JAQTÍLÍQTÍŃ TUWRÍ SÍZÍQ BOYLAP TARQALÍWÍ.SAYA HÁM YARÍM SAYA.

Nókis rayonı XBMXMThSHBne qaraslı

№ - 22- sanlı uluwma worta bilim beriw mektebiniń

Fizika páni muǵallimi

Aǵılash   Saylauovtıń

JAQTÍLÍQTÍŃ TUWRÍ SÍZÍQ BOYLAP TARQALÍWÍ.SAYA HÁM YARÍM SAYA

atlı teması boyınsha

sabaqlıq is jobası

2016-2017-jıl

Nókis Rayonı                                                                                                          22-mektep  Saylauov Aǵılash

№ 44 TEMA           JAQTÍLÍQTÍŃ TUWRÍ SÍZÍQ BOYLAP TARQALÍWÍ.SAYA HÁM YARÍM SAYA.

Sabaqtıń maqseti

a)Bilimlendiriw maqseti

Oqıwshılarǵa Jaqtílíqtíń tuwrí sízíq boylap tarqalíwí.saya hám yarím saya haqqında uluwma túsinikler beriw hám bul temanıń basqa temalardan wózgesheligin aytıp ótip temanı baslaw.

b) Tarbiyalıq maqseti.

Oqıwshılarǵa temadan kelip shıqqan halda ómirde jaqsı menen jamannıń birdey juriwin biraq jaqsılıqtıń jeńip shıǵıwın tusindirip, oqıwshılardı jaqsılıq ruwxında tárbiyalaw.

c)Rawajlandırıw maqsetı

Oqıwshılardıń pánge degen qızıǵıwshılıǵın arttırıw nátiyjesinde olardıń oqıw hám jazıw kónlikpelerin arttırıp barıw

Sabaqtı qurallandırıw

Sabaqlıq kitap,tarqatpa materiallar, hám korgizbeli qurallar.

Sabaqta paydalanılǵan metodlar: «Blits» interaktiv metodı «Skarabey» interaktiv metodı

Sabaq jobasi

Sabaqtıń barısı

Shólkemlestiriw

Oqıwshilardıń nawbettegi sabaqqa tayarlıǵın tekseriw

Úyge tapsırma soraw

Jaqtılıqtıń tábiyiy hám jasalma derekleri temasın soraw

TEMA

Jaqtılıqtıń tarqalıwın úyreniw ushın tómendegi tájiriybeni kórip óteyik. Jaqtılıq deregi (M) hám ekran (E) aralıǵında qanday da bir tosqınlıq (T) qoyayıq (94-a suwret). Sonda ekranda payda etken sayanı kıremiz. Eger derek (M) nen ekran aralıǵına sanlaǵı bar tosqınlıq (T) qoyılsa, ekranda sanlaq kórinisine sáykes jaqtı daqtı kóremiz (94-b suwret). Saya shetlerinen tosqınlıqqa qarap sızıqlar júrgizetuǵın bolsaq, olar derekte ushırasadı. Usınday hal jaqtı daq hám sańlaq arqalı tuwrı sızıq júrgizilgende de baqlanadı.Bunnan jaqtılıq tuwrı sızıq boylap tarqaladı degen juwmaqqa kelemiz. Sonlıqtan jaqtılıq nur dep te ataladı. Matematika da geyde tuwrı sızıqtı sızıwda «nur ótkereyik» degen sóz de isletiledi. 95-suwrette buyımnıń artńnda payda bolǵan saya kórsetilgen, sayanıń ortalıq bólegi tolıq qarańǵı, al shetki bólegi gúngirt. Sonlıqtan tolıq qaranǵı bólimin saya,gúngirt bólegi, yarım saya dep ataladı. 95-a suwretke buyımǵa jaqtılıq eki derekten (S₁ hám S₂) túsetuǵın halı kórsetilgen. Buyım astında payda bolǵan saya bólimine hesg bir derekten jaqtılıq túspeydi. Yarım saya bólegine derektiń birewinen jaqtılıq túsedi. Yarım sayadan sırtqa da eki derekten jaqtılıq túsedi. Eger shamlardan birewin óshiretuǵın bolsaq, buyım artında tek ǵana saya payda boladı.

95-b suwrettegi kórinisin tısindiriwge háreket etiń? Onda shar ólshemi jaqtılıq deregi elektr lampochkasınan ádewir kishi.

Sabaqtı bekkemlew

«Jalpı pikirge hújim» interaktiv metodı bunda oqıwshılardı 3 toparǵa bólıp olarǵa tema boyınsha qayta sorawlar berip,qosımsha tapsırma túrinde yesaplar beriledi 10 minut ishinde berilgen tapsırmalar boyınsha topardan bir oqıwshı juwap beredi hám eń kóp durıs juwap bergen topar jeńilpaz boladı. Soń boslıqlardı tolıqtırıw maqsetinde bilimlerin bekkemlep barıw ushın yadtan formula jazıwǵa kirisedi .

1.Ne ushın bult bolǵanda buyımlardıń sayası payda boladı?

2.Eger diywalǵa qaysı bir buyımnıń sayası túsetuǵın bolsa, bul sayanıń ólshemi nege baylanıslı boladı?

3. Jaqtılıqtıń tuwrı sızıq boylap tarqalatuǵın jáne qanday qubılıslar tastiyıqlaydı?

Nókis Rayonı                                                                                                          22-mektep  Saylauov Aǵılash

Nókis Rayonı                                                                                                          22-mektep  Saylauov Aǵılash

Úy tapsırma tapsırıw

Jaqtílíqtíń tuwrí sízíq boylap tarqalíwí.saya hám yarím saya oqıp keliw.

Sabaqtı juwmaqlaw

Úy jumısın qayta yadına salıp ótip, búgingi sabaqqa belsene qatnasqan oqıwshilarga tiyisli bahaların qoyǵan halda búgingi sabaǵıma juwmaq jasayman.

Nókis Rayonı                                                                                                          22-mektep  Saylauov Aǵılash