JAQTÍLÍQTÍŃ TÁBIYIY HÁM JASALMA DEREKLERI

Nókis rayonı XBMXMThSHBne qaraslı

№ - 22- sanlı uluwma worta bilim beriw mektebiniń

Fizika páni muǵallimi

Aǵılash   Saylauovtıń

JAQTÍLÍQTÍŃ TÁBIYIY HÁM JASALMA DEREKLERI

atlı teması boyınsha

sabaqlıq is jobası

2016-2017-jıl

Nókis Rayonı                                                                                                  22-mektep  Saylauov Aǵılash

№43-TEMA    JAQTÍLÍQTÍŃ TÁBIYIY HÁM JASALMA DEREKLERI

Sabaqtıń maqseti

a)Bilimlendiriw maqseti

Oqıwshılarǵa Jaqtílíqtíń tábiyiy hám jasalma derekleri haqqında uluwma tusinikler beriw hám bul temanıń basqa temalardan ózgesheligin aytıp ótip temanı baslaw.

b) Tarbiyalıq maqseti.

Oqıwshılarǵa temadan kelip shıqqan halda ómirde jaqsı menen jamannıń birdey juriwin biraq jaqsılıqtıń jeńip shıǵıwın túsindirip, oqıwshılardı jaqsılıq ruwxında tárbiyalaw.

c)Rawajlandırıw maqseti

Oqıwshılardıń pánge degen qızıǵıwshılıǵın arttırıw nátiyjesinde olardıńwoqıw hám jazıw kónlikpelerin arttırıp barıw

Sabaqtı qurallandırıw

Sabaqlıq kitap,tarqatpa materiallar, hám kórgizbeli qurallar.

Sabaqta paydalanılǵan metodlar: «Blits» interaktiv metodı «Skarabey» interaktiv metodı

Sabaq jobası

Sabaqtın barısı

Shólkemlestiriw

Klassqa kirip oqıwshılardıń tazalıǵına,klass tazalıǵina itibar qaratıw. Oqıwshılardıń oqıw quralların kózden keshirip  náwbettegi sabaqqa tayarlıǵın tekseriw

Úyge tapsırma soraw

Reaktiv dvigatel. Jıllılıq mashinaları hám tábiyattı qorǵaw temasın soraw

Tema

Ózlerinen jaqtılıq shıǵaratuǵın deneler jaqtılıq derekleri dep ataladı.

Mısalı, Quyash, juldızlar, elektr lampochkası, janıp turǵan sham, ottıń jalını h.t.b. Ayırım deneler ózlerinen jaqtılıq shıǵarmaytuǵın bolsa da, basqa dereklerden shıǵıp ózine túsetuǵın jaqtılıqtı shaǵılıstıradı. Mısalı, Ay, aynalar.

Ayırım jánlikler, balıqlar da ózlerinen nur shıǵaradı. Jaqtılıq dereklerin shártli ráwishte eki túrge ajıratıw múmkin. Jaqtılıqtıń tábiyiy derekleri hám jasalma derekleri.

Quyash, juldızlar, shaqmaq, arqa polyus jaqtılıǵı, jaltıraq qońızlar, ayırım balıqlar, shirindiler jaqtılıqtıń tábiyiy dereklerine kiredi. Insannıń aralasıwı menen payda etiletuǵın jaqtılıq derekleri jasalma derekler delinedi. Olarǵa elektr lampochkası, ottıń jalını, kerosin lampası, televizor ekranı, elektr hám gaz kepseri, lyuminissent lampalar, qızdırılǵan gazlar h.t.b. kiredi.

Jaqtılıq dereklerinen shıǵatuǵın nur hár túrli reńge iye boladı. Denelerdiń jaqtılıq shıǵarıwınıń tiykarǵı sebebi onıń qızıwı bolıp tabıladı. Dene temperaturasınıń joqarı yáki tómen bolıwına qarap, onnan shıǵatuǵın nur reńide ózgeredi. Mısalı, elektr lampochkasınan belgilengen tok ótpeytuǵın bolsa, ol qızarıp janadı hám bólmeni jaqtılandırmaydı.

Jaqtılıq tásririnde isleytuǵın deneler jaqtılıqtı qabıl etiwshiler delinedi.

Insan lózi usı wazıypanı atqaradı. Fotoplyonkalar, fotosuwret, videokamera,Quyash batareyaları, televizor hám magnitofonlardı basqarıwshı putlar usılar quramına kiredi. Ósimliklerde quyash nurları tásirinde quramalı processler bolıp ótedi hám Jerdegi tirishilik ushın áhmiyetli bolǵan kislorod ajıraladı hám beloklar, maylar oayda boladı.

Nókis Rayonı                                                                                                  22-mektep  Saylauov Aǵılash

Nókis Rayonı                                                                                                  22-mektep  Saylauov Aǵılash

Sabaqtı bekkemlew

Bekkemlew ushın «Debat», «klaster» interaktiv metodı usınıs etiledi. Tema boyınsha oqıwshılarǵa  qayta sorawlar berip hám qosımsha tapsırma túrinde hár toparǵa krosvordlar tarqatıladı.tapsırma orınlanıp bolǵannan soń boslıqlardı tolıqtırıw maqsetinde,bilimlerin bekkemlep barıw ushın yadtan formulalar jazadı.

1.Jaqtılıqtıń jáne qanday dereklerin bilesiz?

2.Suwıq halında nur shıǵaratuǵın derekler barma Jaqtílíqtíń tábiyiy hám jasalma derekleri?

3.Jaqtılıq tásirinde isleytuǵın jáne qanday qurılmalardı bilesiz?

Úy tapsırma tapsırıw

Jaqtílíqtíń tábiyiy hám jasalma derekleri temasın oqıp keliw. 

Sabaqtı juwmaqlaw

Uy jumısın qayta yadına salıp otip,bugingi sabaqqa belsene qatnasqan oqıwshılarǵa tiyisli bahaların qoyǵan halda búgingi sabaǵıma juwmaq jasayman

Nókis Rayonı                                                                                                  22-mektep  Saylauov Aǵılash