IYINLI TÁREZIDE DENENIŃ MASSASÍN ÓLSHEW L.J

Nókis rayonı XBMXMThSHBne qaraslı

№  22 - sanlı ulıwma orta bilim beriw mektebiniń

Fizika páni muǵallimi

Aǵılash   Saylauovtıń

IYINLI TÁREZI JÁRDEMINDE DENENERDIŃ MASSASÍN ÓLSHEW

(Laboratoriyaliq jumis)

atlı teması boyınsha

sabaqlıq is jobası

2015-2016 jıl

Nókis Rayonı                                                                                                         22-mektep  Saylauov Aǵılash

№ 15-TEMA   IYINLI TÁREZIDE DENENIŃ MASSASÍN ÓLSHEW.

(Laboratoriyalıq jumıs)

Sabaqtıń maqseti

a)Bilimlendiriw maqseti

Oqıwshılarǵa Iyinli tárezide deneniń massasín ólshew haqqında keńnen túsinik berip, bul temanıń bsaqa temalardan ózgesheligin bildiriw.

b) Tárbiyalıq maqseti.

Oqıwshılarǵa temadan kelip shıqqan halda ómirde jaqsı menen jamannıń birdey juriwin biraq jaqsılıqtıń jeńip shıǵıwın túsindirip, oqıwshılardı jaqsılıq ruwxında tárbiyalaw.

c)Rawajlandırıw maqseti

Oqıwshılardıń pánge degen qızıǵıwshılıǵın arttırıw nátiyjesinde olardıńwoqıw hám jazıw kónlikpelerin arttırıp barıw

Sabaqtı qurallandırıw

Sabaqlıq kitap,tarqatpa materiallar, hám kórgizbeli qurallar.

Sabaqta paydalanılǵan metodlar: «Blits» interaktiv metodı «Skarabey» interaktiv metodı

Sabaq jobası

Sabaqtın barısı

Shólkemlestiriw

Klassqa kirip oqıwshılardıń tazalıǵına, klass tazalıǵina itibar qaratıw. Oqıwshılardıń oqıw quralların kózden keshirip  náwbettegi sabaqqa tayarlıǵın tekseriw

Úyge tapsırma soraw

Massa hám onıń birlikleri.temasın soraw

Tema

Kerekli ásbaplar:

Iyinli tárezi tasları menen, stakan, suw, massası ólsheniwi kerek bolǵan kub, shar, cilindr kórinisindegi deneler.

Jumıstı orınlaw:

1. Iyinli tárezininń dúzilisi, hár túrli massaǵa iye bolǵan tárezi tasları menen tanısıw (16-suwret).

2. Deneniń massasın ólshewden aldın tárezi teńlestiriledi. Zárúr bolsa pállelerine qaǵaz qıyqımları qoyıladı.

3. Massası anıqlanatuǵın dene táreziniń sol pállesine, al tasları oń pıllesine salınadı.

4. Tárezini buzıp qoymaw ushın tastıń shama menen dene massasına jaqınraǵı tańlap qoyıladı. Júdá kóp, ayırma kórsetetuǵın tastı qoyıp atırǵanda táreziniń awısıw shegarasınan shıǵıp ketiwi múmkin.

5. Tárezi pıllesine ıǵal, patas, ıssı denelerdi qoyıw múmkin emes. Oǵan suyıqlıqtı tikkeley quyıw, ıdıssız shashılıp keletuǵın nárselerdi (qumsheker, duz) de salıw múmkin emes.

6. Tárezide tek ǵana onıń pasportında jazılǵan júkten artıqsha júkti ólshew múmkin emes.

7. Massası kishkene taslardı pinset (sorǵısh) járdeminde ıdıstan alıp, pillage qoyıladı. Sebebi qol menen uslansa, qoldaǵı ıǵallıq hám may tasqa ótip onıń massasına tásir etiwi múmkin.

8. Pıllege qoyılǵan tas jeńil blsa, oǵan shamalap jeńilirek tastan baslap qosıp barıw kerek.

9. Tárezi teńlesip, strelkası noldı kórsetse yáki pálleler qoyılǵan táreplerdiń kórsetkish usılları bir tuwrı sızıqqa kelse, onda pálledegi taslar massalarınıń qosındısıesaplanıp jazıp alınadı.

10. Tárezide suwsız bos stakan massası m ólshep alınadı (17-suwret).

11. Stakandı pálleden alıp oǵan belgili muǵdardaǵı suw quyıladı.

12. Suwlı stakandı táreziniń pállesine qoyıp, massası m_st.s ólshenedi.

13. m_suw=m_st.s-m_st formuladan stakandaǵı suw massası esaplanadı.

Nókis Rayonı                                                                                                         22-mektep  Saylauov Aǵılash

Nókis Rayonı                                                                                                         22-mektep  Saylauov Aǵılash

Sabaqtı bekkemlew

Bekkemlew ushın «Debat», «klaster» interaktiv metodı usınıs etiledi. Tema boyınsha oqıwshılarǵa  qayta sorawlar berip hám qosımsha tapsırma túrinde hár toparǵa krosvordlar tarqatıladı. tapsırma orınlanıp bolǵannan soń boslıqlardı tolıqtırıw maqsetinde, bilimlerin bekkemlep barıw ushın yadtan formulalar jazadı.

1.Deneler qızdırılǵanda onıń massası qanday ózgeredi?

2.Ne ushın iyinli tárezide ólshewprujinalı tárezide ólshewge qaraǵanda anıǵıraq boladı?

3.Gaz massasın qanday usılda ólshew múmkinligi haqqında oylap kóriń.

Úy tapsırma tapsırıw

Iyinli tárezide deneniń massasín ólshew temasın oqıp keliw

Sabaqtı juwmaqlaw

Úy jumısın qayta yadına salıp ótip, búgingi sabaqqa belsene qatnasqan oqıwshılarǵa tiyisli bahaların qoyǵan halda búgingi sabaǵıma juwmaq jasayman

Nókis Rayonı                                                                                                         22-mektep  Saylauov Aǵılash