Конспект внеклассного мероприятия "Тавах сире аннемерсем"

ТАВАХ СИРЕ, АННЕМĔРСЕМ!

1 ача. Пĕтĕм тĕнчери Хӗр арǎмсен кунĕ ячĕпе пурне те Салам!

 Ăçти çĕр-шывра çуралсан та ача –

 «Анне» сăмахран ун чĕлхи пуçланать.  

Анне – уншăн сывлăш, Хĕвеллĕ вучах,

Унпа ăшăнать вăл, Унпа вăл вылять.

Ÿссе çитĕнсен те, «анне» сăмаха

Ялан илтме хатĕр-çке пирĕн хăлха.

2 ача. «Анне» сăмахпа çула тухнă  эпир –

Анне пек илемлĕ, Анне пек çут ир.

Тен, çавăнпа шухăшлатăп çапла:

Анне –манăн ялăм, Анне – ман хула!

Сцена çине 1 классем тухаççӗ. Юрǎ  «Мамочка»

1 ача. Хĕрарăм –кил ăшши ялан.

Ун кăкăрĕн сĕтне çисе, Утма пуçлаççĕ ачасем.

Чĕвĕл чĕкеçĕн сассине Илеççĕ калаçма, вара

Пуçлаççĕ ăшă сăмахран: «Анне».

 Юрǎ «Асамат кĕперĕ»

2 ача: Ун пек хисеплĕ, ырă ят

Пулман та, пулмĕ тĕнчере.

Вăл маншăн тăванран тăван,

Ялан вăл манăн чĕрере.

Чᾰваш ташши 1-мӗш классем ташлаҫҫĕ.

1 ача: «Анне» сăмах мĕнпе танлашĕ?!

Кун-çул пуçламăшĕ - анне .

Вăл – пурнăç витĕмĕ, ун тĕшĕ,

Пире парать хăй ăшшине.
Халӗ сцена çине 2-мӗш классем тухаççӗ.

Юрǎ «Пахчи, пахчи»
1 ача: Чи хакли мĕн тĕнчере? Вăл – анне!

Вăл упранĕ чĕрере Ĕмĕрех.

Такмаксем. 2-мӗш классем юрлаççӗ

1 ача: Ылтăн пек ырă çыннăм анне,

Çук санран лайăххи тĕнчере,-

Çĕклемешкĕн  çĕр-шыв хăватне

Ăраскал пехиллетĕн пире.

Эх, аннеçĕм, пĕртен- пĕр анне,

Яланах эс çĕклен чĕрене,-

Тайма пуçăм сана, тайма пуçăм.

 «Чᾰваш ташши» 2-мӗш классем ташлаҫҫĕ

2 ача: Анне!

Эс мана мĕн кирлине йăлт панă:

Çыпăçмасть усал ят ман çума,

Эп санран ĕçчен пулма вĕрентĕм,

Юратма вĕрентĕм халăха

Сцена çине 3- мӗш класра вӗренекенсем тухаççӗ.

1 ача:- Анне! – тет ун ачи ăна,

Чун-чĕрене сăмахĕ ачашлать.

Хăй чĕлхипе кашни çуралакан

Çак сăмаха калать нимрен малтан!

Аннесене саламласа 3-мӗш классем «Наши мамы» юрǎ юрлаҫҫĕ.
Исценировка «Ах, мамочка» 2-мӗш классем лартса параҫҫĕ.

Юрᾰ «Встречайте праздник с песнями» 2-мĕш классем юрлаҫҫĕ.

1 ача: Анне чĕри кăвар пек вăл вĕри,

Кăварсăр чĕрере кăвар хыптартăр.

Питре çиçейтĕр-и хĕвел тĕрри,

Анне ятне никам нихçан ан мантăр.
Юрᾰ «Иккĕшне те юратап»-3-мĕш классем юрлаҫҫĕ

Ташǎ «Ангелочек» 3-мӗш классем ташлаҫҫĕ.

2 ача: Анне - ăшă хĕвел! Анне – çутă тĕнче! Анне – пирĕн телей!

Анне! Çак ят чи çывăх, чи чаплă çĕр çинче

Пурнать вăл ĕмĕр сывă кашни çын чĕринче.

Сцена ҫине 4-мĕш классем тухаҫҫĕ

Юрᾰ «Мама, мама»

1 ача: Инкек- синкек сиксе тухать-и,

Хуйхи те хушăран пулать,

Кирек хăçан та эс туятăн:

Анне пуриншĕн те çунать.

Тен, çавăнпах- тăр унăн çÿçĕ

Ытла та хăвăрт шуралать.

Кунсем-çулсем чупса иртÿçĕн

чĕри те вăхăтсăр хавшать

Юрᾰ «Хĕрлĕ розᾰсем»

2 ача: Вăл пур самантра та чи çутă тивлет,

Анчах ман çакна та калассăм килет:

Хăш чух эпир темшĕн, чĕресĕр пекех,

Çуратнă аннешĕн хыпмастпăр питех.

Чᾰваш ташши- 4-мĕш класс хĕр ачисем ташлаҫҫĕ.

1 ача: Ылтăн пек ырă çыннăм анне,

Çук санран лайăххи тĕнчере,-

Çĕклемешкĕн  çĕр-шыв хăватне

Ăраскал пехиллетĕн пире.

Эх, аннеçĕм, пĕртен- пĕр анне,

Яланах эс çĕклен чĕрене,-

Тайма пуçăм сана, тайма пуçăм.

Такмаксем – 4-мĕш классем калаҫҫĕ

« Светит солнышко» хор юрлать

2 ача: Ҫакǎнпа пирӗн концерт  вӗçленчӗ. Тепӗр хут пурне те уяв ячӗпе саламлатпǎр. Сывǎ пулǎр.