Конспект урока по кабардинской литературе по теме "Бжэндэхъу анэ" К1эщт М. (3 класс)

Темэр. КIэщт Мухьэз «Бжэндэхъу  анэ». Мурадхэр.    КъеджэныгъэмкIэ  яIэ  зэфIэкIыр  егъэфIэкIуэным  пыщэн,  авто­ рым (тхакIуэм) и гурыгъу­гурыщIэхэр еджакIуэхэм зыхащIэфу, природэм и сурэт зэхуэмыдэхэр я нэгу къыщIагъэхьэфу, природэм и теплъэр къызыхэ­ щыж   щIыпIэхэр   тхыгъэм   къыхагъуэтэфу   егъэсэн;   (тхакIуэм   и   гукъыдэжыр къэгъэлъэгъуа   зэрыхъу   псалъэхэр   къагъуэтыфу   егъэсэн);   текстыр   зыхуэдэр къащIэфу егъэсэн. Къэгъэсэбэпыпхъэхэр. Къуалэбзу макъ зытет диск, музыкэ щабэ, гъатхэм  ехьэлIа сурэтхэр, къуалэбзу сурэтхэр. Урокыр зэрекIуэкIынур. I. Фонетическэ зарядкэ – ХьэIупэ ДжэбрэIил и бзэкъутэ – бзэщIыж  едзыгъуэмкIэ.   Адэжынэм удэжэну Жан и жэмыр, Жэи Жану, Бжэнри жэмри Бжэурэ хуж. Доскам итщи, IдакъикъэкIэ псынщIэу къапсэлъыфу зрагъасэ. Адэжынэ­ коростель, дергач (псы Iуфэ чыцэхэм, мэкъупIэхэм щыпсэу бзу) I. Унэ лэжьыгъэр къэпщытэжын. 1.  ЩоджэнцIыкIу Алий «Гъатхэ» усэм  гукIэ  удихьэхыу къегъэджэн.  2. ТетрадхэмкIэ лэжьыгъэхэр зэрагъэзэщIам зыщыгъэгъуэзэн.  3. Сыту пIэрэ усакIуэм бжэндэхъухэм  щIытеусыхьар? (Бжэндэхъур гъатхэ  нэщэнэщ, япэу къэлъэтэж къуалэбзухэм ящыщщ). 4. Къуалэбзухэм я сурэтхэмкIэ гъэлэжьэн. Сурэтым ит бзум и цIэр  къыжегъэIэн. II. ТемэщIэм елэжьын.1. Рассказым сабийхэр езыр­езыру къегъэджэн. Зи мыхьэнэр ямыщIэнкIэ  хъуну псалъэхэр къагурыгъэIуэн. 2. Рассказыр   зытеухуамрэ,   мы   тхыгъэмкIэ   КIэщт   Мухьэз   къыджиIэну   зы­ хуеймрэ сабийхэм къазэрыгурыIуэр жегъэIэн. 3. Бзу анэхэр я бынхэм хуэмысакъмэ,  сыт къэхъунур? 4. Сыт къыщыщIынур щIыуэпсым бзухэр дунейм темытмэ? 5. «Апхуэдэщ   махуэ   псом»  псалъэухам   къыщыщIэдзауэ   абы   къыкIэлъыкIуэ псалъэухаиплIым еджакIуэхэр къегъэджэн.  6. СыткIэ ещхь бзу анэхэр цIыху анэхэм?  7. СыткIэ къащхьэщыкIрэ цIыхухэм я щIэблэр бзухэм я щIэблэм? (ЦIыхухэм я бынхэм я адэ анэхэм гулъытэ хуащI, жьы хъуахэм кIэлъоплъыж, …)   8. Физминутка Нало Заур «Ди жыгыжьыр». Ди жыгыжьыр къэгъэгъа, Дыгъэ пызу къыпыкIа, Уарэ, къыпыкIа! Къришэхыу къыпыкIа!   ПцIащхъуэ цIыкIур пытIысхьа, Хьэрхьупыр пылъэта, Уарэ, пылъэта!  «Тррр!» ­ жиIэу лъэтэжащ. 9. Рассказым егъэлэжьын  а) ТипкIэ мы текстыр зыхуэдэр зэхегъэгъэкIын. «КъэIуэтэжыныгъэ» (повествование) Iыхьэм, лирическэ лIыхъужьым и гупсысэхэр   (рассуждение)     къыщиIуатэм,     къэзыухъуреихьыр   нэры­ лъагъу тщищIыну щыхэтым (описание) сабийхэр къегъэджэн.10. Урокым къыщыгъэсэбэпа фонетическэ зарядкэмрэ физминуткэмрэ сыт  хуэдэ бзухэм  я цIэхэр къыхэщыжрэ? (Мы лэжьыгъэм набдзэгубдзаплъэу  щытыну егъасэ). Адэжынэ – коростель, дергач, пцIащхъуэ – ласточка, хьэрхьуп – удод.    11.ТетрадымкIэ  гъэлэжьэн. Классым щIэс сабийхэр гупиплIу гуэшын, гуп  къэс зы лэжьыгъэр егъэгъэзэщIэн. III. Унэ лэжьыгъэ. 1. Я псынщIэрыкъеджэр ирегъэгъэфIэкIуэн.        2. Тхылъым рассказым щыхуэгъэува  упщIэхэм  жэуап  ирегъэтын.         3. Зэрылажьэ тетрадымкIэ 5­нэ лэжьыгъэр егъэгъэзэщIэн.         4. Бзухэм теухуа сурэт гъэлъэгъуэныгъэ щIын.