling, kurash,intil,pand yema.

Madina “L” L harfiman labbaylab, labimda lazzatli bol

                  Laylo,Lobar,Lolaman, lafzim bor luqmam halol.

Shaxrizoda “M” M harfiman mag`rurman, maqtovim tushgan tilga

                        Mard maydonda sinalar, mehnatim manzur elga.

N.Diyora  “N”  Nonim,nasibam ulug`, N harfiman nonim but

                      Noshukr,nodon bo`lma, niholsan,o`zingni tut.

Farangiz “O”   O-man olam meniki, “oltin olma-duo ol”

                       Ota-ona: oftob-oy, odob,olqish olib qol.

Shohida “P”   P harfiman pahlavon, palov oshga pazanda

                     Puxta,pishiq o`zimga, pishib chiqdim qozonda.

Azimjon “Q”   Qoyil qilaman qarang, Q harfi quvvatliman

                      Qo`shilsa-chi qo`lga-qo`l, qanchalar qudratliman.

Behruz “R”   R harfidan rahmdil, rostgo`yman rizqim halol

                    Ranjitma ota-onang, rozi qilib rahmat ol.

Sohiba “S”    S harfiman sifatim, savlatim xos sakkizga

                    Sadoqatli sirdoshman, samimiy do`stman sizga

Samandar “T”  Turmushda T harfiga, topilar turfa ta`rif

                       Tashakkur to`g`ri topding, tashvish tortmagin Zarif

Shahnoza “U”  Ulug`larga ustozman, unvonimni unutmang

                       U harfi uzun unli, umuman nafas yutmang.

Abdumalik “V” V harfiman vazifam, va`daga vafodorlik

                        Vijdoniman vatanning, vujudimda bedorlik.

Laziz “X”    Xavf-xatardan xabardor, X man xolis xokisor

                  Xotira xo`p xazina, xasislarga dunyo tor.

Surayyo “Y” Y harfin yo`qlasangiz, yo`q yerdan yondiraman

                    Yo`l-yo`riq,yo`l ko`rsatish, yo`lini do`ndiraman.

M.Diyora “Z”  Z harfiman ziynatim, zehnliman,ziyrakman

                      Ziyo sochar zarramda, zo`rman,zarur,kerakman

Shahzod “O`”  O` harfiman o`rtoqjon, o`qigan ishda o`zar

                      O`qib o`rgan,erinma, o`qimagan el buzar.

Anvar “G`”   G` harfiman g`amxo`rman, g`olib g`ozman g`ayratli

                   G`alaba hamroh menga, g`oliblik g`oyat totli.

Muzrob “SH”  Shavkatli sh harfiman, shayman sharaf-shonlarga

                      Shunqor sho`x sharofatli, shukr bolajonlarga.

Yulduz “CH”   CH harfiman chidamli, chaqqon,chaqnoq,chaqinman

                      Chegaradan chiqmayman, chug`urchuqqa yaqinman

Behruz “Ng”    Men birikma harf Ng, ohang bongim rang-barang

                      Zang urganda baka-bang, so`l-u o`ngga bir qarang

Muxlisa “` ”    Kimning kelsa bilgisi, menman tutuq belgisi

                      Vazifamda sergakman, o`z o`rnimda kerakman

                      Ayrim bir so`zlarda goh, qilmoqni etgum ogoh

                      Unli tovushning ozroq, talaffuzda cho`ziqroq

                      Jumladan: a`lo, Ra`no, Da`vo,Ma`suma, ma`no

                      Esda tuting belgimni, bilib qo`llang o`rnimni.            

2-Raqs.  “Andijon polka”

O`qituvchi.

Elni sevib, elim deb yashang             Chetga chiqib,ellarni ko’ring

Yurtni sevib tuprog’in asrang.           Har biringiz mustaqil bo’ling,

Yurtga doim sog’ omon bo’ling          Ilm-fanni chuqur o’rganib.

Kerak bo’lsa jon fido qiling.               Vatan uchun siz tirgak bo’ling.

S.Marjona  : Do`st qadrdon alifbo  seni o`qib yayradik

                    Sendagi harflarni dilimizga joyladik

Muhammad  :Sensan mening birinchi buyuk ona kitobim

                      G`urur bo`lgan qalbimda jonajonim oftobim.

Alifbe:

Bolajonlar men sizga,

Birinchi kitobdurman

Dilingizni yoritgan

Quyoshu oftobdurman.

Ko’rdim bugun, donosiz

 Hammadan ham a’losiz

 O’qish, yozishni bilgan

 Aqli raso bolasiz.

Xayr, xayr bolalar

Meni sira unutmang

G’ayrat bilan o’qingiz

Nasixatimni tinglang.

Fursat yetdi siz bilan

Xayrlashib ketaman

Do`stim o`qish kitobni

Endi taklif etaman.

O`qituvchi.  Ey kitobim oftobim  seni toza saqlaymiz

                   A`lo o`qib hamisha va`damizni oqlaymiz.

Endi esa aziz bolajonlar o`qish va ona tili kitoblarini taklif etamiz.

Bolalar.   Kelaqolgin o`qishjon   yo`lingda biz intizor.

O`qish kitobi. Dilnoza Umarova.

Men o’qish kitobiman

Ko’p uqish kitobiman,

Sizlarga do’st bo’laman

Ongingiz o’stiraman.

 Meni varaqlab ko’ring

 Mag’zimni chaqib ko’ring

 Sahifamda ne bo’lsa,

 Berilib o’qib ko’ring.

Bilaman sizlar meni

Varaqlab o’rganasiz,

Yahshi g’ayrat qilsangiz

O’qib olim bo’lasiz.

Aziz bolajonlar endi men sizlarni o`rgangan bilimlaringizni sinab ko`raman rozimisiz?

Bolalar. Ha rozimiz

O`qish kitobi.Unday bo`lsa men she`riy topishmoq aytaman siz esa topasiz. Bunda 5ta o`quvchini yonimga taklif etaman ular bittadan konvert olishadi men konvertdagi topishmoqlarni o`qiyman ushbu topishmoqlarda buyuk allomalarning siymolari aks ettirilgan. Tayyor bo`lsangiz boshlaymiz.

1-konvert.   U kim erur umri davomida yurt tuzdi

                       Elim deb, yurtim deb jonini fido qildi

                       Topqir bo`lsang qiynalmay javob bergin

                       Bobomizni davraga taklif etgin

N.Diyora        Bobomiz Amir Temur buyuk va qudratli davlat tuzdi.

O`qish kitob   Barakalla juda to`g`ri topding. A.Temurni davraga taklif etamiz.

2-konvert.   U kim erur Hirotda dunyoga keldi,  she`r yozdi davlat                                                  

                    arbobi bo`ldi

                    Yozgan she`rlari dillarga navodek yoqimli bo`ldi

                    Topqir bo`lsang qiynalmay javob bergin bobomizni        

                    davraga taklif etgin.

Shahzod.   Bobomiz A.Navoiy davlat arbobi bo`lgan.

3-konvert   U kim erur Afshonada tug`ilgan  Kitobga mehr qo`yib tib sirlarin o`rgangan

Topqir bo`lsang qiynalmay javob bergin bobomizni davraga taklif etgin

Azizbek.  Bobomiz ibn Sino tabobat sirlarini o`rganganlar

4-konvert    U kim erur koinotga Narvon qo`yib

                   Ming yulduzga ot qo`yib rasadxona qurdirdi

                  Topqir bo`lsang qiynalmay javob bergin bobomizni             

                  davraga taklif etgin

Bekzod.    Bobomiz Mirzo Ulug`bek koinot sirlarini o`rganganlar

5-konvert    U kim erur ko`p sargardon yurt kezdi O`z yurtiga              

                  sig`may Afg`on Hind kezdi

                  Topqir bo`lsang bizga shundan xabar ber bobomizni             

                  davraga taklif et.

Shohida.    Bobomiz Mirzo Bobur vataniga sig`may yurt kezdilar

O`qish kitobi  Barakalla bolajonlar siz hammasini to`g`ri topdingiz. Endi Dono bobolarimizning hikmatli so`zlari va o`gitlaridan ham aytib berolasizmi?

Azimjon.    Kuch adolatda.   Boshga qilich kelsada rost so`zla

Shohida.    Oz-oz o`rganib dono bo`lur, qatra-qatra yig`ilib daryo                       

                 bo`lur.   Tilga ixtiyorsiz elga e`tiborsiz

Madina      Oz yeyish va oz gapirishni odat qil.  Besh qoidaga amal qilgan inson doimo sog`lom bo`lur.

S.Marjona.  Kimki o`z ajdodlari tarixini bilmasa u otasiz tug`ilgan bolaga o`xshaydi.

Muhammad. Farzandlarimiz bizdan ko`ra kuchli, bilimli,don ova albatta baxtli bo`lishlari shart.

Shahzod.  Hamisha to`g`ri gapiringlar

Shahnoza.  Birovlarning tinchini buzmanglar

Samandar.  Yomonlar bilan yurmanglar

Shaxrizoda. Urushmanglar, ahil bo`linglar

Azimjon. Kecha-kunduz ilm egallang

M.Diyora. Ota-onangizni tiriklik chog`ida qadriga yetinglar.

3-Raqs.  “Duet Aka-singil”

Endi bolajonlar biz ona tili kitobidan olgan bilimlaringizni sinab ko`ramiz.

Bekzod. Vergul.      Bizlar tinish belgisi    nuqta vergul qo`shtirnoq

                                 Kuchli hayajon hissi  nuqta undov inoqmiz

Laylo. Ikki nuqta. Ikki nuqta ko`p nuqta   nuqta vergul qo`shtirnoq

                             Chalkashtirar nutqda  bizlarni adashtirmoq.

Diyora N.  so`roq    Har birimiz o`rnida qo`llaganda azizmiz

                              So`roq belgi juda mos  bir nima so`ralganda

Madina.  Nuqta      Nuqta qo`yishlik ma`qul   fikr tugab yetganda

Laziz undov            his-tuyg`uga undov xos  nuqtaga qaraganda

Shaxzod qo`shtirnoq  Qo`shtirnoqqa olinar ko`chirma gap odatda.

O`qish. Rahmat bolajonlar meni juda xursand ettingiz.

O`qituvchi.   Kimning qo`lidan tushmasa kitob

                      ilm osmonida bo`ladi oftob.

Dunyoda eng aziz inson kim?

Hamma.  Ota-ona.

Azizbek. 

          Ota-ona ikki so`z, biri qoshu biri ko`z

          Bir-biridan qimmatli mehri daryo himmatli

          Ular o`zin o`ylamas, farzandi sog` bo`lsa bas

Yulduz.

          Farzand deb umrin yashar, farzand deb devon oshar

          Goh yiqilib tursa ham, gohi yig`lab kulsa ham

          Hammasiga chidarlar, bular qo`sha chinorlar.

O`qituvchi.  Vatan deganda nimani tushunasiz?

Vatan haqida she`rlardan aytiladi.   3 ta she`r

Abdumalik, Azizbek, I.Marjona.

4-Raqs:( Onalar haqida)

O`qituvchi.    Aziz bolalar nima uchundir matematika kitobi kechikiyapdi. Qani birgalashib chaqiraylikchi

Hamma.  Hisoblashni o`rgatgan to`g`ri yo`lni ko`rsatgan

                  Ziyo sochib dilimga  matematikam kela qol.

Matematika kitobi. Elda bor shunday naql hisob aql qayrog`i

                              Tinglab sonlar tavsifin bo`lingiz chin o`rtog`i.

Raqamlar tilga kirsin.  1dan 10gacha bo`lgan raqamlarga she`rlar aytiladi.

Slayd.  Gimnastika  namoyishi.

Matematika kitobi: she`riy topishmoqlar aytib bolalar topqirligini sinaydi.

Yangi yilga atab sahna ko`rinishi.

1-sahna. Shahzoda va Muhammad (do`konda)

2-sahna. Azizbek va Behruz (tadbirkor)

3-sahna. Farangiz,Madina,Shahnoza,Marjona (biznesmen)

Bolajonlar yaqinda qanday bayram keladi

 Yangi yil  Bizning bayramimizga kim yetishmayapdi?

Hamma. Qorbobo. Qani unda qorboboni chaqiraylik. 

Bolalar: Qorbobo, qorbobo …….

Qorbobo. Chiqib keladi salomlashadi. Hammani kirib kelayotgan yangi yil bayrami bilan tabriklaydi. Bolajonlar qishda nima yog`adi?

Bolalar:  Qor.

Qorbobo: Qor qanday yog`adi?

5-raqs.  (Qor parchalari)

 O`quvchilar bilan  topishmoq topish,maqol, tez aytish va archa haqidagi she`rlardan so`raydi. Ota-onalar bilan  o`yin o`tqazadi. 1-o`yin  otalar va onalar kim tez va kim chiroyli archa bezaydi.

2-o`yin Kim tez pufakni shirib uni yorib ichidagi savollarga javob beradi.

Qorbobo bolalarga o`z sovg`alarini topshiradi.

O`qituvchi.   Poyoniga yetdi mana   bugun bayram tantanasi

                    Arimasin uyingizdan  bolajonlar qah-qahasi.

Ozodbek  qo`shig`i bilan yakunlanadi.  Kelganingiz uchun rahmat xayr sog` bo`linglar!

 

 

 

 

 

 

 

                                    Ketma-ketlik.

1.      5-sinf o`quvchisi Moxichehra boshlaydi.

2.      Kamolot qo`shig`i bilan bolalar kirib keladi.

3.      O`qituvchi so`zi  tanishtiruv

4.      boshlovchilar she`ri.

5.      she`r Alifbe haqida

6.      1-raqs “O`zbekistonim”

7.      Navoiy va Bobur kelishi

8.      Alifbe sirini ochish

9.      Ona-bola sahnasi

10.   Alifbe kitobi keladi

11.   Alfavit she`rlari

12.   2-raqs “Andijon polka”

13.   Alifbe xayrlashadi

14.   O`qish kitobi kelishi

15.   5-ta konvert savol-javob

16.   hikmatli so`zlar aytiladi

17.   3-raqs “Aka-singil duet”

18.   Tinish belgilari chiqadi

19.   O`qish kitob xayrlashadi

20.   Ota-ona, Vatan haqidagi she`rlar

21.   4-raqs “Onajonim”

22.   Matematika kitobi keladi

23.   raqamlar she`ri

24.   slayd “gimnastika”

25.   Matematika kitobi she`riy topishmoq o`tkazadi

26.   Yangi 2011- yilga atab sahna ko`rinishi

27.    Qorbobo keladi

28.   5-raqs “Qor parchalari”

29.   tez aytish, topishmoq, maqol, qish haqidagi she`rlar

30.   ota-onalar bilan o`yin

31.   yakuniy qism.O.Nazarbekov” O`zbekiston” qo`shig`i bilan yakunlash.